السلام عليكم ورحمة الله وبركاته عندي مشكله وانا في تعب منها زوجي متقاعد ودائماًًًيقول لي كلام جارح ويستفز وانا اكثر ألأوقات ساكته اوأغير المحل اقول حتى لا تكبر المشاكل انا من طبعي أكره ألأنسان الجاف في مشاعره والله كل يوم احاول ان اتقرب له واوصي نفسي ان اقول له كلام جميل لكن إذا مع بعض يسمعني كلام اشعر با ألأحباط واصير ساكته وهو اكثر شيء اعصب معاه أذا قريت عندي الدوره الشهريه كيف التصرف تعبت ربي يحفظكم ارجو الرد ومشكورين
هلا أختي . . . الرجل المتقاعد أول شي يسويه بعد ما يرتاح من دوامه الصباحي هو النجرة والتقعد حق مرته . . . عبالهم التقاعد نهاية رجولتهم وحياتهم . . . حاولي تقوليله يستفيد من وقته بمكتب عقارات . . . بمتابعة برامج العربية الثقافية المهم يشغل فراغه وتفتكين من قعدته بطالي . . . اما بالنسبة لجفاف اسلوبه حاولي تقولين له بطريقة سلسة انج تتأذين نفسيا من كلامه وطريقته . . . وربي يصلحه ويهديه ويهدي سركم . . .
ادعي له بالهدايه واذا تكلم اسكتي لاتردين عليه خليه يعصب ويزف مرده بيسكت واستغفري دايم والله يهديه يارب وانتي استغلي وقتج بعيد عنه يعني لاتخلينه كل اهتمامج نظفي بيتج اكششخي اهتمي بجسمج واقري قران سوي شغلات وهو موجود عشان يحس ان مشغوله عنه عشان يدور له شغل يشغله
اختي حاولي تكثرين استغفار بهدف الله يسخر لج زوجج حاولي ماتجادليينه كثيير اذا عصب سكتي لان في رياايل وايد مايحبون المره ترادد لان هالشيء يزيدهم عصبيه الله يهدييلج زوجج ويوفقج يارب
مساء الخير حبيبتي الزوج متقاعد يعني لازم تراعين شعوره مومتعود على القعده وبعدين الرجل طبعه مايحب الروتين نهائي حاولي تفاجئينه كل اسبوع تعزمينه على مطعم او تغيرين شي بالبيت القعده تشترين له مجموعة كتب يقرى فيها من المواضيع الي يحبها تشترين ورد من الانواع الحلوه وتتحمل جو الكويت وتعتين فيها ومع الوقت اهو بيهتم فيهم او في اخر الشهر قولي لها انا عازمتك على شاليه او فندق لو يومين على الاقل كسري الروتين اي نسيت اقولج لاتخلينه يقعد على الكمبيتر نهااااااااااائي خطر فترة التقاعد يجابل النت مصيبه والله
