السلام عليكم خواتى ابي رايكم اذا وحدة بالدوام معاج وقالتلج انتى مو اصيلة او اطنزو عليج مثل مسج وصل حق وحدة من البنات تقول اسم فلانة وعايلتها وفخذها وكلمة تطابق حق العايلة انا طبعي هادية وماتكلم وايد الا حق الى عرفهم وطلعت الكلمة تطابق هى دبابة مزعجة وضحكو البنات وقالو لا دبابة صامت بس الضحكة كانت حيل عورت قلبى حتى وحدة معاى قالت يضحكون علج ردى عليهم انا صكت ما رديت رحت البيت مضايقة مانى خلق حق عيالي وزوجي احس البنات يكرهونى بس مابينهم شي واللة ليش قالوا جذى.
مافهمت بس ماله حق احد يقولج مو اصيلة جان بنفس الموقف وقفتيهم عن حدهم وقلتيله ليش انا مو اصيلة شنوا شايفين انا ترا مو فاهمة والموقف بس احس سالفة كرامة كلميهم وخليهم يحسون انج جدية معاهم وان هشغلات مافيها غشمرة ترا مرات بالدوام اذا مواقفتيهم عند حدهم يتمادون
صباح الخير شنو هالسوالف اصيله واسم عايلتج وبالدوام يعني كبار موصغار من صج في هالنوعيه لما الحين والله تخلف وهذا الشي ذكره الرسول صلى الله عليه وسلم بمعنى الحديث مافي فرق بين احد الا بالتقوى يعني عمله الصالح انتي لوكلموج ثاني مره قولي لهم الحمدلله لك والشكر وقولي اذا كنتم قاصديني بالحجي الله انشالله شاهد على مسخرتكم وبياخذ حقي منكم بس مواكثر من جذيه وصدقيني بيسكتون انا سويتها في بنات قبل جذيه والله وكيلج ماكووووووووووو نفس الحين لوقعدت معاهم
الله يعينج بصرااحه ... بس مالج الا التطنيش والحقر ... حقري ولا تردين عليهم والله .. رااح يزهقون ويستحوون على انفسهم وين قااعدين اصيله ومو اصيله ... اختى الغااليه ولا اضاايقين عمرج .... هذول نااس فااضيه .
بصرااااحه الله يعينج عااااادي عطيهم طااااااااف مثل ماقالولج البنات وسلي نفسج اقري قران مجله دقي على ريلج او وحده حيل معاها وسولفي معاها وطنشي والله لاتفكرين فيهم ولاشئانتي اللحين متضايقه وشايله همهم وهم مستانسين والله حطيهم ورا ظهر وجنج ما تعرفينهم بس سلام وعليكم السلام وشوفي شنو نقطه ضعفهم يعني كشخة او جسم حلو او اي شئ ثاني والله يوفقج انا كانو معاي بنات المدرسه جذي بس مو نفس موضوعج شوي غير وبس ياكثر مااا اقرقع ترى اذا سولف ما اخلص هههههاي
والله هذيلا نااااس مريضه وحطي في بالج لاترمى الا الشجره المثمره عطيهم طاااااااااااااااااف والحقراان يقطع المصرااان وةلاتخلينهم اكبر همج وجنج ماتسمعينهم وجنهم مايكلمووونج ومالج شغل فيهم واهتمي بشغلج وبس اللي يكلمج حيااه الله واللي مايبيج قولي الله لايبيك
هلا أختي . . . باين عليج إنج هادية نوعا ما . . . وغير جريئة . . . أختي موقفج كان سلبي بسبب أنج مو متأكدة إنهم يقصدونج لكن شعورج يقولج يقصدونج . . . وعلشان هالسبب مارديتي عليهم . . . أختي إن حصل موقف ثاني مرة وفيه من هالسوالف وكان الحجي واضح إنه عليج أوقفي وقولي لهم وبصوت واضح جدا : انتوا بنات فاضين وهالسوالف سوالف مراهقات مدرسة . . . والمرة الجاية بتوصينون هالامور للمدير او المديرة وبتتقدمين بشكوى قذف وتشهير . . . ملحوظة : في اغلب الوزارات هنالك محقق أو محققة تتولى هالامور تقدمي بشكوى ضدهم إن حصلتي دليل عليهم . . . وربي يعينج ع هالاشكال صج ناس فاضية
شوفي اختي انا صار معاي مثل هالموقف بس على شغلات سخيفه مو اصل ما اصل .. شغلات حيل تافه وكنت اسكت واقول نفس الكلام الحقران يقطع المصران بس شفت ان السالفه مصخت وقمت ارد عليهم بدال الكلمه عشر مع اني ماحب الهواش والمشاكل بس خلاص الواحد يوصل حده وكتبت فيهم كتاب ( شكوى ) وقدمتها للمسؤل و والله من بعدها اسكتووو وخافوو وصارو يتجنبوني ووقفت كل وحده عند حدها فاقولج لا تسكتين انا رفيجتي نفسج تسكت وللحين ماكلينها ويضايقونها وانا حطيت حدود بيني وبينهم وانصحج اذا في شهود يشهدون معاج على مضايقاتهم اكتبي كتاب وقدميه للمدير او المسؤل ولاتخافين ربي بياخذ حقج وادعي " اللهم اكفينيهم بما شئت " دايما وربي يوفقج
عطيهم طاف علشان ماتكبر السالفه ويحطونها في بالهم وتزيد وتكبر على الفاضي وسمعي من اليمين وطلعي من اليسار ولا كأنه
بصراااحه ياقلبي مادري شنو اقولج لكن انا طبعي جذي اذا احد حسيت انه غلط وماحاول يتناقش معااي اطنشه احياان اقوول خلاص انا اسفه عشان الموضوع وماعرف ارد زوجي يهاوشني يقولي لسانج طولي بس علي
ماعليه حيااتي صدقيني فيهم نقص والله انتي لاتزعلين على هالمليقاات ماعندهم سالفة و مثل ماقالوا خواتي.... انصحج وخري عنهم ولاتاخذين بكلامهم الي ماويدي ولا اييب فديتج
ياااشين هالنوعياااات اففف بكل من مكان انا الله بلاني بناس جذي ومضطره اشوفهم اهم شافوووج هاديه ومالج حس هالنظام هذا اللي بتسوي روحها نكته وما تلاقي احد تظمن يسكتلها غيررررج عبالها ما تقدرييين تتحجييين خوووف اوتتجنبين المشاكل على بو تستحييين لااااااااااااا تسكتييين ان قطت عليج شي ردي بس طبعا بحدووود الادب نقديهم على نفسهم واذا علقوا عليييج وقعدوووا يضحكووون اذا خلصوووا قولي ما اظن في شي يضحك لهدرجه وطنشيييييييهم بس اذا حاولوا يدخلونج بمواضيعهم ردي بحدود السؤال لان هالاشكال ما تنعطى وجه وخلي علاااقتج حييييل رسميه واذا تكلموا عن امورج الشخصيه مثلا على سالفة اصيله ومو اصيييله قوليلها خليت الاصل لج حبيبتي محد يجيب طاري الاصول الا الي اللي في قعده من اصله وسوري عالقرقه بس هالنماااااين مااااااره علي
حقريهم ويولون هذيل فيهم نقص مولاقين عليج الا هالشغله والحره تيب العره ولاتلقينهم بال قطيعه من الفراغ يدورون
الله يعينج شخباري اللي يقول فلانه اصيله ههههههههه الحمد لله رب العلمين....الكل فاني وما دايم الا وجهه سبحانه
ذكريهم بالله عز وجل يوم القيامه يغضب غضبا شديدا ويقول سبحانه لمن الملك الان والناس واقفون وقلوبهم ترتجف خوفا من عذابه ولا يستطيعون الرد فهو الملك الواحد الاحد والكل عباده ولا تفاخر بينهم الكل سواسيه الا من اتى بقلب سليم ولا حول ولا قوة الا بالله
