السلام عليكم جميعا المشكلة اللي مأرقتني وسببتلي ضيق نفسي إني دايما احس ان زوجي مايحترمني هذا مو احساس أو وهم هذا واقع يوم بعد يوم يتاكد لي هالشعور من خلال وايد مواقف اخرها اليوم تخيلوا اليوم صارت مشككلة بسيطة بالكمبيوتر انا مالي دخل فيها بس لاني انا اخر وحده استعملته قاعد يصرخ ويتأفف جان يقعد يقولي انتي بومة كل ماتمسكين شي تخربينه وقاعد يكررها بومة بومة بومة بومة .... بصراحة هالشي واااااايد حز بخاااااااااااااااااطري وضايقني ولما حقرته جان يعصب ويقول لا والله بعد موبس بومة انتي آفة حدي مو طايقته ولا طايقة اشوفه او اسمع سيرته ساعدوني شسوي معاه ودي انفصل عنه انا مو محتاجته بحياتي
إستغفرى ربك أخيتى, وإدعيله بسجودك إن ربك يهديه إليكى ويريه الحق حقاً ويرزقه إتباعه ويريه الباطل باطلاً ويرزقه إجتنابه. كمان إدعى اللهم من أرادنى بسوء فإشغله بنفسه و رد كيده فى نحره وأجعل تدبيره تدميراً عليه (يمكن حد بيوسوسله حقك)
الله يكون بعونج طيب حاولي فهميه انه هالكلام يضايقتج وانتي ما تحبينه يكمن الكلام بينج وبينه يسهل هالاموووووووووور عليكم وبعدها قبل ما يقول الكلمه يسوي لها الف حساب عشان ما يزعلج ...............لله يهدي لج يارب
تطلقين ليش قالج بومه لو قالج شى ثانى ترفعين عليه دعوة خلع علامهم الناس الكل ما يتحملون واعصاب فى شى اسمه تفاهم حوار الصبر
يمكن اهوا طبعه ومزاجه عصبي وتدرين اللي ينفعل و يعصب يقول كلام ما يعجبنا انتي تحمليه وسكتيه بردج الحلو عليه يعني كسري عينه بالكلام الطيب والحلو يمكن يحس انه كلامه يضايقج ... لاتحطين ببالج انه ما يحترمج بالعكس انتي عدليه وعدلي معاملته لج ... الله يهديه لج ويهديج له انشالله
الغالية الله يكون بعونج وانا بعد نفس المشكلة سبحان الله بس ريلج ارحم عن ريلي تدرين انا شو يقول حقي مالت عليج وعلى امج هاي تربية امج الله يكون بالعون ومن كثر مااسمع منه صرت اتطاول عليه لاحول ولاقوة .
بالكلام الطيب والحلو اكسبيه لا تعانديه فهميه الي يضايقج بهدوء وانتي حساسه وايد يا قلبي خدي سوالفه غشمره ومزح وقولي صحيح الي تقوله سامحني يا قلبي وشوفي رده .... نصيحه من أخت قابلي اساءته بالحب وزوجك اذا غضب او طلع منه شي لا تحسبيه انه ما يحترمج ممكن هذي طبيعته ... الله يسهل امورج فديتج بس لا تصيري وايد حساسه ... شيلي كلامه الي يعصبج بمزحه وردي بمزحه ... ولج تحياتي اختج مس مبدعه
حبيبتي يمكن هو عصبي ومايقول هالكلام على طول الله يعينج عاد الاحترام اهم شي بالحياة الزوجية الله يوفقج ويسخره لج
ادعي دوم ان ربي يسخر لج زوجج .. ويهديه يارب وطوووفي خلي المركب يسير واذا قالج هالكلام مره ثانيه نقديه على نفسه بالكلام الحلو والطيب يعني اذا قالج انتي بومه قولي الله يهديك يابو فلان ويصلحك