ادري العنوان صدمه باجي المواضيع تونس كلها حركات وافكار وحب ورومانسيه اما موضوعي صدمه :what_smile: لامو صدمه الاصاعقه بس للاسف واقع وعايشته وحده اعرفها و ابي رايكم ياخبيرات :shades_smile: شرايكم في الزوج اللي تلفونه والابتوب ماله رقم سري بالذمه هذا ماينشك فيه .... ؟ هذى وحده حلوه وكشيخه ومثقفه وماعليها قاصر وراعية حركات ودلع يعني زوجها المفروض يحمد ربه عليها الطيبه من اخذته وهو حاط ارقام سريه للابتوب وللتلفون تقول انا واثقه انه يحبني وهذا المهم وهذي حريه كيفه دام مو مقصر علي ومدلعني واللي ابيه ينفذه كيفه ............. وكانت هذي المشكله الاساسيه الثقه العميا ؟؟؟؟؟؟ المره الحين طالبه الطلاق وحالتها النفسيه زفت اكتشفت ان زوجها اللي كان مدلعها اكبر مغازلجي وراعي خرابيط ومن زمان والمشكله لما واجهته انكر وهي طايحه على المسجات والصور والتسجيلات . ابي رايكم وانا ادري ان 70% من ازواجنا حاطين ارقام سريه واولهم زوجي بس انا اعرف الرقم :wink_smile: وهو يدري اني اعرفه انا مااقول ان الكل ينطبق عليه الكلام (الخرابيط) بعضهم صج مايحب احد يتعبث بس احنا لازم نكسر هالحاجز للمصلحه العامه حلوة :thumbs_up: شرايكم في مشكلتها هل تعتقدون انها هي المسؤوله من البدايه .. ؟ او المشكله فيه اهو .. ؟!
حبيبتي,,, اغلب الرياجيل يموتون بالمغازل مافي وحده مامرت بهالموقف ولا انا انكر اني مريت فيه.. على فكره طايحين هالايام بحركه جديده تلفونه طايح جدامج الليل والنهار .. لكن التلفون الثاني تلقينه خاشه بسيارته ولاينزله ابد... بس ياربي شنسوي بنتعب ورى التفتيش.. وشنو الحل؟؟؟ الطلاق؟؟ ماهو حل الزوجه بالذات ام العيال مالها الا زوجها ومصيره يعقل لو عرفت تتصرف بعقلانيه... وطنشي ومرد.............. للقصااب تقبلي مرووري
والله انتي صاجه ياقشطه في كلامج ماكو فايدهده مرد----للقصاب:teeth_smile: خاصه امي اليهال طنشي لاتتعبين نفسج وهتمي في نفسك وعيالج
انا من وجهة نظري ان الثقه العميا وراء الخيانه في مثل يقول >> يامأمنه للرجال يا مأمنه المايه بالغربال << لاتسألوني شنو غربال لاني ماادري ههههههه بس معناه ان الرجال مايتأمن ابد الا لما يندفن تحت التراااب:shades_smile: وفي حريم يدرون ان رجالهم يشوفون افلام وهالاشياء وراضين مع هالشي بداية الخيانه لانه يعتبر زنا العين والله يعينا عليهم ويصدد عيونهم عن الحرام وبنات ابليس وعلى فكره ترى الخاين موشرط تكون زوجته مو حلوه والا ناقصها شي لأ بالعكس يمكن تكون كامله واثقه من نفسها ومأمنه فيه انه ماراح يلقى احلى منها وبالصج يخونها يعني الرجال مامنه امااااااااااااااااااااان الا من رحم ربه وماعلينا الا ندعي الله ونستودهم اللي ماتضيع ودايعه وان شاء الله يهديهم الله:teeth_smile:
انا اقول ربي ما يحطني بجذي مواقف انشالله وسالفة صديقتج مو منها الغلط لانها وثقت فيه الغلط منه اهوا اللي استغفلها واستغل ثقتها فيه تقبلي مروري:smile:
الله يصبرها ويصبرنا اقشر شي بالحياه الزوجيه الخيانه وهذا بلاء من رب العالمين ماعليها الا الصبر والله انشا الله مع اللي يصبر وخليها تحمل علشان عيالها موعلشان سواد ويهه والله العيب فيه اللي ماقدر يحافظ على بيته والا هي ماقصرت على قولج وحسبي الله على الا يلعبن بعقول الرياييل
حبيباتي اشكر مروركم وتفاعلكم مع موضوعي وعساالله يبعدنا عن الخيانه بكل انواعها قولوا امين:smile::smile:
مافي رقم سري في لاب توب لاني استخدمة انا المشكلة يحط صورة بعض المرات بس مجرد سوالف بالنت.. لم ادري انا مايسوي شي ولا يدش بس مرات يرد..
الله يعينها ويصبرها بس ام العيال لازم تصبر مردها لبيتها وعيالها محد نافعها ومالها الا الدعاء وتحتسب الاجر عشان عيالها واهو مرده يعقل ويرد لبيته
اللي ما يخاف من رب العباد ماراح يخاف من مرته لكن لا زم كل وحده تذكر زوجها بربه لان الذكرا تنفع المؤمنين
الرجال يتسلون لكن ما أتوقع راح يتزوج وحده رخيصه كلمته يعني مرده لزوجته بس بصراااااااااااحه شي يقهههههههررررررررررر مررررررررررره الله لايحطني بهالموقف لكن لو انحطيت فيه ماراح أسكت بشررررررررشحححححححه ,,,,,,,,
حبيباتي الريال من طبعه يحب التغيير يعني لو شنو اتسوون ماراح يتغير يا يخونج يا يتزوج عليج انا اقول عيشو حياتكم عادي واذا تبون اتنبشون من وراهم نبشو بس بدووووووووون مايدري عنكم ,,يعني مو كل مالقيتي شي رحتي وسالتيه ,, لا سكتي عشان لا يتمادى وياج
واللة مالعب بالرياييل الا مايخافون ربهم تكون بالدوام بكامل زينتها تقولين رابحةعرس وتميع وتكسر والا اهي في بيتها جلحا وملحا حسبي اللة عليهم
