سلامو بنات ,,,,,,,,,,,, انا مشكلتي مع مرت حماي اهيه تزوجت بعدي و الله رزقها بولد الله يهنيها بس ,,,,,,,,,,,,,,,,,,, تحب تحسسني ان انا عندي نقص لان ما عندي عيال و الله انا مو هامني شي لان انا اعرف ان هذا من رب العالمين و اذا الله يبي يرزقني ما في شي يوقف ........ لا و ام زوجي مقوية شوكتها بعد على العلم ان السبب من ولدها بس انا ما اقول علشان احافظ على اسرارنا المهم ان مرت حماي ولدها راح يكمل سنه من عمره مومشكله الف مبروك بس الي يحر تبي تيي و تسوي العيد ميلاد في بيتي ضاقت عليها الوسيعة الا في بيتي تبي تحرني باي شكل من الاشكال و زوجي الله يخليه ما مانع و قالهم حياكم الله يعني هذا شنو اسمه لا وبعد ام زوجي اهيه الي قنعت زوجي ب السالفه التعبانه هذي انا قلت لزوجي اوكي انت رضيت بس انا ما لي دخل ب اي شي شيروا علي شنو اوي ,,,,
حبيبتي عادي لا تحطين في بالج وخليهم يسون العيد ميلاد عندج خليج واثقه من نفسج وبيني لهم انج مومهتمه من حركاتهم وانشاءالله الله يرزقج بالولد الصالح امين
صباح الخير ياعذرا عسي ربي يرزقج الذرية الصالحة يارب وبهذاك الوقت بتقولين يااااااااااااااااااا كان الموضوع مايسوا عموما حبيبتي خليج قوية وهلي ورحبي بالمعازيم وغني وارقصي وجيبي لولدها هدية حلوة بعد جننيهم خليهم يقولون كنا نبي نقهرها واهي الي قهرتنا خليهم ينصدمون بردة فعلج انج صج فرحان حق ولدهم لا ودعيلها بعد ان الله يرزقها بيبي ثاني وهم تسويلا الحفله عندج وبيتج بس الكلام هذا الى انا قلتة يبيلة قوة ارادة موتصبرين وتسوين الى قلتا لج وبلحضة تهزج كلما او حرك وتعصبين او دموعج تنزل ديري بالج والله يقويج وينصرج عليهم
لا تحرين نفسش ولا تتكدرين وعلى قولة امي جعل ربي يخليها ((ذبح النسوان سفههن )) احقرييييييييييييييييييييييييييييييييييييييييييييييييها واخذيها على قد عقلها ترفعي من الاشياء اللي تسويها رحبي باللي بيصير وشوفي شلون تنقهر وترا الرجال ماله شغل نيته صافيه وماعنده خبث الحريم والله يعينش يابعد كبدي
بعد عمري الله يرزقج الذرية الصالحة لاتهتمين ولاتضيقين خلقج هذول الحريم بعضهم الله يهديهن بسسسسسسسس شكو تسوي ببيتج ليش مو بيتها اهي ولا بيت اهل زوجهااااااااا شكو صج غريبة صبؤي واحتسبي الاجر واكثري من لاستغفار انا مرت حمااااي ماتستحي اهي بدور الثاني وانا بيتى فوقها وتعالي سمعي صوتها بكل وقت حتى لفجر الضحك والصراخ حتى لما زوجي يكون موجو ماعليها ولاتحشم احد ادعو لي بنات الله يرزقنى بيت صج تعبت منها انا دخلتج بمشكلتى بس شسوي علشان ابين لج ماااااااااحد مرتاح بهالدنياااااااااااااا
حبيبتي لا تفكرين بهل شي ولاتهمج بشي ربي الرازق انشالله الله بعوضج وصدقيني ونصيحه من اختك راح تشوفين حوبتلج لأنه انتي على نياتج واهيا تحاول تغثج مالج شغل بحد لأحد يهمج وانشالله الله يرزقني ويرزق كل محرومه من الذريه الصالحه يارب وترزق اختي عذرا بالذريه الطيبه
و الله يا بنات ردودكم ريحت بالي و انا راح اسوي مثل ما قلتولي .............. و الله كلكم بنات ناس و تعرفون ب الذوق و رنوده ب العكس كلامج حلو وطيب و الله يفرج علينا
كل البنات كلامهم صح أصبري و أحتسبي الاجر من رب العالمين و انشاء الله الله بيرزقج بالذرية الصالحه و يرزقني معاج و الله البيوت فيها اكثر من جذي .......
الله يكرمك بنيتك الطيبه بتؤم ولدين وتفرح فيهم لاتفكر في حركات الحريم تري ناس فاضيه وانت اكبر منهم في اشياء في الدنيا اهم الدين والعبادة الاستعداد لطريق الجنه ويارب تبشرينا في القريب العاجل
فديتج عندج وعندناااا خير بس ياعمري انا لو نفسج اقول لزوجي عمري اهلك يضايقوني انا ماابي منك شي بس قول هم مشكلتك وانا راضيا اعيش معاك العمر كله والله ثم والله لو تتدري تحطج بعيونها
انا مع الكل برايهم انج تصبرين لكن عيد الميلاد والوصخ والكيك والوية والجهال يخربون بيتي وبيتها وبيت خالتج ام زوجج نظيف لااااااااااااااااااا وستين لاااااااااااااااا شالمصخرة وين قاعدين.... ليمتى انتي بتصيرين ضعيفة واي شي يسوونه قلتي اوكيك..... انا لو منج وزوجي قال اوكي تدرين شسوي بنفس اليوم الصبح اتشكى من من ضرسي>>> تمثيل واربط راسي واطرشلها مسج وزوجي ما يدري اقولها اسمحيلي ضرسي شاب علي وراسي يذبحني ما اقدر استقبلكم في بيتي عاد انتي سوي نفسج البريئة وطول اليوم تمثيل على زوجج ولا تاكلين ولا تنزلين... عاد اذا جا باجر انزلي على حبة ونص من كشخة عاد اهم بيقولون لج ها اشلون ضرسج اليوم عاد ابتسمي ابتسامة خبيثة وقولي الحمداللة امس كليت بونستان ونمت بعدها احلى نومة وعاد اساليهم عن عيد الميلاد اشلونه... خليهم يعرفون انج مو هينة
الله يرزقج الذرية الصالحة ان شا الله انا وانتى وجميع المحرومة من الذرية قولووووو امين حبيبتى لا تحطين فى بالج احد حطى عينج بعينة ربنا تر والله الناس ما تنفع بس ربنا الاينفع
ه>ي حيوانه احس شي لج انج تقاطعينها لا سلام ولا كلام منو هي يعني ؟ مرة اخو زوجج مالج علاقه فيها لاهي امه ولا احد من قرايبج عشان تحطين لها اعتبار وتسوين علاقه معاها اصلا ويصير بينكم كلام احقريها كأنها مو موجوده
