((( (تحويل مسار او تدبيس معدة )))) !!!؟؟؟

السلام عليكم ورحمة الله وبركاته
معاك قريبة ام منصور ~
يعطيك العافيه دكتور وعساك عالقوة
الوزن 98 الطول 166 والعمر 32 واعاني من ارتفاع الضغط وآخذ علاج وخشونة بالرقبة ونهاية الظهر وكتلة الجسم 35

ممكن اسال يقولون ان تحويل المسار الوحدة تطلع منها ريحه كريهه صج وان التدبيس او الحلقه احسن وانت شنو رايك وشكرااااااااااااااااااا

دكتور انت باي مستشفى لان وزني 104وطولي 155

تم الرد عالخاص
وشكرا

الباي باس ما يسوي ريحة كريهة
وكل عملية لها مواصفات وشروط ويختلف من مريض الي مريض
بشكل عام التدبيس اكثرهم امان

تم الرد عالخاص

تم الرد عالخاص

مرحبا د/ابراهيم انا سمعت عنك من صديقتي فاطمة سويتلها عملية تكميم وماشالله كانت النتيجه واضحه من اول ثلاثة اسابيع فبليز كيف اراجعك وأتوصل معك لأن صارلي سنتين ناطرة موعدي بمستشفى مبارك وانا حابة اسوي العملية عندك فبليز انتظرت كتير ويأسة من الانتظار فبليز ساعدني لأني سمعت انك ما تقصر مع المحتاجك وشكرا" لأهتمامك

السلام عليكم د: ابراهيم ابيك تسعدني وايد مضايقه أبي ارتاح من السمنه الي أنا فيه رد علي عفيه

تم الرد عالخاص

وحياك الله

السلام عليكم

الله يعطيك العافية د ابراهيم على هالتواجد الحلو للاجابة على اسئلة الاعضاء

سؤالي / حضرتك كاتب ان الباي باس ما فيها خط رجعة يعني لو الشخص بغى يهون ويرجع معدنه مثل قبل ما يقدر ... بس انا سامعة ان هالشي ممكن خاصة وان معدته القديمة موجودة ما انشالت من الجسم ... يا ليت حضرتك توضحلي هالنقطة

وبعد في شغلة ..حضرتك قلت ان التكميم يقدر الشحص يهون عن العملية وترجع مثل قبل ... اشلون ؟؟؟؟ اشلون ترجع والمعدة مقصوصة والجزء الكبير مقصوص مو موجود بالجسم ؟؟؟

ما ادري يمكن انا ما فهمت عليك بس يا ليت حضرتك تتفضل وتوضحلي اللبس

تقبل شكري وتقديري

الاخت حلم صعب المنال

بالنسبة للباي باس فلا اعرف احد من الجراحين بمنطقتنا يرجع الباي باس الي الطبيعي .. لانها تقنيا صعبة وفيها نوع من الخطورة ... طبعا ممكن بالمستقبل يكون هذا الكلام غير صحيح مع تطور الاجهزة والتقنية الجراحية .. المثل الانجليزي يقول Never Say Never !!

بالنسبة للتكميم ما ذكرناه هو رجوع الوزن الزائد وليس رجوع المعدة المستأصلة ... رجوع الوزن الزائد هو نتيجة توسع ما تبقي من المعدة مع مرور الوقت .. كم يزيد الوزن ما عندنا الي الان فكرة دقيقة عن هذا الامر ..

وحياك الله

مشكور دكتور ابراهيم على التوضيح الله يعطيك العافية واكثر من امثالك

تقبل شكري وتقديري

السلام عليكم دكتور : بغيت اعرف أنا عندى ارتجاع فى المعدة وسويت اختبار الجرثومة ولقوها فينى وسويت أكثر من مره ريجيم بس ما كو فايده وزنى 98 وطولى 162 وتحليل الدهون نسبتها 40 من جسمى واعانى من الربو تنصحنى بالعملية وشكرااااا.

السلام عليكم شلونك دكتور انا عندى مشكلة صارلى اسبوع من بعد العشاءوايد احس بالجوع طبعا اذا اكلت شى بسرعة اشبع مادرى اا بالهفتر الدورة تأخرت على اسبوع بس انزلت صارلى يومين هل هذا من تغير الهرمونات اوطبيعى طبعا اكلى شوربات عصيار حليب كرنفلكس بروان بين يومين اكل مرة هريس او جريش او ربع توستة مع جبنة لايت ويريت تقولى شنوا اكل لان مليت من الروتين ويعطيك العافية دكتورنا

كتلة جسمك 37 وبالوزن هذا ما ننصح بالعملية
من متي معاك الربو؟؟ هل لما زاد وزنك صار معاك ربو؟؟؟؟
تحتاجين الي علاج لجرثومة المعده

وسلامات

الجوع نتيجة حاجة جسمك الي سعرات حراريه مع نقص الوزن ..
صار لك قرابة الشهر الحين تقدرين تبدين بالاكل الصلب بس يكون مهروس وكميات صغيرة وتاخذين راحتك بالمضغ ووقتك بالاكل وكذلك زيدي عدد وجباتك - بعد هالعملية مو لازم الواحد ياكل ثلاث وجبات - بالذات كم شهر بعد العملية
وسلامات

دكتور يعطيك الف عافيه
1- بالنسبة للبالون هل يتم بالمنظار ولا عملية جراحية ؟
انا وزني 70 وطولي 1.55
وهل اهو زين لي ولا اسوي عملية ثانية
2- بالنشبة للشفط صج الشفط يرجع بعد فترة من الزمن حتى لو حافظت على وزني؟

السلام عليكم

شلونك د ابراهيم ان شاء الله تكون بخير

عندي سؤال محيرني ابي اجابة عليه الله يرضى عليك يا د ابراهيم

ابي اعرف شنو علاقة عملية الباي باس بتآكل الاعصاب ؟؟؟؟

وابيك الله يرضى عليك توضحلي شنو تآكل الاعصاب هذا ؟وشنو اسبابه ؟

انا ودي اسوي الباي باس وما عندي مشكلة اني آكل حبوب حديد وكالسيوم طول العمر بس خااايفة من تآكل الاعصاب هذا

دكتورنا الفاضل ...... شكرا على سعة صدرك .... تقبل شكري وتقديري

السلام عليكم شلونك دكتور الحمداللة انا صحتى تماما بفضل ربى العالمين ونصايحك والحين وزنى 93 يعنى نزلت من يوم العملية لين الحين 16 كيلو بشهر ونص الحمدللةومن غير مشى او اى مجهودبس خايفة الايام الجايىة ينزل بطيى شنو تنصحنى ابى انزل اكثرطبعا انا مأستغنى عن نصايحك ان شاء اللة راح ابلش بالمشى من باجر واللة يعطيك الصحة والعافية