يسعدلي صباحكم:teeth_smile: تخيلي عمرج مخطوبه و الامور ماشيه تمام فجاه و بدون سابق انذار نفسخت الخطبه شنو بتكون حالتج النفسيه اقولكم عن تجربتي انا كنت مخطوبه لواحد امورنا كانت ماشيه تمام بيوم كنت نايمه و لا فجاه اسمع ابوي يصارخ يقول لامي الحين ادقين عليهم بنفسخ الخطبه :75_75:شسالفه كلمه من امه كلمه من ابوي انتها كل شي و سبه تاجيل يوم العرس ابوي ما كان مرتاح لهم من الاول و فعلا طلعت الام ملسونه و الكل يقولي تحمدي ربج الله فكج منها حالتي النفسيه :frown:صارت زفت بس الحمد الله الله عوضني انا الحين مخطوبه و خطيبي مو مقصر عني بشي و مرتاحتله و اموري ماشيه تمام معاه بس ليلحين احس في شي بداخلي حزين :frown:ليش ما ادري بس الواحد يقول الحمد لله على كل حال الي مرت بنفس تجربتي ياريت تشارك في الموضوع:smile:
مرحبا هلا فيج اختي احييج عالموضوع انا وحده مريت بهالتجربه صراحه شعور جارح بمعنى الكلمه مهما كانت اسباب فصخ الخطبه بس تأثيرها كبير ومستحيل البنت تنسى هالجرح الا اذا انخطبت مره ثانيه وحتى لو حاولت تنسى الجرح تحس الناس تذكرها حتى لو ماتسمع من احد كلام نهايه كلامي ابي دعوه صادقه منكم بظهر الغيب
تسلمين و مشكوره على المرور صح كلامج معنه انا الحين مخطوبه و مو مقصر عني بشي بس ليلحين احس اني مجروحه خصوصا اول فتره من انفسخت خطبتي الاوله ما كنت احب اروح اعراس عايلتنا احس الناس كلها طالعني تحسين بنظرتهم انج كاسره خاطرهم و انا ما احب هالنظره بس الحمد لله الله طلعني من هالمرحله الكئيبه من حياتي و هاذي دعوه حقج ان شاء الله الله يوفقج دنيا و اخرا و يعطيج كل الي في بالج
ما يصيبنا الا ما كتب الله لنا انا مو متزوجه ولا مخطوبه بس الي اشوفه انج تنسين الماضي لانج انتي ما عشتي معاه ولا صار بينكم عشره عمر عشان تتضايقين تعوذي من الشيطان بس...
مشكورة حبيبتي تسلمين على المرور صح كلامج انا قاعد اتحجا عن نظرة الناس لها و نفسيتها اول ما تنفسخ الخطبه و خصوصا اذا نخطبت وحده من نفس العايله يطالعونج و هم مكسور خاطرهم كل هالشي ياثر يعني ليش هالنظره اي خو كل شي نصيب خصوصا اول فتره من فسخ الخطوبه تكون حيل صعبه
اختى الغااليه .. الحمدالله ان الساالفه بس خطبه ماوصلت لي زوااج وانفصاال .. الحمدالله والله سبحاانه ماقصر عوضج خير ان شاءالله ... اتمنى لج كل التوفيق بحيااتج ان شاءالله
ربنا يهديكى ويهديهولك ويكون خير ليكى إن شاء الله. ولا تستسلمى للشيطان يلعب براسك, صدقينى أنا شفت بيوت كتير لقرايبى ورفيجاتى. لما بتشوفى الموضوع من وجهة نظر محايده وتلاقى مثلا إنه طلع شين بتقولى الحمد لله نجاها. ومن كتر ما شفت وأنا بعد بالجامعه, لما رحت أعتمر دعيت يارب ما أنخطب إلا مره واحده لنصيبى فقط لأنك عالم إنى ما أستحمل, ولو زواجى شر أجلهولى حتى لو عمرى وصل للأربعين, ولو زواجى خير أشوفه إن شاء الله قريب. والله بعدها شفته بالحلم و شفت السكن اللى بسكنه, والحمد لله فعلا كانت أول خطوبه ليه على الرغم من كتر ما رفضت ناس غيره, وبالرغم من أن أهلى كانوا يحاربونه أيام الخطوبه والملكه من غير سبب والله, وأنا كنت باخد صفهم ضده. و ما شاء الله لا قوة إلا بالله الحمد لله إنه خير ليه للأن ويعرف ربه ويقدرنى وزواجنا والحمد لله ماشى زين خمس سنوات. فلا تندمى على شيئ لإنك لا تعرفى الخير اللى ربك شايله لك وصلى إستخاره فقط وإدعى بالخير فقط مش بالشخص.
انا اعرف وحده كانو قايلين لها بعد اسبوع بحددون ملجتها وتخيلي بعد اسبوع بالضبط ملج الولد على وحده ثانيه امانه هذي الحركه مو قمه في الحقاره ؟!! يعني لو كنتو ماتبون البنت قولو ليش ساكتين ولا سمعت من الناس بعد مو من اهله .. هذي البنت رفيجة رفيجتي تخيلي صدمتها المسكينه بس الحمدالله ربي عاضها والحين اهي ملجه والله يتم عليها .. ويتم عليج انتي بعد و يوفق كل بنت قولي امين
امين يا رب امبي حلفي شهالحركه الحقيره ليش جذي هالناس ما كو احساس كلش خلاص مسكينه لا وراح ملج مره وحده اشتغفر الله و الله هذا كله عند الله مايضيع
اي شفتي ساكتين على اساس بعد اسبوع يحددون الملجه وطنشوها بدون مايقولون لها صج ناس ماتستحي وبعد وحده ثانيه سمعت سالفتها تخيلي مو باجي على عرسها الا 10 ايام دقو اهله على البنت قالوا خلاص الولد مايبي بنكسل الزواج !!!! البنت زين ماحاشها انهيار عصبي بعد ماجهزت وتعبت طول جم شهر عاد الحين مادري والله شصار عليها .. بس صج حركه بايخه الله لا يبلانا ان شاءالله
امبي لي هالدرجه الناس صاروو حقيرين و لا بس اهمه عندهم مشاعر و ما يفكروون بمشاعر الغير صج نذاله مافكرو شنو بيصير بالبنت اذا سوو جذي و لا شنو راح اتكون نفسيتها انا بعد سامعه عن وحده شافوها و عجبتهم و كل شي تمام يوو يوم خطبت الرياييل شافوو اخوها اسمر و الظاهر مو حلوو فلوو الخطبة و سبت اخوها خايفين اتييب ياهل نفس اخوها شالمنطق ياربي يرضوون يصير في بناتهم جذي و الله حرام
حبييت اشاااركم بالموضوع انا ادري انك النك نيم يضحك بس ماعليه انا والله صار لي موضوع الخطبه صار عندي ازمه منه من كثر ماشفت العجب منه اول مره ياني وااحد يخطبني كل شي من تصرفااته وبالخطبه كل شي يدل علي انه طااير ولا يوم بيروحوون ماارضي يطلع الا يقولي تصبحين علي خير تخيلوااا !!!!!!! بعد يوميين كلمواا وصلنا خبر اني مووو عااجبته ؟؟؟؟؟؟؟ يعني هذا كاان اصعب شي واول مره احد يخطبني وااايد تازمت نفسياا وخصوصا لما كنت توني متخرجه يعني كا احلي وقت ومن بعدها يييه وااحد ثاني هذاا الي انااا لبست فييه النفونوووف الابيض الي استانست بالخطبه بس همن تكنسل كل شي لييش وشنو السبب عشان امي شخصيتها قوييه ؟؟؟؟؟ شنو مافي سبب ولا مافي عذر الحمدالله والشكر الناس صاايره ماادري شلون والي يقهر والي يتعبنج نفسيا انج تكونيين راضيه بالنصيب وتبيين تستقرين وانتي ماعندج سوالف وخرابيط ولا حتي عندج حبيب هذا الي ياثر فيج اكثر ان شاءالله الله يعوضنا خير ياااارب والله يرزق كل وحده نصيبها الي تستااهله ياااارب وموفقين ياااارب والي مااصاار لها نصيب ان شاءالله ينكتب لها نصييب حلوو يارب
و اله صج ناس ما تستحي انا اول واحد ياني اتخيلي بدون لا اوفق عليه و ليلحين ما بطلت حلجي بكلمه قالي شوفي انا ابيج تلبسين عبايه و المكياج انسيه ما ادري من صجه و الله حاله انطر اوافق عليك بالاول بعدين تشرط و لا الي انا قاطه عمري عليه عشان ياخذني الي قاعد يتشرط فوق راسي
سالفتج نفس سالفتى تقريبا الاسبوع اللى فات جه واحد يخطبني و عيونه طارت علي و قاعد يسالنى اساله شخصية و قعد يحدد وين راح نسكن و اهوا مطلق قالي ولدي عمره 3 سنوات و اذا بسكنه معاي قلت له من عيونى و انا احب اليهال و قعد يسولف ساعة و يقولى شكلك صغير اصغر من عمرج قعدنا ننطرهم يدقون ما اتصلو و بعدين وصلنا خبر اني مو عاجبته الحمدلله و الشكر في شباب جذي يحبون يفترون على البيوت و يتطمشون على البنات حسبي الله و نعم الوكيل
