بسم الله الرحمن الرحيمزوجي متغير علي وهذي مو اول مرة اكثر من مرة يحصل هالشئ ويرجع طبيعي بعد فترة يتجاهل وجودي ومايكلمني وينام بمكان اخر فترة قد تصل الى الاسبوعين هو يحبني واااجد بس لية يصير معي كذا طمنوني؟؟!!
هلا اختي لما يخاصمج لازم يكون في سبب اسبوعين ترى فترة مو بسيطة قعدي وياه وحاولي تعرفين السبب وقولي له ترى هالاسلوب مو صحيح . .. ومدري شنو اقولج بعد لانج ما وضحتي اكثر لنا وربي يهديكم ووفقكم يارب
بصراحة اختي هذا الشي مو طبيعي هذا ريلج وتعرفينه ولازم تعرفين التغيير من داخل البيت ولا من برا انتي وشطارتج تعرفين الموضوع بس اخذي الموضوع بروية وتعقل لاتهدمين بيتج بلحظة طيش
حبيبتى هالشى عادى اكثر الرياييل ملولين عاد انتى وشطارتج ضحكى معاه سولفى عليه لبسى له احنا مرات نمر بهالمرحله نمل من الحياه روتينيه انتى بذكاءج كسرى الروتين
يمكن تكونين زعلتيه من غير ماتقصدين او تدرين انا مره كنت قاعده ويه ريلي واهله وسوالف الوضع طبيعي عادي بس ردينه بيتنا دش وماكلمني وقعد يشوف التلفزيون احاجيه مايررد الا بكلمه ولا ثنتين انا رحت نمت قعدت الصبح لقيته نايم بالصاله فعدته وماعطاني ويه اخترعت مادري شالسالفه وبعدين قالي انتي قلتي جذي وجذي جدام اهلي فشلتيني جدامهم عاد والله موذاكره انا شنو قلت بس كان شي عادي لا اهوا اعتبرها اهانه وفشله سبحان الله كل واحد وتفكيره بس اسبوعين هذي اللي مالي لها حل صراحه .. بس يعني اهوا اذا ياته الفتره هذي وعدت ماتسالين ليش سويت جذي ؟؟ شيقولج ؟؟
مشكورين خواتي الله يخلينا لبعض مشكلتي انا عزيزة نفس بشكل ماتتصورونة وماأحب اسألة كثير خصوصا اذا ماغلطت ومرة بعد مارضى من نفسة سألتة لية تسوي كذا معاي قال:ماسويت شئ انتي اللي حساسة اهو من النوع اللي يدلل واايد وبقوووة وبعدها يمل او يمكن يخاف اتغير علية
حيبيتي لازام تكلمينه هذا زوجج ولاتخلين عزة النفس تاثر عليج لان محد نافعج غير زوجج وانتي القريبه له يعني لاتخلين حاجز بينج وبينه والله يوفقج
حبيبتي عزة النفس ابعديهاا عن حياتج لانج انتي هوو وهو انتي بكل اختصار اعزميه علي مطعم وقوليله عندي موضوع مهم بسولف فيه بالمطعم واذا رحتوو اكشخي اشوي يعني طبيعيه بس علي ذوووق المهم سولفي معاه بدلع حتي لو الشي جديد عليج احسن عشان تكسرين الروتين وسولفي معاه بكلام عسل مو بعصبيه ولا دموووع تغث لااا حبيبي ليش تسوي جذي اانا احبك وما ودي اشوفك بهشي لانه مو مستواك انت تناااقشني اذا غلطت عليك او بحقك وشنوو مزعلك صارحني والله ما ازعل لوو شنوو ما كان وهووو بيسولف يمكن اباله شي وماو ده يقول عشان ماتكبر والله العالم وراااضيه بدلع وسوالف حلوة وموفقه وطمنيناا بعدها
قلتيها انتي حساسه والحساسه ما تعيش وتشيب قبل وقتها صدقيني عيشي لعمرك واضربي بالناس عرض الحائط هاهاهاهها ابرك نصيحه الحمد لله ماني دكتوره والا كان خربت بيوت ياحبي وسعي صدرك وانتي تقولين يحبني هذا اهم شي
الله يهديه ترا الرجال مرات يبي الراحه بروحه لاتلومينه ولما يرجع لطبيعته اخذي منه عهد انه مايعيدها زين حبيبتي
