رد على بعض الاخوات يقولون سوي له امور رومانسية وغيري في شكلج حببتي في بعض الرجال مايحبون السوالف هذي واذا سويتي شيء بسيط يعاير فيه مثل انا زوجي عصبي حيل انا هو مشاكل يوميا وماتتصوروها ووديته المغفر عشان يطلقني ورفض لنه كان يطقني على اتفه الاسباب واذا كنت مريضة او احد في اعيالي مريض بالغصب يودي او مايودي المستشفى وتصير مشاكل وكل ما اولد بعملية قيصرية ما اكمل حتى 15 يوم من نفاسي ويطقني وذبح حرمته الاولى بالطق الله يرحمها وتوفت بالسرطان والحمدالله ربي رزقني بجمال وطول وبياض لكن مارزقني بزوج هو ينام في الصالة ومسكر عليه ويشرب ومقابل الافلام الخايسة وفي مرات يستعمل الجنس بروحه مايحتاج لامراة وانا في غرفي لسانه زفر تقعدي مع شيطان وماتقعدي مع زوجي حياته كلها صراخ وسب ومعاير وطق لكن اقول ربي الياخذ حقي منه وابي ربي ينتقم لي منه
مساء الخير حبيبتي اي وحده عندها مشاكل ان كان مع زوجها او اهلها عليك بقيام الليل وبس وربي يتحقق لك كل شئ تبغيه واعرف وحده مثل حالتك كانت مو مقصره عليه وتبدل حالها للاحسن بكثير بسب قيام الليل وتقول الحين مااسوي له ولاربع اللي كنت اسويه له قبل وصار يحبها وتعلق فيها انا عندي طريقه حلوه لقيام الليل وياريت تسوينها وشوفي كيف حيكون اثار قيامك بالليل وخلي ظنك بالله حسن انو راح يغيره للاحسن أول شيء علينا أننا نقوم قبل صلاة الفجر بساعة وهذه الساعة هي وقت السحر وهو أفضل جزء من ال ليل وقال الله تعالى ( والمستغفرين بالأسحار ( نقسم هذه الساعة إلى أربع أقسام و هي كالتالي : أول ربع ساعة : لقراءة ما تيسر من القرآن الكريم ثاني ربع ساعة : نصلي فيها ركعتين قيام الليل ثم نوتر بثلاث ركعات ركعتين شف ع وواحدة وتر ثالث ربع ساعة : للدعاء . ولا ننسى أن الله في هذا الوقت ينزل للسماء الدنيا يقول ( يا عبادي هل من داعي فأستجيب له ، هل من مستغفر لأغفر له ، هل من سائل فأعطيه ) رابع ربع ساعة : للاستغفار ، إلى أن يؤذن الفجر
سلاام عليكم ورحمة الله حبيبتي الله يلهمج الصبر الجيل والفرج القريب..ثقي بالله..وخليه دووم نصب عينج ادري كلامي ممكن يكون في نوع من البرود نسبة الى ما انتي عليه..لكن هذا الواقع.. اولا تسلحي بالدعاء لج بالثبات والصبر وله بالهدايه..وتذكري انه المؤمن مبتلا بهالدنيا ..لكن مو معناته انج توقفين مكتفة اليديد..لااا حياتي..فكري حبه حبه..اوكي انتي قلتي انج مااا عليج قصور..هذي نقطه اراجع نفسي فيها ولو انه مو عذر بس تبريه للذمه امام الله..افكر.. لبسي له..؟ ريحتي..؟ كلامي او اسلوبي..؟ واجبي معاه بالفراش..؟ البيت في لمسات مني فيه..؟ الأكل في لمسات مني له..؟ الخ..الخ..؟ هذي نقطه اذا ماااشفت في اي اعوجاج في اي نقطه من السابق.. اقعد معاه قعده صرااااااحه وبهدووء وعالمكشوووف..وبأدب اكلمه..وتذكري اذا كان فيه خلل مو معناته اني اكون متعاديه منه..لا لج شخصيتج وادبج واخلاقياتج.. افضل شي المواجه والمصارحة .. تعال يا فلان شوفني عدل وخلك منصف جدام ربك..او علمني اذا كنت صاحبة تقصير..افتحلي قلبك شلي شايفه فيني شلي مخليك ترتاح بهالموال..شوف الله قبل ما تشوفني قبل ما اكون زوجتك انا ام اعيالك ..وتذكر هذا مو حجي عبط هذا حجي اللي خلقك وخلقني..من زنا زني به..تحب اتشوف بنتك..ولدك يوم من الأيام بنفس موقعك من الإعراب.. وخلي يراجع نفسه بنفسه..وادعيله من كل قلبج..وان الله لا يغير ما بنفس حتى يغيرو ما بأنفسهم انشالله يبادر بس حركي مشاعره برب العالمين حديث قدسي.عبدي اطعني تكن مثلي اقول للشيئ كن فيكون.. من تقرب من الله خطوه اتاه هروله.. تمسكي برب العالمين واعتبري السجود اوسع واحن حضن تبثين فيه همومج لأحن وارحم من يسمعج والعظم هوو القدير حبيبتي ماا بيج تعتبرين اني استلمتج محاضره دينيه وله خطبة الجمعه..استغفر الله انما انا محتاجه وفقيره امام الله لكن لو كنت بسفينه تغرغ بوسط البحر وما كنتي ملتزمه..وحتن لو كنتي ملحده ماارااح تناادين بهالوقت الا يااااااااااالله يااااارب اغثني يااااااحبيب من لااا حبيب له ياااعون من لااعون له يااغوثي عند شدتي..ياا ارحم الراحمين
الاهل ما يقولون لأ لازم تقولين لهم ويحطون حد للموضوع مثل ما زوجوج مثل ما راح يلاقون الحل انا متاكده والله يكون بالعون ويصبرج على ما بلاج قولي يارب بس ويهديه انشالله ويسخره لج ولعيالج آمين
الله يعينج حبيبتي ويارب يهديه ادعي له بالهدايه والاستغااااااار اهم شي والله قال في حديث قدسي(يا ابن ادم لو وصلت ذنوبك عنان السماء ثم استغفرتني غفرت لك ولا ابالي) واهم شي حافظي على صلاتج وادعي بالسجود قال الرسول الكريم(اقرب مايكون العبد من ربه وهو ساجد)
عسى كل وحده حالوت تواسيني وتساعدني بمشكلتي ان ربي يوفقها ويرزقها من غير لا تحتسب بنات كلامكم جميل واغلبيت الردود شرحت صدري عسى الله يسخر زوجي لي انا من خذيته وانا اكتشف خياناته تعبت مليت ضاقت علي نفسي احس بغصه بقلبي حسبي الله ونعم الوكيل حسبي الله ونعم الوكيل حسبي الله ونعم الوكيل اللهم ارني عجائب قدرتك بزوجي وباهله يا رب العالميين وبكل من تشمت بي وضيق صدري بنات ادعولي يمكن وحده منكم تدعيي وتكون بلحضة استجابه انا بروح اسمع نصيحتهم وبصلي قيام الليل
الله يلهمش الصبر والسلون ياختي كثري من قيام الليل والدعاء في جوف الليل ونشاء الله مراح الكريم المنان يردش خايبه وداومي على الاستغفار والصبر مفتح الفرج
احسن شي تطنشين منو هالمخلوق هذا الي يقدر خاطرج انسى خليه يبربر ويسكت عيشي حياتج لاتفكرين فيه التهي باي شي ...... الرجال اذا شاف البنت ماتعطيه وجه وسافهته يستغرب ويحترم اكثر عاد لاتسفهينه مره وحده خليك متحفظه وثقيله ولا تنسين حقه الشرعي عطيه على اكمل وجه علشان ماتكون له حجه واشتغلي على نفسج قسمي وقتج والتهي باي شي علشان مايكون فيه وقت فراغ تفكرين فيه
حبيبتي الله يفرج عليج والله اني مدري ويش اقولج بس اصبري وادعي له وان شاء الله يتغير ورجع لج والعياله يارب
