شرايكم بنادي الهلال ؟الصليبيخات والدوحه ؟بلييييز

شلووونكم ياالرشيقات ؟؟
بغيت اسالكم عن نادي الهلال ال في الصليبيخات بصراحة ناويه ادشه بس موعارفه عنه شئ
وانا حدي بطه يعني وزني 95 بس مو مناسب لعمري
المهم ال تعرف عنه او سامعه عنه تقولي تكفووون بدش الاسبوع الجاي على الاعانه>> اه بس من هل الاعانة

ان شاء الله اللي تعرف تفيدج يا قلبي

داخله حسبالي نادي الهلال السعودي<<<خبلا
مالت علي

حبيبتي آنا دشيته 4 أشهر وضعفت حييييل بس كنت أسوي ريجيم وآكل حبوب والنادي حييييييل حلو رووووووووووعه وكافي أنه اسلامي وكل مكان فيه عالأقل مدربتين عالاجهزه والايروبكس بالماي وبالصاله وفيه سونا وجاكوزي وبخار وتعليم سباحه وأذا تبين أي استفسار آنا حاضره

يسلمو على كل ال ردو علي ماقصرتو حبايب قلبي

ضحكك عليج انا انسانه << شكلج وايد متاثره بالمنتخب السعودي ههههههههههه

bshbsh<<< عندي سؤال شنو الحبوب ال كنتي تاخذينهم وهل لهم اضرار واو اثار جانبيه وجم ضعفتي عليم ؟
ادري دوختج معاي

لا شدعوه حبيبتي تعبج راحه وسوري تأخرت عليج بالرد
أنا استعمل حبوب سيبوتيرم 15 مجم ونصيحتي إذا عندج وقت دشي النادي وأستعملي هالحبوب وشوفي شلون راح تنزلين بسرعه بأذن الله​

يعطيكم الف عافيه وماقصرتو كلكم

والله انا بخااااطري اشترك فية بس مالقيت اللي يجاوب ع اسألتي ..

ابي اعرف جم الاشتراك بالشهر ؟

والاشتراك يكون يومي والا يوم وترك ..

واذا في رقم لهم ..

ووين مكانة << ادلة بس شاكة انة اهو .؟؟

وبسسس << ياكثر اسألتج ههههههههههه

يالله بنت التجاري الاحد تنزل الاعانة بإذن الله ..

اهلين مايرزني نكي <<< شوفي حبيبتي النادي 3 ايام في الاسبوع
و35 بالشهر ومكانهم بالصليبخات وهذا رقمه واستفسري اكثر يا قلبي 24873431
يلا دخلي معاي ترى ما اعرف احد هناك والله ترى خالتي كانت فيه وضعفت شئ مو طبيعي بس احنا مانكلمها ومرت خااااالي وااااااو شئ ثاني غير والله عشان جذي انا طاق براسي ادخله يلا تعالي معاي ان شاء الله ببدا الاسبوع الجاي بعد الدوره هي اللحين علي
واذا تامرين على شئ انا حاضر <<< ياكثر ما اقرقع

بنت التجاري اي ليش لا لان هم قريب من معهدي ..

بس اذا جذي لازم اول شي اشوف المكان يمكن مو نظيف او مايعجبني .. لان اهم شي الراحة ..

بس بقولك شي ترى انا ماني متينة بس يعني ابي شي يسليني لا اكثر ..

خلاص اجل باجر اتصل عليهم واجيك ع النادي .. وارد لج خبر ..

طيب ليش ماتدخلين نادي بالجابرية ؟

بنات تبون نصيحتي دشو فتنس فلكس
مسوين عرض بمناسبة العيد الوطني والتحرير
وأنظف وأحلى وأرخص من نادي الصليبيخات
شي راقي وعلى مستوى عرضهم 3 شهور 98 دينار مع جلستين بدكير ومنكير
وروحو شوفو النادي واحكمو شي روعه وخيالي وعرضهم فضيييييييييييييييع​

bshbshوين هذا النادي ؟؟؟؟؟؟؟؟؟؟؟؟؟

له خمس أو 6 فروع بالكويت بس وين بالضبط مادري لأن أنا بشترك بفرع الجهراء وهذا رقم النادي 24557788 _ 24565640وتقدرين تستفسرين ويفيدونج أكثر مني​

بنات انا رفيجتي اشتركت بالنادي قبل اسبوع تقريبا تقول انه مستوى زين بس يمدحووون الهدووء فيه

شرايكم فيه اللي جربتوه تنصحوني فيه

والله ما عندي فكره ان شاء الله البنات يفيدونج .. ​

اهلين بنت التجاري بسألج ثلاث ايام بالاسبوع انا اختارهم ولا ايام محدده منهم وشنو هالايام
وجم ادفع اذا بدخل ليوم واحد بس علشان اجربه يصير؟:smile:

انا دشيييييييييييته حيييييييييل حلو ونظيف والله
ورفعوا اشتراكهم صار 40 بالشهر

هلا باونتيه شنو الايام اللي حق الحريم؟؟