السلام وعليكم ورحمة الله وبركاته : خواتي مشكلتي زوجي دايم يسافر من وراي لسوريا على أنه رايح السعوديه وأكشفه دايم ويحلف لي أنه مايعيدها وللأسف يكررها مره ثانيه حسباله آنا غبيه بشهر 2 عطلة الربيع قالي بسافر بروح بر السعوديه مع ربعي قلت اوكي روح أهو غبي مايدري أنه لما ماياخذ خط أكون كاشفه أنه بمكان ثاني غير اللي قال عنه قعدت بشكي لحد اليوم جتني الفرصه أختربت سيارتي وخذيت سيارته قمت على طول أول مابعدت عن البيت فجيت درج السياره وطلعت الجواز ولقيت ختم مطار سوريا دبروني تكفون أواجهه وأقوله أني عرفت وإلا أسكت آنا متردده أتكلم وبنفس الوقت موقادرة أسكت عن تصرفاته أواجهه وأهدده أني أخلي البيت إذا ماتعدل وإلا شلون أتصرف صراحه مايعطيني آنا وعيالي كله يدعي الفقر وفلوسه تطلع لسوريا ودي أهدده وآخذ كل حقوقي منه تصدقون عندي 4 عيال ومصرف البيت 50 بس ومايعطيني مصروف المدارس آنا أدفع من جيبي مصروف عياله والخدامه علي موقهر اللي يسويه ... تكفون طلبتكم لاتمرون من غير رد ...
الله يكون بعونج حبوبه واجهي احسلج عشان ما يستغلج مره 2 واذا سكتي راح يتماده اكثر والله يعينج يا ربي ويهديه لج ويسخره
شوشوه شكرا على مرورج حبيبتي واجهته بس عينه قويه موراضي يعترف مصر على أنه ماسافر ,,, بس أوريه والله ماعاد أطوفها له ...
الله يعينج واجهية وقولي انج شفتي جوازة وختم سورية علية وحاولي تتحاورين معاة بهدوء ولو انهم يحرقون الاعصاب الله يعينج وخلية يتحمل مسئوليت عيالة اربعة موشوية اذا تمادي صدقيني ماراح ينتهي من هطريق والله يهدية لج ويبعدة عن بنات الحرام
مشكوره ياقلبي تصدقين واجهته بالجواز وبالختم مصر أن المطار غلط بالتاريخ لأ بعد أكتشفت وآنا أتكلم معاه أن فيه سفره ثانيه مادريت عنها ودي أدز له مسج تهديد أني بروح بيت أهلي ...
هلا حبيبتي . . . لاتتركين بيتج هذا اول نقطة مهمة . . . ثاني شي واجهيه وما في أي مطار يغلط بتاريخ السفر والعودة . . . قعدي معاه قعدة هادية وقوليله انه مقصر في امور كثيرة . . . وانج زوجته وامرأة واهو مسؤول عنج وعن بيتج وعيالج . . . وان كنتي موظفة وتصرفين فهذا من باب المشاركة عن طيب خاطر وليس اجبار . . . قوليه منو ابدى بفلوسك وصرفك عيالك اللي من لحمك ودمك وإلا نوريات سوريا اللي ما يعرفون غير خليجي وفلوسه . . . حاولي تكونين هادية جدا بالحوار بيجذب قوليله انج عارفه كل شي ومجيكه غير الجواز جيكتي عن طريق وحدة تعرفينها بالداخلية . . . قوليله انا بشيل ايدي من المصروف الشهري وشهريا ابي 250 دينار وروح وين ما تبي سوريا وإلا اي مكان لكن تذكر ان طول الامل والغفلة عن رب العالمين بتزيدك ضياع والاهم ماتدري وين روحك تقبض هل وانت بالبار والا على البست مع النوريات اللي يرقصون . . . وخليه وقومي وان ما صرف عليج روح لابوه او امه وقوليلهم . . . واستغفري واكثري من الاستغفار قبل ما تكلمينه ودائما وادعي ربج يهديه لنفسه ولكم . . .
مشكوره أم عبدالله هذا اللي ناويه أسويه أشيل أيدي من المصروف وأخليها يفتح حساب بأسمي بمعاش عيالي ومعاش الخدامه وأخليه يولي وإذا مارضى بهدده أني بروح بيت أهلي وأني راح أرفع قضيه والمواضيع هذي من أول جلسه ينحكم بالطلاق وبهدده أني بطلب بيت إيجار حقي آنا وعيالي ومعاش خدامه ومصروف عيالي ومعاش سايق ومعاش خدامه هذا غير نفقه حقي راح أطلبها أكيد راح يخاف صح وإلا شرايج أم عبدالله
اختي ام عبدالله كفت ووفت بس حبيت اقولج ان الدعاء يرد القضاء وهي سهام الليل اللي لاتخطي ادعي ربج يسخره لج ولعيالج ويهديه لكم باخلاص ويقين ان ربج بيستجيب دعاء والله ييسر اموووووووووووورج اختي....
انا نفس حالتج مو بعيده عنج صابتني حاله نفسيه تكفين اذا لقيتي طريقه تبعدينه عن هالفساد ساعديني ترى والله مليت انا ودي اجرب طريقة اني اروح لاهلي وازعل بس هذا شكله ما يستحي ويسويهااا
حبيبي خلي حد من العايله يتكلم معاه ويفهمه انه عيب اللي يسويه وعيب انه الراجل يكذب علي زوجه وانه هذا الشي ما يعتبر رجوله اللي يسويه 00 وان شاء الله راح يتفهمه الامور والله يهديه ويبقي معاكي طول العمر علي الحب والموده
جزاكم الله خير صدقوني مشكلتي أنه مايسمع من أحد بالعكس يركب راسه ويعاند هذا اللي محيرني آنا من أمس ماأتكلم معاه بس هذا موحل والله العظيم تعبت موقادره أتحمل ...
الله يكون بعونج وخل اقول لج على شي بصراحه انتي اللي مشجعته انه يسافر تدرين ليش السبب؟ لأنج تصرفين على البيت لو يصرف هو على البيت ما كان يقدر يسافر سوريا ... خلي هو اللي يصرف وهو اللي يدفع معاش الخدامه وعطيه 50 دينار بيده وعطيه ورقه بأغراض الجمعيه والبيت وقولي له روح ييب الأغراض واذا سأل عن معاشج قولي له كله راح على الديون اللي تسلتفته وصدقيني راح يحرم يسافر ويقعد يجابل بيته وعياله والله يكون بعونج
صح كلامج أختي فعلا آنا شجعته أنه يسافر تدرين ليش من كثر مايدعي الفقر أرحمه واصدقه وأهو جذاب الفلوس تطلع حق سوريا والبلاوي اللي فيها شكرا حبيبتي على مرورج
وجهه نظر حبيبتي هذا استغفال واكيد ماترضين احد يستغفلج الحياه الزوجيه اساسها الاحترام واجهيه بس باسلوب راقي بعيد عن المشاحنات اللي ممكن تهدم بيتج
