الله يخلي لكل وحده ريلها ان شالله انا كنت رايحه بيت ولد عم ابوي" ولد عم ابوي زوجته تصير اخت ريلي اول مره ادش بيتهم ولا قا لت لاخوها عني وانا مادري ثاني يوم شافني وعجبته ثالث يوم ملج علي سبحن الله الله يخلينا لبعض الفشله انه بالخطبه ابوي قال هاا مو انتي تحبين السمرر شوفيه فيه شوية سمااار تفشلت وااااااااااااااااااااااااااااايد قلت بقلبي الحين يقولون هذي شيطانه هههههههههه وبالملجه قعدوني عنده عالقنفه من الفشله باس راسي بدون مايقول مبروك خخخخخخخخ انا لازقع باخر القنفه واهو لازق عند امه والله نضحك واول ايام الملجه لما اطلع معااه لازقه عند الجااااااام ماشوفه من كثر ما انا مستحيه هههههههه وما اكل وااايد عالبو ذربه ولي يومكم هذا كل مايتغشمر معااي يقول ياحليلج لما امي قالت نبي نسمع رايهااا سكتي طولتي جان ابوج يقولج هاا يبا شريايج ولا بدلع اقوله الشور شورك يباااااااا وانا دموعي بعيوني وابوي بعد يعني فرحانين هههههههه وهم انا عوبه اشوفه من تحت لي تحت لانه يشابه راشد الماجد ياحليلي الله يخلينا لبعض ان شالله
اممممممممممممم وناااااسه ذكرتيني بأحلى ايام عمري انا عن طريق رفيجة امي عزمتنا على البر ورحنا وكانت قايله حق امي ولدي يبي يتزوج ابي اشوف بنت تعالوا البر خل يشوفون بعض عاااد انا عوووووووبه كشخت ورحنا البر وشفته فديييييت قلبه حبيبي اموووت فيه اول ما شفته قتله اول كلمه (سلام )______ طبعا بدلع قلتها وبعدها امه دقت على امي وقالت يبيها جان انا استانس وثاني يوم دقت امه جان تقول انه ولدها يقول صغيره علي لان انا كان عمري 18 واهو 27 سنة ضاق خلقي وبجييييت لمن قالت خلاص فارق العمر كبيرر عاد يومها نمت جان ادعي بليل وانا دموعي اربع اربع جان اقول(يارب الريال ارتحت له ودش خاطري اذا شايفه زين حقي رده لي) ماشوف الا ثالث يوم تدق امخ من الصبح وتقول خلاص يبيها وناااااااااسه حبيبي الله يخليه لي ويطول بعمره لي وادعوولي انا داشه شهري ادعولي الله يسهل ولادتي
واي مواقفكم تهبل بس انا ريلي يصير ولد خالتي وماكان بينا اي شي بس خالتي بغتني حق ولدها وتزوجنا وبعدين يه الحب بعد الزواج والله يخليه لي يارب ويسهل عليج يازينب
خطبني عن طريق صديقة أمي يصير ولد جيرانهم وكان طالب مواصفات للبنت اللي يبي يتزوجها وقالت صديقة أمي اعرف لكم وحده بهالمواصفات وبعدين أول شي جت أمه وخواته وشافوني وعجبتهم بعدين قالت أمه ترى ولدي ملتزم يعني ابيكم تعرفون هالشي من البدايه بعدين جتني أمي وقالت لي تراه مطوع قلت لااااااااا مابي مطوع بعدين سمعت صوت السياره وكان جاي ياخذ أهله ورحت ركككككككض للدريشه وشفته من بعيد وغيرت رايي يعني يوم شفته حسيت برااااااااحه غريييييييييبه ونزلت قلت لأمي بفكر وبعد التفكير والسؤال والإستخار وافقت وبعديييييييييين جا هو وشافني الشوفه الشرعيه وبعدين وافق وأذكر طلعت من عنده ورحت لأمي قلت تراه ماشافني ومنزل راسه بعدين قالت أمي لأخوي أسأل الرجال إذا يبي يشوفها مره ثانيه قال لا خلاص شفتها وبعدييييييييييييييين خلاص تزوجنا وش تبون بعد شكل القصه عجبتكم خخخخخخخخخخخخخ بس بصراااااااااااااحه أحمد ربي كل يوم إني تزوجت هذا الإنسان وأي وحده يتقدم لها مطوع لاتفكر ولاتحتااااااااار على طول تواااااااافق لأنه يعرف حقوقها ويخاف الله فيها ولو يتأخر ماتجلس تفكر وينه وين راح وتريح راااااااااسها من الخيانات وحياتكم تصير أحلى بطاعة الله وعبادته والله يوفقكم ,,,,,,,,,,, نـــــأسف عـــــالإطـــالــــــــــــــه,,,,,,
الله يسلمج كنت راده للبيت بباص الكليه صادفنا عند الاشاره وتحطم بعيوني وتم كل يوم يلحق الباص وانا مااعطيه وجه وثقلانه وصادف اني كنت اسولف مع رفيجتي قاعده يمي وهي بنت جيرانهم فعرفها وبسرعة البرق دق على اخته واخته دقت على رفيجتي اللي قاعده يمي واسألتها عني واخذت رقم بيتنا والوناسه اني ماوصلت البيت الا امي تبشرني بالخواطييب وناسه
هههههههههههههههههه والله مواقفكم حلوة وذكريات حلوة الله يخليكم لبعض ويسعدكم كلكم انشالله والله زييين ما سويتي ياا ذنوب الحب ع الموضوع الحلو لانة صج عقدوتنا يعطيج الف عافية
انا ريلي شافني بمطعم انا وامي ولحقنا لي البيت وبعدها بيوم يالنا اهو وامه يخطبوني لمن امه شافت امي والا طلعوا يعرفون بعض لا ومتهاوشين كانوا وطلعووا من عندنا ان خلاص لانبيهم ولايبونا وسافرت بعد جم شهر شفته بالمطار كنت توني راده الكويت وقعدنا بكوفي شوب تكلمنا وتفاهمنا وعطاني رقمه كلمته لمن شفته مناسب لي قلتله خلاص بكلم امي اقنعها والحمدالله امي راضيه وامه لا كيفها انا الزم ماعلي ريلي
الله وناسه بنات قصصكم رووووعة كان ودي اتزوج بعد قصة حب بس تزوجت زواج تقليدي امه تصيرلنا من بعيد امه تبيني من زمان وهمن اخته لمن فكر بالزواج قالوله عني واخطبوني وتزوجنا بس الحمدلله راضين ومرتاحين مع انه ساعات يبط الجبد!!
تقليدي ,,,,,,,,,,,, والحمد لله مشت الحياة موووووو حيل بس مشت مع عكازات قدموها لي اهلي وويل جير من اهله وووبس هههههههههههههههههههههههههههههههههههههههههههههههههههههههههههولو يرجع فيني الزمن ورا ......... ما آخذ اي واحد غيره فديته البطة هههههههههههههه
انا ريلي كان ولد يرنا وبنفس الوقت ولد اخت مرت خالى شفته صدفه بالجمعيه لانا طلعنا من البيت وشكلي تغير عليه وعقبها بعد ما وقفت جان اقوله مو انت افلان ولد افلان وشلون اهلك انصدم وبعدها صارت قصه حب وخذاني
طبعا انا بيومها كنت طالعة من الجامعة ومن شدة الحر خشمي قاعد يصب بيومها دم وكنت لابسة قميص ابيض ومن الخوف والحركة الزايدة شعري ويهي تلطخوا بالدم ماوعيت الا ذاك الواحد واقف عندي ومادلي علبة كلينكس وكان حب من اول نظرة بعدها ب3 ايام خطبني فديته حبيبي
مرحبا حبيت أشارك بالموضوع الجميل\أنا تعرفت على شريك حياتي عن طريق النت فجأة والا أشوفه صدف وانا ما اعرفه بس بالمنتدى اللي كنت مشاركه فيه منتدى العريفيالمهم المواضيع اللي اكتبها كانت تعجبه وهو بعد مواضيعه مشوقه صارلي موقف مع شخص في احد الاماكن التجاريه كنا نتعتزم على الكاشير منو اول المهم .... والا ارجع واسولف عن الموقف وسبحان الله يطلع نفس الموقف صاير له ونفس المكان .... والحلاة بهالشي انه نفس الشخص اللي عاجبتني شخصيته وطرحه واسلوبه وسبحان الله تعرف على اهلي وصار نصيب وهو يتيم وطيب وحبوب اكبر مني ب9 سنوات الله يديم المحبة بينا[B[/B]/COLOR]
فديت قلبه ريلى .. كان طالب معاى بالجامعه وكله يخزنى يطالعنى بعدها بجم شهر دقت اخته عالبيت تخطبنى حدة كبر بعينى حسيت أنه تكانه وشارينى ولأنه كان طالب اهلى ارفضوه وتم 3 سنين يخطب ليما وافقو ...
