لا حول ولا قوة الا بالله الله يهديه و يصبرج ولا تخللي كلام اي حد( مع احترامي لكل الردود)يشيش راسج لان اللي ايده بالماي مو مثل اللي ايده بالنار
اختي الله يعينج على بلواج .. وصدقيني مثل ماقالوا الخوات مالج الا الدعاء ... وخلي اهتماماتج كلها فيج وبعيالج انا ادري ان صعب عليج اتجاهلين هالوضع بس لهي نفسج بالروحات والجيات ونسي عمرج حاولي قد ماتقدرين اتناسين هاالهم .. ترى العمر يروح والهم مايروح لاتضايقين عمرج ادري انها شغله موسهله بس هذه مواخر الدنيا وخاصة انج تعودتي على سوالفه وخرابيطه انا مااقول استسلمي ولا خليه يعيشجوه بس والله مايدفع البلاء الا الدعاء ... حبيبتي اخلصي النيه لله وادعيله بالهدايه .. ومع هذا عيشي حياتج طبيعيه من دون مايحس ان اهوه اول اهتمامج خليه أهوه اللي يسأل عنج موانتي اللي تسألين عنه والله يوفقج انشالله ويهديلج ابو عيالج يارب
بنات بقول لكل وحده ردت علي او حاولت انها تواسيني عسى الله يوفقكم دنيا واخر والله اني ارتحت من ردودكم حيل حيل وبالي انشرح الله يشرح قلوبكم يا رب بحاول قد ما اقدر الهي نفسي شوي عنه لانه ما حسب لي حساب ومع الدعاء كل شي بيصير وانا واثه جدا من ربي
اختي الله يعينج ويصبرج ع مابلاااج مدام فيه اسباب تمنعج من الطلاااق مافي الا انج تصبرين ولا تدعين عليه الا ادعي ربي يهديه و حاولي تسوين اشيا هو يحبه غيري من شكلج ترا الرجال مسكين بسرعه تقدرين تكسبينه وتغيرينه والله يعينج:sad_smile:
حبيبتي الله يعينج ويصبرج ويقويج ادعيله بالهداية دايما وهذا الدعاء قوليه على طول ( اللهم جملني في عين زوجي واجعلني الزوجة الوحيدة له وقربني لقلبه وحببني له كما قربت السيدة عائشة رضى الله عنها من قلب الرسول عليه افضل الصلاة والسلام ) وعليج بالاستغفار على طول والله مايبلي إلا العبد اللي يحبه والله يعينج على ما بلاج.
حبيبتي الله معاك وربي يعينك وفعلا اكثري من الدعاء والإستغفار والدعاء له بالهدايه لعل الله يهديه لك ولبيته ويريح بالك ،وحاولي تعرفين الأسباب اللي توسع المشكلة وتداركينها ، وإذا عندكم احد من قرايبكم ثقه يتدخل بالخير والنصيحه بطريقه غير مباشره ، او انك تتصلي على احد الدكاتره المختصين في حلول المشاكل العائليه ممكن يدلك على طريقه تتبعينها وتريحك ان شاء الله من كل مشاكلك اما الطلاق بالنسبه إذا عندك اولاد صغار ماهو حل ابداً ، لانهم مالهم ذنب وأخيراً اسأل الله العلي القدير ان يوفقك ويحل كربتك وييسر امرك ويهدي لك زوجك ويعوضك عن معاناتك انه على ذلك قدير وبالإجابه جدير.
ياأختي لاتهدمين بيتك وتشتتين عيالك كلنا بالهوى سواء اصبري واستغفري وصلي اخر الليل وادعي الله الله يحنن قلب من احوجتني اليه وطمنيننا عليكي الله ييسر لك كل امر
مو بس انتي انا كمان بس انا بخون امام عيني وماعجبك الباب بيفوت جمل عندي اولاد مصرفهم كبير وما بحسن بلا اولادي مالي غير الدعاء ليس عليه بس الله يهديه ويكون في عوني حسبي الله ونعم الوكيل
والله مالج الا الدعااء حبيبتي هو أبصر في عباده وسالفه الطلاق ماانصحج الواحد يتحمل المر عشان عياله وماتضيق الاتفرج وانا الله مع الصابرين واحتسبي الاجر والمره مالها الابيتها
الله يكون في عونج بس نصيحة اقولها لج باذونج حاولي انج تكسبينه لان بالطلاق محد متضرر الا الاطفال و دامج تقولين متعلقين بابوهم يعنى ابوهم مو سيئء لهالدرجة اللى انتى قاعده تقولينها و قولى الحمدلله ان يحبونه و دامه يحبونه اكيد حنون عليهم حاولي تكسبينه و تشدينه ناحيتج باي طريقة و حاولي تقربينه منج و من بيته و عياله مصيره بيلف و يلف و يرجع لبيته و خرابيطه اللى بره مصيره بيمل منها و مرده لكم دوام الحال من المحال و ادعيله بالهدايه و بلا الدعاوي عليه تضرج ما تفيدج و هم حطي بالبيت قرآن بوجودة و يا ريت سورة البقرة يا رب الله يهدي زوجج لج و لعيالج يا رب العالمين
افرشي سجادتج وانا اختج واطلبي اللي ماتنام عينه وفضفضي همومج له بتشوفين شلون ترتاحين........ادعي يارب تصلحه ولا تاخذ عمره ادري الموضوع يحر بس شنسوي ياناس
اختي ادعي رب العالمين الدعاء مخ العبادة واستغفري بالاستغفار يصير المستحيل واقري قران وصلي اخر الليل وتقربي من رب العالمين واحفظي قران وخلي لسانك رطب بذكر الله وصومي الاثنين والخميس وتصدقي كثير ولا تشكين همك الا لرب العالمين والله يفرج كربتك ويفرج كرب جميع المسلمين
الله يهديه بس اهو اسلوبه جذي مع الكل ؟؟ اذا اي معناته هذي شخصيته وبيظل جذي طول عمره بس اذ معاج بس شوفي شنو الخلل بعلاقتكم وعن تجربه الرجال اللي جذي يبيله وحده تكسر خشمه
الله يعينك ويصبرك على مابلاك ويهديلك زوجك ويصخره لك ولعيالك ويشغل قلبه في طاعة الخالق الطلاق مو حل يااختي انتي عندك عيال اصبري وربي يسعدك انشاءالله ويتغير زوجك
