خواتي العزيزات حابة افيدكم باسم دكتورة أمراض نساء وولادة وبصراحه هي فعلا شاطرة وآنا كنت اراجعها من كانت بأيام تشتغل بالمستشفى والحين هي بعيادة خاصة وفعلا ممتازة وشاطرة وأمينة بشغلها والأسعار جداً مناسبة وتشرح للمريضة بشكل دقيق ومفصل والسونار عندها 100% وأتحدى انكم تلقون نفس أسعارها بره وما تعطيج تحاليل مالها اي داعي.... يعني فعلا هي امينه بشغلها اسم الدكتورة : خيرية السالم اسم العيادة : رويال كلينك رقم العيادة : 25611060 العنوان : نهاية الدائري الرابع مقابل مطافي السالمية
شكرا حبيبتي انا كنت اراجع عندها من قبل الصراحه الله يعلم شلون كانت حالتي واهيا انقذتني وساعدتني على الحمل الحمدالله شهااااااااااادتي فيها مجرووووحه ام فرووحه صج تعطيج حقج بكل شي تسالينه وكل شي تبينه تساعدج فيه بس حساااافه حسااااقه انها ماتولد بس تتابع امور الحمل كنت اتمنى تولدني بس حسافه الله يعطيها على قد نيتها ويفرحها في بنتها فرح انشالله موفقين
مشكورة حبيبتي عالنصيحة الحلوة في ميزان حسناتج ان شاء الله نفسي اروح اراجع عند دكتورة تكون شاطرة وامينة صايرلي سنة ونصف ماحملت ولا شي كل ماروح يقولون معندج شي كل شي طبيعي بس ليش ماكو حمل ما ادري بس على جم اسعارها تقريبا
حبيبيتي اول شي دقي اخذي موعد من السكرتيره وهناك لمن تروحين تفتحين ملف ب 20 دينار موفقه انشالله راح ترتاحين لها وااااايد انا واثقه من هالشي
اي عندي فكرة اختي انشالله تولدني حق ولادتي الثانية اذا الله كتب لي ذرية ثانية وبالنسبة لفتح الملف انا اسفه تخربطت :
