قصة راشد و مريم

السلام عليكم

قصة راشد ومريم

راشد من اهلي ومريم زوجة راشد الطيوبه

كان راشد شاب لعوب له سوابق مع البنات وصار عمره 32 سنه وما تزوج وكل ما يكلمونه اهله عن الزواج كان يقول يصير خير يوم الله بيكتب وكانت امه تحن عليه عشان يتزوج وهو كل مره يقولها من اعيوني حاضر تامرين بس اصبري علي اشوي وكانت امه تزعل عليه لانه كل مره نفس الكلام وما فيه مبادره من راشد لزواج وكان كل ما يشوف امه زعلانه يجي عندها ويبوسها علي راسها ويضحك وهي من كثر حبها الي راشد كان ترضي وما تزعله علي فكره راشد من النوع اللي بار بوالديه لدرجه كبيره ومو مقصر مع هله وبذات امه وابوه كانواااا وايد يحبونه لانه وايد حنون عليهم وبذات اخوانه كانوااا يحبونه ويشاورونه في كل كبيره وصغيره طبعن راشد من سكان امارة بوظبي 0000

راشد عنده صديق عزيز عليه وايد وهو معاه في نفس الدوام اسمه عبدالله طبعن عبدالله من سكان مدينة العين ومدينه العين تبعد من امارة ابوظبي ساعه بسياره وكان عبدالله عازم راشد عنده بلبيت علي العشاء 00000

وهذا بداية القصه من هذي اللحظه 000

راشد طلع من ابوظبي رايح الي العين لانه ما حب يزعل صديق عمره عبدالله ويقوله ما راح اجي لانه عارف انه عبدالله راح يزعل ويشيل في خاطره المهم بعد ساعه وصل راشد العين واتصل في عبدالله قاله انا في العين قاله مرحب الساع والله نورة العين يا بو سنيده اقرب البيت يعني بلاماراتي اقرب يعني حياك تعال تعال البيت راح راشد بيت عبدالله وسلم عليه وجلسوااا في الميلس يعني الديوانيه كان عبدالله عازم بنفس الوقت ربعه من مدينة العين وتمت السؤالف والضحك لحد ما حطواااا العشاء وتعشواااا عبدالله وراشد والشباب وعلي الساعه 11 بليل استاذن راشد انه بيروح بوظبي وسلم علي الشباب وطلع من الميلس - الديوانيه مع عبدالله وطلب منه عبدالله يدخل معاه البيت عشان يوريه الديكورات اللي عاملنها في فلته الجديده لانه عبدالله ناوي يتزوج ومسوي فله جديده بنفس المكان اللي فيها فلة اهله علي جنب يعني وهو مكلم راشد انه يوم يجي عنده راح يوريه الديكورات لانه راشد ناوي يسوي فله جديده في ابوظبي وحاب يشوف الديكورات اللي عاملنها عبدالله المهم راح معاه ودخل الفله وهنيه الصاعقه اول ما دخلووااا الفله الا مريم كانت جالسه في صالة الفله وعبدالله ما كان يعرف انه اخته في فلته المهم راشد شاف مريم واستحي من الموقف ومريم راحت ركض الي برع وتمت ساكت راشد وعبدالله يستسمح منه ويقوله اسمحلي ما كنت اعرف انه اهلي او بلمعني اختي جايه اتشؤف الفله المهم راشد قال عادي اختك اختي وراح عبدالله يوري راشد الديكورات وغرف النوم والحديقه وبعدها راشد استاذن وقاله تسلم يا بو حميد بلبركه عليك البيت وان شاء الله بيت الخير وراح عبدالله يوصل راشد لسيارته لانه الوقت اتاخر وراشد وراه طريق وسلم عليه وراح 0000

وطول الطريق راشد يفكر ويقول يا رب اخت عبدالله مو متزوجه يا رب ويفكر وباله مشغول وكل ما تتصل عليه بنت يقول مشغول مو فاضي مو فاضي وبعد ساعه وصل ابوظبي ودخل غرفته وهو يفكر في شكل مريم اخت صديقه عبدالله لانه ابو الشباب البنت دخلت خاطره وتم طول الليل يفكر وما جاه نوم حاب يعرف مريم متزوجه مخطوبه ولا شو وكان التفكير ذابحه ذاك اليوم وكان طبعن ذاك اليوم راح يصبح الجمعه والسبت اجازه وهو علي نار عشان يشوف عبدالله يوم الاحد وجاء يوم الاحد وراح راشد مكتب عبدالله وسلم عليه وجلس معاه واستحي يفاتح عبدالله في الموضوع وتم جالس يفكر وعبدالله يسال راشد شو فيك مو من عوايدك انك تسكت يوم اتكون معاي وراشد يرد عليه لا مافي غير الخير طبعن راشدمستحي يفاتح صديقه الروح بروح عشان مريم طبعن لحد هذي اللحظه راشد ما يعرف اسم اخت عبدالله انه اسمها مريم وخاطره كان يعرف اسمها او انها متزوجه او مخطوبه 000

راشد نائب قسم الشئون الاداريه والماليه
وعبدالله نائب قسم التخطيط والتطوير

وطبعن كل ملفات الموظفين في قسم راشد وهو نائب رئيس القسم

وكان راشد عنده الصالاحيه انه يشوف كل ملفات الموظفين وبياناتهم كامله

وهو حاب يشوف انه اخت عبدالله متزوجه او لا عشان يفاتح عبدالله انه حاب يخطب اخته علي سنة الله ورسوله 00
وراح وطلب ملف عبدالله واو ما جاه الملف راح يشوف القيد يعني البيانات هل اخته علي قيد ابوها او انها منفصله عن القيد لو انها منفصله من القيد لابوها معناها انها متزوجه ولو كانت في قيد ابوها معناها انها مو متزوجه وهذا اللي كان يتمناه راشد طبعن شاف اسمها انه مريم قال في خاطره يا سلام اسم روعه وثاني شي اسمها مع ابوها يعني مو متزوجه وانها الوحيده عند ابوها يعني ما عندها اخوات بنات يعني هي البنت الوحيده وتم طاير من الفرحه بس بعد جلس يفكر قال يمكن مخطوبه ورجع التفكير مره ثانيه يذبح راشد بس ارتاح اشوي لانها مو متزوجه علي فكره عبدالله يتيم يعني ابوه متوفي الله يرحمه وعبدالله اكبر واحد في البيت يعني هو المسئول 000

ورجع راشد البيت وهو يفكر وما يطلع من البيت ولا يرد علي البنات وكل ما تتصل وحده يتكلم معاها بدون نفس بو الشباب دخل مرحلة الحب ههههههههههه

راشد من عائله معروفه واصل وفصل 00
وعبدالله نفس الشي من عائله معروفه اصل وفصل

وكلهم مستويات بس عبدالله اغني من راشد لانه ابوه مخلف مبلغ مو بسيط بلملاييين بس مو متكبر ولا شي وطيوب ويحب راشد وايد وكل ما يروح مكان يتكلم عن راشد بلخير

بس راشد خايف من عبدالله لانه عبدالله يعرف راشد راعي بنات وعشان هذا الشي اللي مخلي راشد يفكر قبل لا يفكر انه مريم مخطوبه ولا لا بس في الاخر يقول الله كريم

عبدالله ساكن في بوظبي طول الاسبوع لانه عنده بيت ثاني في ابوظبي ويروح العين اخر الاسبوع يعني طول الاسبوع مع راشد مع عداء الجمعه والسبت يعني في الليل يكونوا مع بعض المهم في اللليل كل ما تتصل وحده الي راشد ومعاه عبدالله ما يرد وعبدالله يسال راشد ليش ما اترد علي التلفون يرد عليه ويقول خلاص ما اريد اكلم بنات ابليز عبدالله رد انته عليهم وقول راشد ما يريد يكلم بنات وتم عبدالله يرد علي اي بنت تتصل في راشد ويقول خلاص راشد راح يزوج وابليز لا تتصلواااا بريال نهائي 0000

وراشد مستغرب من عبدالله يقوله ليش اتقول اني راح ازوج قاله احسن عشان ما يرجعوااا يتصلوااا فيك وراشد من داخله فرحان 000



رايحه اكمل الجزء الثاني بعد ما اشوف الردود من البنات

واااااااااااااااو كملي الله يخليج .... واايد اندمجت .....

يعطيج العاافيه وماقصرتي ..

وينقل للقسم المناسب >> القصص والروايات <<

اتريا تكملت القصة

وايد حلوه القصه يالله كملي لاتأخرين

الجزاء الثاني


اتصل عبدالله في راشد الصبح حصل تلفون راشد مقطوع لانه راح يتاخر اشوي عن الدوام عند بعض الاشغال ولانه راشد

نائب الشئون الاداريه والماليه وعنده الغياب والحظور وصديقه المخلص عشان يحطيله اذن سبق المهم اتصل عبدالله علي

راشد فرد عليه قاله تفونك مقطوع ليش رد عليه بخبرك بعدين انته وين قاله راح اتاخر اشوي واول ما ارجع المكتب راح امر

عليك قاله اوكي 00

علي الساعه تسع ونص رجع عبدالله الدوام وراح دايركت مكتب راشد قاله ليش شو فيه تلفونك رد راشد قطعته وطلعت

رقم ثاني قاله ليش ما من شر ردراشد ما اريد اكلم بنات وراح افتح صفحه يديده اول شي مع الله وثاني شي مع نفسي

فرح عبدالله اقاله مبروك اكيد تبقي اتعرس ضحك راشد قاله لا لا بس الي متي بتم جي اللعب علي بنات الخلق ومن

داخله يقول اختك السبب ههههههه هي اللي مخبله فيني بس ما بيد حيله استاذن عبدالله من راشد انه بيروح مكتبه

وتم راشد يفكر كيف بيفاتح صديق عمره بلموضوع وكيف وكيف والافكار متشتته مب عارف وين يضرب براسه ومنوه يرمس

وتم يفكر بصورة مريم لحد ما انتهي الدوام ورجع البيت نفس الموال علي الغداء ام راشد ها ابويه ما فكرة اتعرس وهو

يضحك وام راشد محرجه عليه قال خلاص تم بعرس قالت والله ترمس صدق ولا كل مره نفس سؤالفك قال لا والله بعرس

وام راشد اتقوله عندك حد في خاطرك ولا ادورلك بنت الحلال قال بعدين بعدين وطلع ما عرف شو يرد علي امه ودخل

الغرفه ونام لحد العصر قام صلي واتصل في عبدالله رد عليه عبدالله مب عارف منوه متصل لانه راشد مغير رقم تلفونه وما

عطاه عبدالله نسي قال عبدالله زين يوم اتصلت كنت رايح ايييك البيت قاله راشد مرحبابك تعال قاله لا ابقيك اتروح معاي

العين عندي شغل ضروري وبرجع قاله اوكي تامر وابواااا الشباب خاطره يروح يمكن الصدفه تضرب مره ثانيه ويشوف

مرايم ( مريم ) وفي الطريج راشد كله ساكت وعبدالله مستغرب مب من عوايد راشد يسكت فساله انته شو فيك مب

عايبني من كم يوم كله ساكت واتفكر في شي صاير اتراني انا اخوك قبل لا اكون اربيعك رد راشد مافيني الا الخير لو في

شي انته اول واحد راح اتعرفه 0000 راشد يسال عبدالله شو عندك رايح العين في شي مهم يعني قاله عندي اوراق رايح

اوقع عليها عشان اخويه سعيد يروح يخلصها باجر ضروري في العين لانه اخر الاسبوع امسافر دوره امريكا سنه وانته

اتعرف انه اخوي الوحيد وما عندي حد غيره يخلصها وثاني شي راح ارتبط وايد لانه اختي راح اتعيش عندي في بوظبي

لانه مستحيل اخليها في البيت روحها محد معاها ومثل ما قلت عبدالله يتيم الاب والام ومستحيل يخلي اخته ابروحها في

البيت محد معاها راشد ساله عبدالله ليش اختك مب متزوجه قاله قال ما اتهون علي اعطيها اي من كان لو ما اثق في

الريال واحس انه محترم وولد ناس وعرب لانه ابويه قبل لا يموت موصني بذات علي اختي لانه كان وايد يحبها لانه ابوي

رفض يتزوج بعد موت امي وعند ما ماتت امي كانت اختي عمرها 8 سنوات ويدتتي هي اللي ربتني وابويه رفض يزوج

لحد ما مات الله يرحمه واحين اختي عمرها 25 سنه ويدتتي ماتت الله يرحمهم راشد تم ساكت مصدوم اول مره يعرف هذا

الشي مع انه اربيعه الروح بروح 0000

وقبل ما يوصلون العين اتصلت ام راشد لراشد وقالها انا في العين رايح مع عبدالله عنده شغل وبنرجع ودوم عبدالله

يسحب التلفون من راشد يوم يعرف انه يرمس امه وييلس يسؤلف معاها ام راشد وايد اتحب عبدالله وتعتبره مثل راشد

ودوم اتقوله متي بتعرس وهو يقولها يوم بيعرس راشد بعرس وام راشد اتعصب عليهم وعبدالله يضحك قولها خلاص ما

اتمر هذي السنه الا معرسين وهي تدعي المسكينه واتقول امين الله يفرحكم واشوف اعيالكم






رايحه اكمل الجزء الثالث بعد ما اشوف الردود من البنات

مرحباا اختي القصة تجنن واااااااااااااااااايد بس بلييييييييييييز كملي القصه والله انحرقت اعصااابي واااااااااااااااااااااااايد

الله يخليك اختي وين الباقي بليزززززززززززززززززززززز

هلا اختي ..........نتريا باقي القصة ........لا اطولين بليز

تكملت الجزء الثالث



خلص عبدالله شغله مع اخوه سعيد في العين وراجع مع راشد بوظبي وفي الطريج سؤالف بين الاثنين التوم جيري قصدي الاخوان بما معني الاخويه المهم عبدالله يرمس راشد قاله ليش ما تزوج خلاص عاد فكر اتراه العمر يمر وانته لحد احين ما تزوجة قاله عبدالله يله علي ايدك عندك بنت الحلال بس بشرط انته بعد تنوي تزوج قال انا ناوي خلاص بس ابقيك انته تنوي رد عليه مره ثانيه راشد خلاص علي ايدك قاله خلاص تم قاله راشد والله تم بس منوه بتيوزني قاله انته حد في خاطرك تبقيها سكت راشد ما عرف شو يرد علي عبدالله اتغير شكله فلاحظ عبدالله انه راشد وايد اتغير شكله لدرجه انه استغرب مع انه ما يخبي عليه شي يعني كل واحد منهم يعرف اسرار الثاني حتي الخاصه 00

راشد حس انه عبدالله فهم الموضوع انه يبقي مريم فرد مره ثانيه يسال راشد عندك حد في بالك قول لا اتخبي علي انا اخوك قال راشد تبا الصدق هي في حد بخاطري قاله منوه والله لروح انا اخطبلك اياها وارقص في عرسك مع اليوله اليوله الاغاني الشعبيه الاماراتيه تسمي الرزفه 0000 راشد ساكت وعبدالله يحن عليه قول منوه البنت اللي تبقيها ومن اي عايله وشو من الجبايل يله خبرني لا اتم ساكت اتراك طفت فيني شو فيك مب من عوايدك انك ما اتصارحني وراشد ساكت مب عارف المسكين شو يرد مستحي ومتلوم ما عنده الجرائه ويخاف انه مريم مخطوبه واخر شي عبدالله قال لراشد والله ثم والله اذا ما خبرتني لكون زعلان عليك ومستحيل اتكلم معاك غير هذا اليوم انتوا عارفين لو مب راشد غالي عند عبدالله ما قال له هذا الكلام والزعل 000

راشد قال اريد ازوج وسكت وعبدالله معصب فول قول خلاص عاد اتراني ارتفعلي الضغط منك شو فيك قول ليش انا مب اخوك ولا شو 000

قال اريد ازوج اختك بصراحه عندك مانع 00 ما ادري من وين يت الجرائه لي راشد00 مع انه يقوله وجسمه كله عرقان اتقول كنه حد صاب عليه ماي بارد000

ابتسم عبدالله قاله اختيه ما بتحصل واحد اخير منك وفي طيبتك وطيبة هلك ابتسم راشد ونزلت من عينه الدمعه اول مره عبدالله يشوف دموع راشد مع انه معاه من سنين وصديقه الروح بروح استحي عبدالله وتم ساكت عشان ما يحرج راشدوبعد هدواااااا فتره في السياره رد عبدالله يسال راشد انا والله ما عندي مانع واكيد اخويه بعد ما عنده مانع ولا اعمومتي بس راح ارمس مع اختيه اليوم من اوصل وبشوف شو ردها وان شاء الله برمس معاها عنك مع انه انا دوم اطريك بلخير وهلي كلهم يعرفوك وان شاء الله اتكون من نصيبك لانك غالي يا راشد واعرف انه ختيه راح اتروح عند ريال محترم وطيب وولد ناس وعرب وما بيقصر معاها بكل شي لاني اعرفك زين واعرف معدنك من الداخل 000

راشد فرحان ومب عارف يرد علي عبدالله او كيف يشكره علي هذا الكلام الطيب فبتسم وهو طاير من الفرحه وعبدالله ابتسم معاه 000

وصل عبدالله لحد بيت راشد وقاله تصبح علي خير وانا رايح ارمس بعد اشوي مع اختيه والصبح برد عليك
وهو يضحك يقول لراشد ارقد عدل عاد لا تيلس اتفكر بموضوع وهو يضحك قاله عارفه انه ما راح ترقد يعني اتنام لحد الصبح وعادي اتكون في الدوام الساعه 6 ههههههه راشد رد عليه يله باي باي وويهه احمر ومستحي مووووووت مع انه اول مره يستحي من عبدالله بهذا الشكل 0000

وراح راشد ودخل البيت وجلس ما امه كانت صاحيه المسكينه تنتضره يرجع وهو فرحان وقال لامه امايه انا راح ازوج قالت بسخريه عليه وهي تضحك الف مره اسمع هذي الرمسه خلاص مليت منها ابويه قالها والله ارمس جد يعني اتكلم جد انا رمست مع عبدالله اني ابا اخته واحين عبدالله راح يكلمها وباجر الصبح بيرد علي خبر في الدوام وبعدني ما خلصني من دموع راشد في السياره رجعت دموه امه المسكينه اكيد دموع الفرح ولله الحمد قالت له خير ما اخترت والله يا راشد اتراهم مافي احسن واخير من عبدالله وهله والله يتمم عليك علي خير ويرد عليك بموافقه يا رب ورايحه اصلي ركعتين شكر لرب العالمين انه الله اعطاني اللي في بالي وراح ادعي انه يردون عليك بلخير يا راشد 00

راشد باس امه علي راسها وراح الغرفه يفكر المسكين في باجر ويدعي رب العالمين انها اتوافق عليه والله يكتب اللي فيه الخير 000


















رايحه اكمل الجزء الرابع بعد ما اشوف الردود من البنات

كملي الله يعطيج العافية

عفيا كملي
وليش الطواله
عفيا بدون تقطع
قطعتي قلبي​

حلووووووووووووووه القصة تسلمي
بس فديتج كملي الجزء الرااااااااابع
^___~

حبيبتي رايحه اكمل الجزء الرابع ان شاء الله في اقرب فرصه

مع اني مو حابه اكمل القصه بصراحه لاني مافي ردود ولا شي غير كم وحده بس

بس والله وغلات البنات اللي ردواااا رايحه اكمل عشانهم بس


للعلم القصه حقيقيه وبعدها مستمره لحد هذا اليوم 00

يعني مو كافي احنا ردينا؟؟؟؟
يالله كملي
​

وين تكملة الرواية يا الغلا ليش متاخرة تحطون الرواية وما تكملونها

الله شحلاتها القصه بليزززززززززززز كمليها

كمليهااااااااااااااااااااااااااااااااااااااااااااااااااااااااا

القصه حلوه شوقتينا كملي

يلا كمليها انا قعد اقرى وانا مغمضه عين ومبطله عين مواصله بس عشان الروايه وانتي الله يهديج معلقتنا