السلام عليكم بنات شخباركم انا عندي شغله ابي رايكم فيها :teeth_smile: مادري شسوي محتاره :75_75: الله يسلمكم انا ملجت قبل فتره مو طويله زوجي ياني مره بعد المجله وشافني وأخذ رقمي وهالحجي قبل 3 اسابيع المهم دقلي رنه وطلع رقمه عندي وقتها كنت مستحيه لان اول مره اقعد مع ريال غير ابوي واخواني واهلي فـ شي طبيعي حيل بستحي وبسكـت اهو قالي لا تستحين انتي مرتي بس ما اقدر هالشي سبحان الله مو مني الحين .. بخاطري ادز له مسج بعيد ميلاده ( اخر هالشهر ) مع العلم انه مادق ولا دز مسج من اخذ رقمي .. اهو لما خذاه قال عطيني رقمج يمكن في مناسبه او شي ( يعني الظاهر اذا بيي يشوفني مره ثانيه يدق ) انا سألت امي ورفيجاتي قالو حده عادي مافيها شي ولا عيب اصلآ انتي مرته راح يستانس لانج ذكرتيه.. وانا عرفت عيدميلاده من ورقة الملجه شرايكم ؟ أدز والا لا ؟؟؟ وشنو تتوقعون ردة فعله :$ للعلم احنا قبليين بس من اهل الديره متحضرين يعني
الله يوفقج ويسخره لج ويهديه لج .. والله ماادري حلوه تذكرينه بيوم ميلااده بس اذا عادي عندكم ومافيها شي تذكرينه .. بتكوون حلووه عنده انج ذكرتيه لان يوم الميلاااد له اثر اذا احد ذكرج فيه خاصه اذا شخص مو متوقعته .. وعايله عن عايله تفرق حبووبه ..
السلام عليكم تبين الصراحة لاتتصلين ولا ادزين مسج لانو هو من خذا رقمج أنواع الثقل مادق ولا دز مسج فالثقل صنعه لاحقة على السوالف هذى لو اتصل فيج يدز لج مسجات اي اتصلي ودزي بس هو ماتصل ولا مسج حتى لاتستعجلييييييييييين اثقلي
اول شي الله يوفقج ثاني شي هو صح زوجج ومافيها شي بس لاتبدين انتي سوي نفسج ماتدرين عن عيد ميلاده لانه موحلوه انج انتي اللي تبدين بهالشغلات وعلى راحتج بس هذي وجه نظر والرجاجيل هالايام على طول تفكيرهم يودي بعيد والله يستر علينا وعليج000000000
امممم مادري والله حيرتوني اكثر بس انا بخاطري ابين له اني مهتمه فيه وحابته لان من اخر مره يمكن ماخذ فكره اني مليقه !!! احس مافيها شي وحلوه ان اهو يبدي بس هم اذا انا بديت مو غلط ؟ صح؟
انا اشوف مافيها شي الثقل مو انج تكشتين فيه بعيدميلاده كلها مسج بفرحه بالعكس راح يستانس ويستغرب انج ذاكرته ويمكن تكون مبادرتح حلوه واهوا ناطرها ..
مساء الخير مبروك الملجه حبيبتي عادي بالعكس هذا زوجج واحسن تذكرينه بعيد ميلاده من الحين حسسيه بهالشي عشان بعد الزواج يتعود على هالشغلات والمناسبات يذكرج نفس ماتذكرينه
زوجج وبالعكس بيفرح وصدقيني لهااا اثر بتكون وسالفة الثقل غير لانه الحين في مناااسبه مو مني والطريج داازة بمنااسبه صح صح الله يوفقج
توكلي على الله ودزي له .. لما تصير الساعه 12 بالليل وقت التاريخ احلى عشان يعرف ان انتي اول شخص باركتي له .. والله يوفقج وياه يارب
حبيبه قلبي توكلي على الله ودزيله بالعكس بادره طيبه منج ياقلبي وهم هالشي يخلي يتعود على الاهتمام بهالاشياء وماينسى يوم ميلادج مثل مافاجأتيه وزهبي المسج من مده وبس ترن ال 12 دزيه له مااعتقد هذا الشي يدل انج خفيفه يوم هنيتيه بيوم ميلاده حلالج وحلاله مافيها شي بالعكس يمكن تكبرين بعينه بتقديرج له بهاليوم والله يوفقج دنيا واخره وتكون ايامج كلها عسل يارب ياكريم
اشتري له كيكه لذيذه وباقة ورد احمر من الجوري وهديه حلوه وطرشيله مسج قوليله كل عام وانت بخير ياريت تمرني شويه ابيك بشغله عطيه الهديه والله راح يكون احلى عيد ميلاد يمر عليه
لا امبي حدج قويه لا يبا انا خايفه من مسج هالمره كيك وهدايا احنا بس ملجه وما بيننا اتصالات .. وانا طبعي حيل خجوله مسج ومسويه سالفه عليه خايفه ادز
اول شي مبروك حبيبتي وعسى الله يتمم عليج بالخير ياارب حبيبتي دزي مسج عادي وصدقيني بيفرح انج ذكرتيه واذا قدرتي عطيه هدايا وكيك عادي لا تستحين هذا زوجج وبعطيج مسج ان شاء الله يعجبج .. هذا المسج :: كل عام وانت ابخير ياالغالي ::::: ياللي هاليوم جد مر على بالي واشوفك دوم متهني اقبالي :::: وعيد ميلاد سعيد ياخلي وترحالي واشوفك دوم فوق وبالعالي :::: وكل عام وانت ابخير , وعقبالي ) واذا ودج تضيفين اي شي بعد يعني الله يخليك لي او اي شي من الكلام الحلو بس اذا دزيتي قولي لنا شنو صار ) وان شاء الله يعجبج وتقبلي مروري
اهلين حبيبتي نوارة فديت قلبج تسلمين على ردج ابشرج بدا ودز لي مسج قبل جم يوم تخيلي انا خفت من فكرة انا ابدي بس الحمدلله ليلحين ما صار عيدميلاده واهو بدا :$$$$$$$$$$$$ وان شاءالله راح ادز له هالمسج :*
