:frown:واللة يابنات انكم مساكين وعلى نياتكم ومصدقين سوالف جداتكم قبل 10000 سنة اللي حارمة نفسة من الطلعة واللي ماتنام عند اهلها وتنحرم من الوناسة وجمعة اخواتها والسهر والضحك عشان تخاف ريلها يتعود على غيابها واللي تحتشم وتلبس اسود في اسود لاطلعت وجزاها الله الف خير بس تلاقينها مو طواعة لا عشان ريلها حاكم عليها تلبس وهو حتى مايصلي واللة انهم وش كثر واعرفهم معرفة شخصية واللي ماتاخذ مصروف عشان المسكين ريلها لاعب عليها قايلها ان ماعندة شي وانج ماترحمين وهي صدقت وصارت الزوجة الحنونة وهو معاشة كلة قاطة على فواتير تلفونة اللي تدرين عنة والي ماتدرين عنة مخشوش بالسيارة وانتي يالمسكينة حانتة واللي عندة السفر ممنوع ليش يبة خل نسافر حالنا حال الناس على الاقل السعودية لا واللة ماعندي فلوس واول مايسمع ان ربعة بيسافرون طلعت الفلوس وراح وسكتج بكلمتين وانتي يالمسكينة صدقتي وقالتي اية واللة لازم يغير جو وانتي محرومة من كل شي عشان هالريال مايزعل لا وفوق هذا ياللة روحي صالون تسنعي وتكشخي ريلج بيي من السفر شبعان مطالع وناسة وتمشي واللة اعلم بعد شنو شبعان منة وانتي خنت حيلي كنج تشجعينة على السفر كاشخة والكيكة والشموع حسبالج شي ماتدرين ان الريايل يضحكون علينا لاجابو طاري الحريم قال العب عليها بكلمتين وروح سافر وستانس لا بتلاقي لاجيت كيك وشموع ههههه واللة ان حنا مساكين واللي تيية فلوس وعندة اكثر من 4 اطفال خلاص اهو مقصر معاج ياب لج عيال وحطج ببيت بروحج خلاص ماقصر ياللة ان بعرس وحط هالفكرة براسة وطلع فيج الف عيب واولهم انا برتاح من الصجة هاليهال اللي في خير بيتزوج بالحلال واللي مايخاف اللة حط لة شقة وجاب ربعة وحبيبة قلبة الي مونستة دلع وسنع ولا يهال ولا احفاظات ولا حليب كل يوم حركة يديدة وهو يكت عليها من هالفلوس وحنا يالمسكينات نقول لا اكيد هاليومين زوجي مضغوط من الدوام عشان جذي كلة برة البيت خلية يستانس مع ربعة مافيها شي واللة ان حنا مساكين واللي تقول ريلي لاعن ابو خامسي وطلع لشالية والمشكلة الاسباب تافهة بس خلاص مايبيج تدقين علية فسوى سالفة عشان تفارقينة شوي ولا ادقين علية ولو تلاحظون اغلب المشاكل اللي تصير قبل لايطلع مع ربعة عشان يرتاح منج شوي ولاادقين وتسمعين الصوت اللي عندة ولا تدرين وين الله قاطج وتسوين روحج زعلانة ولا تدقين علية وتالي لا جا من طلعتة لاعب عليج بكلمتين وصدقتية اهم شي انج مازعجتية بالتلفوناتج وهو طالع واللة ان حنا مساكين يالحريم واللي ريلها وطايحين فيها على فكرة يقولج واللة الدوام طالبيني عندهم نقص ولا عندهم اوفر تايم يالله انا بطلع لادقين علي تحرجيني مع ربعي وهي تسوي نفسها الام المثالية لا ماراح ادق روح الله يوفقج وهو مستانس لاعندة دوام ولا هم يحزنون بيطلع مع الشلة وناسة وحنا يالحريم مسكينات واللة مسكينات اهم شي بحياتنا هالريال لا يزعل لا يعصب لايضيق خلقة واحنا لو نموت مادرو عنا تلاقينة بالقبر يدفنج ويفكر منو اللي بيتزوجها وصارت والله عند واحد اعرفة خليكم يابنات استمرو على مسلسل التضحيات عيشو دور المغفلات وخلو ريايلكم يستانسون من وراكم هذا الكلام اللي كتبتة من واقع تجاربنا وتجارب البنات مو من عندي وانهي كلامي لا الة الا انت سبحانك اني كنت من الظالمين ولا تحرموني من ردودكم الحلوة وكل وحدة وراية بالموضوع
والله انج صااااجه جبتي كل شي بالتفصيل صج صج نكسر الخااطر يلعب ويسافر ولما يجي ما يشوف منا الا الكلام الحلو
ويــــــــــه ياكثر منتي حاقده عليهم...صـــــح انا معاج تصير هالاشياء في حياتنا لكن لكل انسان ظروفه وكل رجال محاسب على اخطائه اذا مالقاها بدنيته لقاها عند ربه,,ما اعتبر هذا ضعف للمرأه لمن تصدق كلامه وتقولين عنها مسكينه..لا..هذا طيبة قلب وحسن تصرف لانها عارفه انها اذا اخلصت نيتها ربي ماراح ينساها..والدنيا زواله وانا اختج شنو سفر شنو فلووس ما اقول مومهمه بالعكس يمكن انا اكثر وحده اايد هالشغله لكن ما اخليها اكبر همي.وبنفس الوقت مااكون ساذجه واشوف حقي يروح جدام عيوني..لازم اثبت شخصيتي ووجودي في حياتي الخاصه.. والف الف شكر على الطرح المتميز...
انا معااااااااااااااااااااااااااااج قلبا وقااااااااااااااااااالبا عسى الله يديهم الله الهااااااااااااادي
صاااااااااجه يا قلبي ..بس أرد وأقول البنت الذكية تعرف تاخذ حقها وهي حاطه رجل على رجل...مو انا اللي نتفة رجال يلعب بحسبتي..لا وحياتج انا اللي العب بحسبته!!!!!!!!!
والله ان انتي المسكينة,, والله يعينج على نفسج ويعين زوجج عليج وعلى تفكيرج ويا ريت لو تشيلين هالموضوع اللي بيخرّب بيوت.. وان بعض الظن إثم .. ولو خُليت خُربت .. مو كل الرياييل جذي ولا حتى نصهم .. وبعد باذكرج وباذكّر خواتي بشي من الذكر(كلام الدين مو كلامي) "الطيبون للطيبات والخبيثون للخبيثات " وكل وحده الله يرزقها ريال على افعالها وعمايلها ويرزقها اللي تستاهله الله يهديج بس
حبيبتي اولا انا مو متزوجة ثانيا انا مو قاعدة اقول كلام غريب مايحتاج بطلي عيونج عدل وشوفي مشاكل الناس في كل المنتديات وهم يطلي عيونج عدل وطالعي الي حواليج اللحين صار الريال كامل بعينج على العموم العاقل خصيم نفسة
كلامج فيه بعض من الصحه مو كله صح اول شي فعلا فيه حريم يسخرون انفسهم لرياييلهم ويبالغون في تبعلهم مع ان المرأه موصاه بحسن التبعل لزوجها بس انا اقول مو لهدرجه لا تنسين انج انسانه ولج حقوق وواجبات وفيه بعض الحريم تغاضى عن بعض الامور مو كلها عشان تمشي المركب وهذول نقول عنهم حكيمات مو مسكينات لان اذا الوحده بتحاسب زوجها على كل شي ماتعمرت بيوت واقول الكلام هذا لا تعممينه على كل الرياييل لان فيه رياييل ماشالله عليهم قايمين ببيوتهم وزوجاتهم وعيالهم اخت ليلى الانصاري فيه حريم طيبات الله رزقهم برجال خبيثيين كنوع من الابتلاء او الاختبار فمو كل مبتلى من عمايله او فعايله!!!
ياليتني ما حبيت ............... صحيح كلامج بس كل شي ولة حدودة يعني المرأة لازم تحط حد لكل شي عند زوجها مو تخليه هدد على كيفة لا إذا بديتي صح راح يحترمج ويحط لج الف حساب
كأنج تقولين اللي يصير معااااااااااااااااي نفس قصتي مع زوجي ...... ودايم يوعدني ان هذي المره الاخيره ويرد نفس الحاله ... لا مصرف لا عيشه زينه وفوق كل هذا عينه قويه وأبوي يصرف علي وعنده عادي ... وصارلي اسبوع عند أهلي انحشت منه والله يابنات انه يحلف على القرآن راح يترك خرابيطه ويرد ثاني يوم على خرابيطه وأكثر من مره حلف على القرآن .... شلون أقدر أعيش معاه ؟؟؟ والله صارلي 4 سنوات وكل يوم أقول باجر يعقل لكن ماكو فايده
الله يكون بعونج اختي مرايم ..الله يهديه ويسخره لكم ..اكثري من الاستغفار ,,,وادعي له..ثاني مرور لي للموضوع بس حبيت اتابع الردوود..
