مساء الخير والانوار.... اشلونكم يالغاليات... عساكم بخير ومرتاحين... قبل فترة نزلت موضوع عن شغله صارتلي وكان موضوعها يتكلم عن شي ...بس للاسف صار تاخير وطلعلي شي ثاني السالفة يا طويلات العمر... ان موعد دورتي تاخرت علي وكان موعدها ما بين 20\2 او 19\2 وحللت قبل الدورة والنتيجة سالبة وحللت يوم موعد الدورة تحليل منزلي وتحليل دم وطلعت لي النتيجة سالبة قلت بنطر جم يوم واحلل ثاني مرة عاد قمت اليوم الفجر حللت وطلعت النتيجة سالبة وصارلي الحين ما يقارب اربع ايام او خمس ايام متأخرة وما فيني ولا اعراض الدوره ولا افرازات نهاااااااااااااائيأ ... بس احس بألم بسيط باليوم يجيني مرة الم بالمبيض اليسار... ولما اشتغل احس بألم بسيط اسفل الظهر... يعني مو نفس اعراض الدورة لما يجي موعدها... وربي انجنيت ونفسيتي اتعبت... دقيت على الدكتورة وقالت لي تعالي واسوي لج تحليل مشيمي ما ادري شنو هالتحليل يمكن قصدها تسويلي سونار؟ عاد انا قلت ابنطر شوي... بنات وربي قمت اوسوس اقول يمكن فيني تكيسات او لخبطة هرمونات!!!... مع ان ولا مرة تاخرت علي الدورة ... اللة يرحملي والديكم لا تحرموني من خبرتكم ونصايحكم .... واسفة على الاطوالة...
ولا وحده ردت عليج ولايهمج شوفي روحي للدكتوره وخليها تسويلج السونار ممكن يكون حمل صج الله يرزقج إن شاءالله رفيجتي نفس حالتج فيها أعراض حمل والدوره وأنتي بكرامه تأخرت سوت كل أنواع التحاليل كلها تبين أن مافيها حمل سوت سونار قالولها مبين من بطانة الرحم أن فيه حمل بس موبين الحمل نفسه عقدتج صج وبعد شهرين تأكدت أنها حامل طلعت الشغله وراثه بعايلتها أنتي روحي وشوفي أن شاءالله خير وطمنيني عنج ...
حبيبتي والله ...مشكووورة على الرد... وجزاج الف خير على الدعوة اللي تريح القلب...انا ان شاءالله بروح للدكتورة على الاسبوع الجاي مابي استعجل..اللي مجنني اني سويت تحليل دم وتحليل منزلي ولا طلع شي لا بين حمل ولا دورة نزلت... ولا ينزل معاي ولا افراز... بس اذا ممكن تكلميلي رفيجتج وتاخذين منها معلومات اكثر بالفتره اللي مرت فيها>>> اساليها حست بأعراض؟ ومتى بين عندها الحمل؟ ومشكوره يالغالية. وان شاءالله الخوات فيهم الخير انهم يردون علي... بليز لا تحرموني من ردودكم
هلا أختي . . . احيانا الدورة تتأخر والسبب النفسية والتفكير وعلى قولة الحريم تخربط تبي الحمالة . . . وماتدرين ربج كريم يمكن حامل . . .
مساء الخير يالغاليات... اشدعوة بس نوارة وام عبودي اللي ردوا... انا ادري ان موضوعي مو اي وحده ترد علية لان قليل اللي يصير هالشي بالمتزوجات... بس بليز اسألوا خواتكم او رفيجاتكم يمكن صارلهم نفسي... انا خايفة حيل لان الدورة اذا ما جت يعني في شي صاير بجسمي واليوم لي اليوم الخامس او السادس وعزكم الله ما نزلت الدورة ولا نزلت افرازات...
انا نفسك اول الدوره منتظمه معي فجئه تلخبطت وهالحين لي شهر ونص ماجتني ولا فيه حمل ومن عيد رمضان وانا الدوره ملخبطه معي والمستشفى ماسوت لي شي
انا والله مادري بس حبيت ادش اسمعج هادعاء 000000000000000 عسى رب العالين يرزقج انتي وخواتي الثنتين يارب العالمين وعسى ربي يفرحكم بشوفة عيالكم وعسى ربي يحقق لكم هالامنيه اميييييييييييييييييييييييييييين
مشكورة حبيبتي على الرد... بس ما حاولتي تروحين لدكتورة معروفة وشاطرة ؟ ديري بالج ترى اذا تلخبطت الدورة يعني في خلل بالجسم...ولا تخلين نفسج ... الوقاية خير من العلاج ... والله يكون يعونج
تكفون يابنات انا بستخف مادري شسوي بقول القصة كاملة واللي عندها خبرة خل تفيدني تكفون انا عملت تلقيح صناعي وقبل وقت التحليل نزل افرازات وخيوط بنية واتصلت عالدكتور قبل موعد التحليل بيوم وقال تعالي نعمل تحليل رقمي وطلعت النتيجة 15وبعده نزل دم احمر خفيف وقال احتمال حمل بعد يومين اعدت التحليل وكان21ايضا مع استمرار نزول دم خفيف قالي استمري على الادوية والمثبتات وعدنا التحليل بعد اربع ايام وكان 27وتوقف الدم وقال الدكتور ان نسبة التحليل بتزبد بس خفيفة جدا وعملي سونار مهبلي وماكان في كيس حمل وبعدها قال وقفي المثبتات ونعيد اتحليل باخر شهر فبراير هذي قصتي كاملة المهم بعد ماوقفت المثبت بيوم نزل دم مثل الدورة بس اخف شوي فقط ليوم واحد واحين واقف الدم السؤال انا شنو وضعي الان حامل او اجهضت او دورة ليوم واحد فقط تكفون ادري سالفتي طويلة بس مادري شسوي ساعدوني اللة يجزاكم كل خير يابنات
الله يرزقج يا رب ويطمن قلبج... اللي يعرف وضعج دكتورج ...والله لو انا منج الوع جبدة بالاسئلة .. واكتبي بقوقل اسباب نزول الدم فترة التلقيح الصناعي وان شاللة تقرين شي سريع ويفيدج ... واتمنى البنات يفيدونج يالغالية
مشكوووووورة وجزاج الف خير يالغالية على هالدعوة اللي تشرح القلب.. وعسا ربي يرزق خواتج ولا يحرمهم اللهم امين..اميييييين
اللةيجزاج خير يا قلبي على هالدعوة وعسا ربي يكشفلي الخير ...بس انتي بعد ما تخربطت دورتج متى بينت نتيجة الحمل وجم يوم غبت عتج الدورة؟ بليز فيديني
تخيلوا بنات صارلي اسبوع تقريبا وما انزلت الدورة !!!... ولا في اعراض ولا افرازات معاي... اللي صارلها نفسي بليزتقولي شنو صار معاها...
اختي الغاليه انا صار لي نفس الشي تاخرت اسبوعين و حللت مرتين دم و منزل وما بين شي سويت سونار داخلي و طلعت حامل و انشالله خير لاتحاتين و يرزقج و انا الحين على وجه ولاده ادعيلي
افضل شي انكم لازم تراجعون الطبيب وتتأكدون وبقول لكم شي بنت اخوي حامل وراجعت دكتور معروف جدا وقال لها الطفل ميت ولازم تنظيفات .. قلت لها لاء وروحي حق دكتورتي اول ما سوت لها سونار قالت لها قلب الياهل ينبض منو قال انه ميت تخيلو كانوا بيذبحون الياهل .. اهم شي ان اللي تراجعون عندهم يكونون شطار مو استغلاليين ويبون فلوس وبس والله يرزقكم
