السلام عليكم ورحمة الله وبركاته بـ ادخل في الموضوع مباشرة: قبل كم يوم وصلني ع الجوال مسج تحذيري من حبوب منع الحمل "ياسمين" -أكيد أغلبكم يعرفها واستخدمها- . وانه في أمريكا جالسين يذيعون اعلانات تحذيرية تطالب النساء بوقف استخدامها! فرحت سويت سيرش بالعربي أبي أعرف السبب، مالقيت أي موضوع يتكلم بهالخصوص.. لذلك سويت بحثي بالانجليزي. وبقولكم وش حصلت: *اسمها الت جاري Yasmin أو Yaz أو Yas. * بدأ التحذير في أواخر 2009 -وحنا ياغافلين لكم الله!- . *هيئة الغذاء والدواء الأمريكية تحقق في الموضوع * الدراسات الأخيرة ربطت بين "ياسمين" وبعض الآثار الجانبية الخطيرة. * أهم الأعراض الجانبية: مشاكل في القلب والأوعية الدموية السكري ارتفاع ضغط الدم الانسداد الرئوي الجلطات سكتات دماغية * تم رصد محامين لمقاضاة الشركة المنتجة ودعوة المتضررين لرفع قضايا "مجانية" ضدها ، وذلك للتعويض عن الأضرار المادية والمعنوية والصحية التي ألحقها العقار بالنساء. *تم فتح خط ساخن مجاني في أمريكا لتلقي الاستشارات والرد على الاستفسارات بخصوص خطورة "ياسمين" * تم افتتاح موقع الكتروني خاص لتوعية النساء والتواصل مع المحامين. إقتباس » Yaz Birth Control Side Effects Lawyer وهذي مقاطع يوتيوب فيها كلام وشرح عن الاضرار: إقتباس » . YouTube - Broadcast Yourself. إقتباس
واي من صجكم أنا قاعده استخدمه هالشهر فيني تكيسات على المبايض دكتورة ناهده العلي وصتني اني آخذ هالحبوب شسوي خرعتوني اكمل ولا أوقف اصدق ولا أشاعة حسبي الله ونعم الوكيل اذا هالحبوب جذي ليش يحطونه في الصيدليات
هلا خواتي اسعدني المرور ولكن مثل دعواتكن الطيبة وأكثر . . . أختي ام التوائم ابتعدي عنهم وسوي سيرج بالانجليزي . . . وبالنسبة للتكيسات ناتج عن المنشطات يمكن . . .
مشكوره أم عبدالله على التنبيه آنا عارفه هالموضوع من سنة 2004 لما كنت آكلهم وبعدين وقفتهم على طول بس كنت أظن بس تسبب جلطات مرت أخوي صارت فيها جلطه منهم ..
هلا حبيبتي انغام القصيد ومشكورة ع الاضافة وربي يعافيج ويعافي مرت اخوج يارب وبنات المسلمين من هالادوية . . . وعلى فكرة يا بنات الشركات الاجنبية مالها رادع ولا عندها تجارب كافية ع اي دواء بالنسبة للاثار الجانبية . . . لان تجار الادوية اضغطوا ع الحكومة الامريكية وخلوهم يقرون قانون انهم يسوقون ادويتهم بمجرد ما يتم تصنيعها وان تقدم الناس بشكاوي من هالادوية ينظر فيها وذيج الساااع يوقفون تداولها . . . يعني احنا فئران التجااارب للاثار الجانبية . . .
يعطيج العافيه أختى وبصراحه أول حبوب مانع أكلها بحياتي بس تعست فينى لدرجة أنى ما اكون بوعيي وسببت لى تساقط شعر وخلتني ضعيفه حيل وبعد ما قطعتها الحمدلله صرت احسن
الله يجزاج خير وفي ميزان حسناتج , انا وايد بنات من اهلي يستخدمونهم وبرح انصحهم , واللي تسأل عن الموانع سوي موانع طبيعية والله احسن شي
لا حول ولاقوة الا بالله واحنا وين دوائرنا الحكوميه وين منظماتنا تحذرنا وتوعينا حسبي الله على من ضيع الامانه
انا استخدم جنيرا وسببولي اعصااب وانا مو ناقصه وسبحان الله كل ماقلت بغيرهم لياسمين انسى واشتري جنيراا .. لاهنتي ام عبدالله ع الموضوع المفيد والاكثريه يستخدمون ياسمين ..
