صبآح / مسـآء الـ / ورد شخباركم عساكم بـ / خير حابه اطرح مشكلتي واتمنى الاقي حل للوضع اللي انا فيه انا متزوجه وعندي بنت هذي بكري وهذا اول نفاس لي من طلعت من المستشفى وجيت بيت اهلي وزوجي ماادري شفيه قلت مكالماته ولايجيني مثل العالم والناس اسمع فلانه يجيها كل يوم وينام عندهم والثانيه يكلمها كل شوي علي انه مشتاق وانا ولاشي منهم كنه مومصدق انه يقطني بيت اهلي كله طالع مع ربعه مو معبرني بشي اول اذا انزل عند اهلي يتصل ويقول انه مشتاق لي مايخليني من مكالماته واللحين مطنشني صار بالايام مايكلمني واذا دقيت عليه يقولي شوي واكلم لانه مع ربعه ويكلم اخر الليل ولايطول يقول شخبارج وشخبار البنت ويسكر ينام حق الدوام واذا قلته ليه يقول تغارين من ربعي زعلت عليه يقولي انتي بايخه اسلوبج بايخ احترت معاه ارسلت له رساله عتب ولاكني ارسلت له كم يوم مااتصل ودقيت اقوله ماعندك بنت تسال عنها يقول ادري انها بخير شحقه اتصل قلت ولازوجه قال ايه زوجه شمعناته كلامه انا نفسيا تعببت امي تقولي موب زين تغلقين عمرج بالنفاس مو زينه ضيقه الصدر بس ماااعرف يقولون لي طنشيه وحقريه مثل مايحقرج بالايام بس والله مو عارفه اذا قلت مو داقه اليوم مااكمل كلمتي الا وانا متصله انا ماابي منه شي ببس ليش حتى كلمه رضوه ماقالي اياها والله انا طول فتره حملي وانا اصيح واللحين وانا بنفاسي نفس الشي قاعده افكر شسسوي له من بعد النفاس مابقا خلطه ولا ملطه مو مسويتها وافكر شسسوي له بعدين بس هو ولاع باله هو فيه صفه خايسه ان يحقر حتى لو اجيه واكلمه وارسل يحقر بالايام ولاكني زوجته محسسني عببده ماخذها ابي حل شسسوي شنو الاسلوب اللي اتببعه انا مااببيه يصير خاتم ابببيه يتعدل مو حاله مااعرف احقره مثل مايسوي قلبي يرف له حتى لو اشغل نفسي اتمنى الاقي حل عندكم
مرحبااااااااااا يالغالية شوفى ريحى اعصابج وخلية بحالة هالفترة يمكن عشان طبعة خايس فية رياجيل جذى عادي لاتنكدين على نفسج وانت نفاس صدقنى ريحى عمرج يمكن طبعة جذى وماعنده مسئولية عشان انت عند اهلج هو ما خذ راحتة بس انطري لاطلعتى والفله يتغير ولاتحرين نفسج ولاشى تجهزي لطلعتج من النفاس وريح بالج يالغاتلية صدقنى هو يحبج بس ما يحب الحنة وايد جذى .......... طمنينى على اوضاعج اوكى
ياهلابك حبيتي والله ودي اريح قلبي وعمري ماادري هو تعود اني حتى لو ازعل ارضى من نفسي اللي يذبحني اني لازعلت وانا اكلمه اقوله يللا باي يقول انتي بايخه اسلوبج بايخ ليه ماادري احاول اراضيه بشتى الطرق ولا كني اسوي شي احس كل ماارضيه يستلعن زياده تخيلي وانا حامل الواحد يداري ع مرته وهو يحقرني اسبوع هو بصوب وانا بصوب واكلمه اناديه يافلان يحقر ولاكني اكلمه تقولين اكلم نفسي من بدايه حمالي لايراعي اني حامل ولاشي يعني اقوله ماعندك زوجه يقولي ايه زوجه وش هالكلام والله اني مهمومه انا مااثق بآي وحده اشتكي لها من البنآت صديقاتي لان هم مو متزوجين وامي اذا قلت لها تقول طنشيه تعبتيني وياج ماعندي الا اني اكتب هنا لان فيه بنات متزوجات وفي سني او بحدوده تسلمين حبيبتي ع الرد يكفي ردك وانك شاركتيني والله يجبر بخاطرك
الله يعينج على هالمشكلة , بس تدرين شنو المشكلة اننا نزعل على اتفه سبب وهذا اللي يعود الريال على زعلنا حتى يصير شي عادي عنده اننا زعلنا يقول عادي كم يوم وترضى لحالها , المفروض تكون المرأة عزيزة وماتزعل على اي شي عشان لي زعلت يحس بمكانها انتي الحين لا تحنين عليه واذا اتصل لاتذكرينه وتقوليله ان ما يسأل عنج ولا عن بنتج حسسيه انج مرتاحه ومستانسه وان انج مو ناقصج شي الا وجوده وانج مشتاقتله وقوليله جم كلمة حلوة يمكن يحن قلبه وبالعيارة قوليلة ان بنته مشتاقه لابوها وان بالليل تسأل عنه والله يهدي بالج ويهدي زوجج للي تحبينه
كلامك حلو ولايهنون الخوات اللي ردوا علي ربي يجزاكم خير طيب حبيبتي انتظره يتصل واقوله الكلام اللي انتي قلتيه ولا اخليه يولي لين يحس ع دمه ويتصل انا مدمغه مااعرف اشيل مثله واحقد هو ولا يفكر يتصل والله تعبت تفكيري كله عنده يعني صج منكده ع نفسي لا رسايل تنفع ولا اتصالات احترت معاه ادري ان هذرتي طويله بس شسسوي ماعندي احد خواتي يدرسون بالابتدائي وانا الكبيره وامي ماعندها غير خليه يولي ولا تعبتيني معاك
لا يا حبيبتي انتي اتصلي بس عاد مو تحنين عليه يعني اكيد انتي تعرفين زوجج متى يكون قاعد في البيت وقوليلة كلمة حلوة . واذا قالج انا مشغول طرشيله رسايل فيها كلام حلو حتى لو ان شاءالله بس كلمة وحده , لازم نغير من الحنه واذا طلعتي ان شاءالله من الأربعين فاجئيه ضعفي وصبغي وغيري شكلج كلش يعني نيو ستايل وغيري كلامج معاه وتدلعي ولاتحنوووون انا اول زواجي كنت ازعل بسرعة لغاية ما وحدة من الأهل فهمتني ان الرياييل مايحبون اللي تتزعل لان هالشي راح يصير عادي بعدين .والحمدلله ألحين كل شي تمام صرت حتى لو الشغلة تزعلني اسوي اي شي عشان اشغل بالي وما أفكر فيها . وكل شي يرد اوكي بالليل .انتي الحين شغلي نفسج بننتج وبالخلطات والصالونات وبالتسوق عشان لا تتكدرين مو زين الزعل بالنفاس . والله يوفقج
