مصير الكويتيه المتزوجه من الخليجي...الكل يدش

بسم الله الرحمن الرحيم

والصلاه والسلام على سيدنا محمد وعلى آله وصحبه أجمعين...


اليوم عندنا موضوع واتوقع هالموضوع يهم فئه كبيره من الكويتيات المتزوجات من الخليجي

في كثير من الكويتيات متزوجات خليجي او بمعنى أصح سعودي هذا نصيبها شتسوي البيت

معقوله ديرتها ماتساعدها وتعاملها معامله الغريبه اهي وزوجها وعيالها؟

ليش الكويتي يتزوج هنديه يعطونه حقوقه كامله

طيب الكويتي الحين مايبي بنت ديرته شايف له شوفه بنات بره الكويت

بنتنا شتسوي تضل عانس يعني ولا تتزوج حتى لو كان سعودي

انتي يالديره اخذي بيدها وساعديها

احنا مانقولج عطي عيالها الجنسيه او جنسي زوجها بالعكس

بس عالاقل دخلي زوج الكويتيه السلك العسكري او بالداخليه

وكديهم بخدمه الشعب وحفظ الامن عالاقل ازيد الشرطه واخلي يصير امن بالبلاد
واخليهم يمسكون الشوارع من هالمستهترين

الحين لو ندق على الشرطه مايجون الا لمن يموت الواحد ليش لان ماكو شرطه قليل

عالاقل اكثرهم واعطي المره الكويتيه ابسط حقوقها انج يالدوله تفتحين الداخليه والعسكريه لأزواجهم عشان يصرفون على هالبيت

منو بيصرف على هالعائله؟

والله يابنات انا اعرف بنات متزوجين سعوديين زوجها قاعد واهي تشتغل هذا عدل؟

طيب اذا يروح بكل مكان محد يوظفه شيسوي؟

مفروض الدوله تفتح لزوج الكويتيه هذا المجال وتوظفه...وتعطيها أبسط حقوقها

هذي قضيه وسائده بأكثر بيوت الكويتيات المتضررات واتمنى يشوفون لها حل

والمجلس يأخذ هذه القضيه ويجدون لها حل

تحياتي لكم

اختكم ملووكه​

شسالفه ماكو تفاعل

Upppppppppppppp لعيونك بس الصج ليش عيالنااااا يجلسون بالكويت اذا ماااا بيوضفونهم عندكم شوووووووو حااااادهم

:wink_smile::wink_smile::wink_smile:

بعد نبي تفاعل مع الموظوع

انا ادري ردي ماراح يعجبج بس اهي ماتعرف تروح تعيش

معاه بديرته ترى مافيها شي بتقولين وتخلي اهلها ترى مو من بعد دول الخليج ابعد دوله خليجيه

ساعتين والواحد يوصل لها وثاني شي خلي عيالنا يلقون لهم وظايف عشان يشغلون الخليجين

وعلى فكره الجيش متروس خليجين واذا ما كنتي تعرفين وزاره الشوؤن تعطي اعانه للمتزوجه من

غير كويتي واذا تبين احسبها تطلع فوق 700 دينار وفي حل يروح اهو السعوديه ويرجع بالعطله


واهي تظل بوظيفتها او تاخذ من الشوؤن واهي قاعده بالبيت مرتاحه انا هذي وجهه نظري ​

هلا أختي

كلامج اتفق وياااه

لو بنتنا تتزوج خليجي لازم الدولة تعامل زوجها مثل ما تعامل الكويتي المتزوج خليجية وعربية وأجنبية

يعني زوجة الكويتي غير الكويتية تحصل جنسية ووظيفة وكل شي

والكويتية المتزوجة خليجي ما تحصل ولا شي ي ي !!

بنات نبي كلام العقل انتو حسو ليش لما يتزوج غير كويتيه تاخذ كل حقوقها مع انها غير كويتيه بس لما تتزوج كويتي تصير احسن من الكويتيه بعد

اشكرك ام عبدالله على الرد الصريح وهذا الرد العدل

مفروض على الدوله تعطي حقوق المراه الكويتيه كامله حتى زوجها توظفه وابسط وظيفه الجيش والداخليه

احنا ماقلنا توظفهم دكاتره ولا مهندسين

بس وين اللي يسمع كل واحد لاهي بنفسه والاعضاء وعود كاذبه

اي والله الكويتيات المتزوجات من غير كويتي مهضوم حقهم انا وحده اشتغل بالشؤون وابحث حالات المتزوجات من غير كويتي والله يكسرون الخاطر وفي بعض الحالات متزوجات من بدون يعني مقيمين بصفه غير قانونيه هذي الفئه حتى عقد زواج ما عندهم وياخذون مساعده من الشؤون يعني شنو ذنب الكويتيات اذا هذا نصيبهم وشنو ذنب عيالهم والله حرام وعندنا والله جنسيات مثل الهنديه والفلبينيه متزوجات من كويتي ماخذين حقهم وزياده يعني الهنديه والفلبينيه احسن من الكويتيته

في دولتنا الكويتيات من هذي الفئه مهظوم حقهم وايد بس ما باليد حيلم بس عندنا نواب ما شاء الله عليهم بس شاطرين حق الصراخ وسب بعض وما يشوفون مشاكل هذي الفئه​

انا معاج بهالجمله
وبعدين صح اللي ياخذ فيلبينيه والا هنديه ويحطون راسها من راس الكويتيه !!
ومسكينه الكويتيه اللي تاخذ خليجي تتبهذل اهيا وعيالها لييييييش ؟؟

اناااااااااااا مع ان الحكومه تعطي الكويتيه حقوقها مثل الكويتي بالضبط بس شرررررررررررررررررررط الزوج يكون خليجي اماااا غير الخليجيين لااااااااااااااااااااء لان الخليجي نفس الكويتي عادات وتقاليد وحده اماااااااااا الجنسيات الثانيه لاااااااااااااء انا ضد هالشي لان احس بيتزوجون الكويتيه طمع بس عكس الخليجي شايف خيييييييييييير





هذي وجهة نظري يعني اللي تتزوج سعودي او قطري او بحريني او اماراتي او عماني عااااااااادي يعطون عيالها جنسيه ويعاملونهم مثل الكويتي امااا جنسيات اخرى لاااااااااااااااااااااااااء انا ضد

اوااافقج على كل كلمه قلتيهااا ,
سج شي يقهر ويعور القلب , البنت الكويتيه لي خذت غير كويتي !! واعليه جنهاا عايشه بغربه!
اماا الرجل الكويتي ويااكثرهم طبعاً !! اللي ماخذ فلبن والا جاليه عربيه وو وو !! المُهم الصدمه جنسيه ووضيفه وكل شي طبي وتخيري تحصلين عندها! التفرقه ماادري ليـــــــــــــش
بس ان شاءالله , واللي سمعته ان هالموضوع بيتعدل!! والله كريم يااارب
مشكوووره حبيبتي على الطرح الرائع​

​

​

عدل كلامج خيتو

يسلموووووووووووووووو

وانا اللي يقهرني يجيبون الكويتين هالرمم من فلبين والزلمات والهند وبعدين كم سنه والاهي كويتيه وفيه عوايل كويتيه من الستينات اثباتاتهم موجوده وبس للحين بدون زين قولو لي من الاولى هذول والاهالرمم -تصدقون اختي يوم راحت تدور شقه ايجار لقت بيت بجنوب الجهراء والا راعيته هنديه ومليانه ذهب وخواتم والي يشتغلون عندها جايبتهم قرايبها السايق والخدم والله شيء يعور القلب

والله انا استغرب من الموضوع بصراحه فكروه بعقلانيه اشوي واتركوا عنكم العاطفه الحين صاحبه الموضوع تقول الكويتي ياخذ كامل حقوقه والكويتيه ما تاخذ اذا تزوجت من بره مو لانه الي يعيل الاسره مو الريال اكيد بتعطيه حقوقه سواء زوجته كويتيه او غير كويتيه وكل ديره مسؤوله عن مواطنينها بس في شغله نسيتيها الكويتي للي يتزوج من بره ما ياخذ الـ 4000 قرض الزواج يعني في فرق لو بسيط .

والشي الثاني الكويتي شايف شوفه بنات بره هذا قسمه ونصيب والناس حره يمكن ذوقه جذيه محد يمنعه حتى الدين محلل له اما الكويتيه مو ملزومه تزوج خليجي خل تاخذ ولد الديره ولا مافي غير هالحل وفي حلول وايد الي عنست ولا بدت تكبر خلها تقبل بالتعدد وتتزوج واحد متزوج على الاقل ولد ديرتها وحلال الشرع حلل احسن من هالبنات الي تطلقوا ولا عنسوا او حت ىالارامل قاعدين مساجين خل ياخذونهم اعيال الديره مو احسن من الغريب وتتاذى معاه ويا كثرهم الي ياخذ كويتيه على طمع حتى الخليجي لا تقولون شايفين خير ديرتنا مافي مثلنا بالخليج من مميزاات طبعا مو على كل الدول اقصد في دول خليجيه شعبها فقير وميتين يوع (اقصد نسبه من الشعب) وبعدين تبقى معززه مكرمه بديرتها.

وعلى فكره الي ما تعبجه سالفه التعدد ترى نسبه البنات اكثر من الريايييل النسبه اهي 2:1 حسب عليم وسمعت مره النسبه 4:1 يعني مصيبه يعني لكل رجل مقابله بنتين او لكل رجل مقابله 4 لو كل وحده تبي تتزوج من بره الديره معناها نص بناتنا يتزوجون من بره .

وانتي تقولين تعرفين وحده متزوجه وزوجها قاعد بالبيت والبنت اهي تصرف هذا عاجبته السالفه ومرتاح لو يبي يروح يشوف له اي شغله يترزق الله من وراها بس مايبي ولقا له وحده تصرف عليه وكلنا نعرف انه عيب يقعد الريال بالبيت بدون شغل ولا مشغله و مرته تصرف الا اذا اهو مريض او عنده مشكله تمنعه وما يقدر ويا كثر الشركات الخاصه الي تقبل الخليجي او الغير كويتي صج بمعاش اقل من الكويتي بس قاعد يشتغل والشغل مو عيب.

وبعدين الدوله مو مكلوفه بعيال الدول الثانيه توظفهم وتصرف عليهم عندهم دييارهم الديره ملزومه فينا احنا خل نحصل وضايف ابروحنا مو لاقيين وبالديوان الناس واقفه طوابير تنطر الوظايف وبعدين انا بعرف الي مو كويتي يعني خليجي شحاده قاعد بالديره دام مو محصل وظيفه لا ويبي يتزوج من بناتنا بعد واشلون الكويتيه ترضى فيه دام حالته حاله مو اهي الي اختارت واهي تتحمل ولا بس تبي تتزوج يعني قبل لا تتزوج ما فكر عدل وتحسبها في خليجيين مثلا عندهم امكانيه وعندهم حلال يقدر يشتري لها بيت ويصرف عليها ويعيشها مرتاحه هذا ممكن الوحده تفكر اما واحد على قد حاله ليش ابلش نفسي واتعب معاه في غيره .
وبعدين الكويتيه الي تزوج خليجي ورضت فيه خل تروح معاه ديرته وهناك تشتغل وتاخذ جنسيه لو تبي وريلها يشتغل مثلها مثل الي تتزوج كويتي وتاخذ الجنسيه وتشتغل عندها ويرزونها ولا شنو ديرتنا سبيل تصرف على كل من هب ودب لو بوفرون وظايف و يعطون مميزات الكويتي حق الخليجي من باجر تلاقين الكويت كلها خليجيين والخليج فضى ومافيه احد لعلم الكويت الديره الوحيده الي تعطي مميزات وامتيازات للمواطن بالعالم مافي مثلها تدلع المواطن . بالنهايه انا اقول قبل لا تحكمون على الحكومه او الدوله بالقصور او ظلم عطوا نفسكم وقت وفكروا بطريقه صحيحه وخلوا عنكم العاطفه ومع احترامي لجميع الدول وخصوصا الخليجيه لحد يزعل منا .​

الزواج قسمه ونصيب

واذا ولد الديره ماشافها

شتسوي ادلل على نفسها

مو معقووووووووووووووووووله هالكلام:71_71:

[والشي الثاني الكويتي شايف شوفه بنات بره هذا قسمه ونصيب والناس حره يمكن ذوقه جذيه محد يمنعه حتى الدين محلل له اما الكويتيه مو ملزومه تزوج خليجي خل تاخذ ولد الديره ولا مافي غير هالحل وفي حلول وايد الي عنست ولا بدت تكبر خلها تقبل بالتعدد وتتزوج واحد متزوج على الاقل ولد ديرتها وحلال الشرع حلل احسن من هالبنات الي تطلقوا ولا عنسوا او حت ىالارامل قاعدين مساجين خل ياخذونهم اعيال الديره مو احسن من الغريب وتتاذى معاه ويا كثرهم الي ياخذ كويتيه على طمع حتى الخليجي لا تقولون شايفين خير ديرتنا مافي مثلنا بالخليج من مميزاات طبعا مو على كل الدول اقصد في دول خليجيه شعبها فقير وميتين يوع (اقصد نسبه من الشعب) وبعدين تبقى معززه مكرمه بديرتها.



حبيبتي ردج على العين والراس

بس هم مادام تقولين الكويتي اذا اخذ من بره قسمه ونصيب هم البنت اذا خذت خليجي قسمه ونصيب:wink_smile:

وهذا نصيب والدوله مكفوله ترعى بنت الديره وتوفر لها عيشه كريمه ماقلنا جنسيه قلنا توضف عالاقل زوجها بالسلك العسكري او الداخليه بصفته ماخذ بنت ديرتهم

ابسط حق لها

مثل الكويتي اذا خذى هنديه تشيخ عندنا وتستلم راتب احسن من الكويتيه:wink_smile:

وتتجنس بعد


احنا نبيهم يشوفون حل حق توضيفهم وانا ماقلت كل الخليج ندخلهم

فيه فرق

بس اللي متزوج كويتيه عشان يوفر لها عيشه كريمه

واللي تقولين شركات خاصه اذا راح زوج الكويتيه الخليجي اي مكان مايوضفونه شنو تسوي بهذي الحاله من وين تصرف؟

تبوق؟


وين الديره عنها.؟


وين حقوقها الاجتماعيه؟

وشكرا للمروركم واتمنى صوت الكويتيه المتزوجه من خليجي يوصل للحكومه ويتطرقون لمشكلتها شوي

ويحطون بعينهم هذا نصيبها والنصيب من الله

:cry_smile:السلام عليكم ورحمة الله وبركاته خواتي العزيزات جذبني الموضوع وحبيت اشاركم انا عندي صديقة الوالده حياتها اقسم بالله مأساه هي كويتيه زوجها ابوها غصبن عليها من سعودي زواج بدل الاب كبير واخذ سعوديه وبنته قطها وخرب عليها وحطم احلامها وتزوجت البنت وسنها 17 وكان يومها البنت تنخطب من كويتين ولكن ابوها يرفض لانه يبي بنيه زوجه ثانيه صدقوني البنت جابت ولد وتوفى الزوج وترملت اونذرت حياتها لتربية ولدها وصدقوني لابيت للزوجه ولا معاش هي عاشت في بيت ابوها واشتغلت وعلمت الولد وربته احسن تربيه ومرة الابو وقفت معاها بالمشاكل حتى توفى ابوها صارت كويتيه وياويلج اذا حاجيتيها لكنها اصبرت واحتسبت الولد من يوم خلقه ربه وهو مايعرف غير تراب هذه الارض والام وين تروح مالها غير ديرتها الحين مرة الابو منزله البيت في المزاد لبيعه والكويتيه ولدها ماعنده جنسيه ولا وظيفه وهي متقاعده وتصرف على نفسها وعلى ولدها من هالمعاش يالله هذه الكويتيه مو اولى يتجنس ولدها وترتاح بعد كل هالعناء فيه بنات صدقوني راحوا ضحيه في هالحياه بسبب هالاباء وانا ادعيلها دايما ان الله يبلغها في ولدها ويآجرها على تضحيتها بزهرة شبابها مو هذه اولى بتجنيس ولدها يالله لمتى بنت هالبلد تعاني وتقولون خل تروح بذمتكم هذه وين روح

الله يسخر و يفرج بس ديرتنا احسن من غيرها بواااااااااااااايد