انزين ياقلبي مو انتي قلتي انه واثق فيج وان انتي واثقه ان مافي حياتج غيره ليش تزعلين وتعصبين بالعكس اكسبي ثقته حاولي انج تحطينه بالصوره بكل شي تسوينه طلعتي رحتي جيتي حتى لو احد تعرض لج عادي وبالنسبه للتلفون بالطقاق خليه ينبش لحد مايمل خلج سياسيه وحدج مرووووقه جدامه
المثل يقول لاتبوق لاتخاف انتي ماعندج شي تخافين منه خليه على راحتة ينبش على كيفة وانتي بعد خوذي موبايله جدامه وقلبي فيه وشوفي ردة فعلة الله يهدي سركم جميعا
حبيبتي انا ادري انه ها الامر مزعج شوي يعني مهما كان المره تحب الخصوصيه شوي بس صدقيني اول البدايه ويمل بيزهق يعني معقوله كل مايدش بيسويها مسألت وقت ولاتحسسيته انج مضايقه من ها الشي ترا يزيد ويحط براسه الف شي خلي الوضع طبيعي بس ريلج اهون من رياييل ثانيين الحمد الله الواحد ياحبيبتي لما شوف مشاكل غيره تهون عليه مشكلته وانشا الله ماتكون مشكله اهو طبع مع الوقت يتغير ولاتقولين لاهلج وتكبر المشكله حلي امورج بنفسج وتعودي انه هاذا بيتج ومحد يدخل فيه
عادي جبيبتي شنو المشكله اذا انتي واثقه من نفسج ترا 90% من الازواج جذي وتحمدي ربج انه قاعد يسويها جدامج مو من وراج انا زوجي يوميا لازم يسوي جرد على المسجات والصور والاسماء وهاذي منو وهاذي ليش مطرشه مسج وليش داقه على اختج فلانه وليش مادقيتي على امج .. كنت اتضايق بالاول بس الحين عقب مايخلص من تلفوني استلم تلفونه واسوي له نفس مايسوي فيني ونقلبها غشمره
حبيبه قلبي الكمال لله فقط وكل انسان له عيوبه واعتبري هذا الشي عيب فيه لاكن بدي مميزاته على عيوبه واذا بتتهاوشين انه ينبش مااعتقد السالفه تستاهل دام اعترفلج انه مايشك فيج خليه ينبش لين يمل الريال مثل الطفل اذا احد ناشبه على لعبته تعز عليه ومايهدها واذا لقاهها ماتهم احد وطايحه يوخر منها فلا تبينين انج مهتمه بهالموضوع وقالقج سكتي عنه وبلاخير بمل ويتعب دامج واثقه بنفسج واهو يقول انه واثق شنو المشكله؟ والله سووالف هالوقت تخلي الريال اين ماينلامون اذا شكو من اللي يسمعونه عطيه الامان وخليه براحته وانتي لا تضايقين نفسج والله يوفقج ويهديه يارب ولانسين كلام وخيتج تركيه عنج وخليه ينبش لين يمل
