انتِ تسألين والدكتورة : خيرية السالم تجيب

السلام عليكن ورحمة الله وبركاته

عندي لكم خبر وان شاء الله تستفيدون منه

قبل جم يوم كلمت دكتورتي د:خيرية السالم

اللي أراجع عندها من سنين هي ممتازه وتخصصها أمراض نساء وحمل وولادة، وقلت لها عن المنتدى وعرضت عليها فكرة وأتمنى أنها تعجبكم :

قلت لها اشرايج تشاركينا بالمنتدى بخبرتج وتفيدين الخوات اذا عندهم استفسار بخصوص الحمل والولادة وأمراض النساء. هي رحبت وايد بالموضوع وما عندها اي مانع انها ترد على اي استفسار وآنا بدوري اوصلها الموضوع واعطيكم الرد.

وخواتي أهم شي بعد استفساركم انتظروا ع الاقل 24 ساعة او اكثر لغاية ما اجمع اسألتكم واسأل الدكتورة
وبالتوفيق ان شاء الله​

بعد عمري تسلمين على الخبر الحلوووووووووو صج فكرة وايد حلوة لان وايد نحتاج للدكتورة و تسلمين على اهتمامج بالمنتدى يالغلاااااااااااااااااااااااااااااا

تسلمين ياقلبي والله يجعه ابميزان حسناتج ان شالله
بعرف الحين نسألها اذا سجلت بالمنتدى ولا نسألج؟؟؟
لان انا حاااااامل اخر دوره كانت لي تاريخ23 شهر واحد ابعرف متى اخر موعد ولاده وانا بايشهر؟؟؟
شسم الدكتوره وجم اسعارهاااا

يعطيكم العافية وما قصرتوا
تسألوني وآنا بدوري راح اسألها ... وبالنسبة لسؤالج آنا راح اسألها وارد لج الخبر ان شاء الله

دكتورتي اسمها د خيرية السالم وأسعارها مناسبة يعني فتح الملف 15 والاستشاره من غير فحص 10

آهات الليل انتي حامل 6 أسابيع و 5 أيام موعد الولادة 23/10 والله يسهل عليج

اللي تحب اعطيها الرد على الخاص تقول لي

وشكرا

جزااااج الله خير ياا قلبي ........

هلا اختي . . .

خوووش فكرة . . .

ويعطيج ويعطي الدكتورة ألف عافية يعني الاستفادة بتكون من جهتين للمنتدى وهم بعد الدكتورة بتتواصل ويا العضوات ويتعرفون عليها ويكفي انها بتخصص وقت للرد ع استفساراتهم وهالشي طيب وتؤجر عليه - بإذن الله -

طيب انا عندي سؤال بالنسبة لتحديد جنس الجنين هل يكون واضح في الشهر الرابع + اسبوع ؟

مشكوووووووووووووووره ياقلبي ماقصرتي وانا بعد بسأل نفس سؤال ام عبدالله؟؟؟؟

هلا حبيبتي والله ونستيني ممكن اتساعديني ؟


حبيبتي انا صاريلي سنه متزوجه معني صغيره ب راجعت وقالولي انه مبايضي صغار وعندي تكيس وابي علاج في عمليه اقدر اسويها عشان احمل لأني والله متشوقه اني احمل سأليلي الدكتوره ؟

وشلونها الدكتوره اذا زينه بروحلها اراجع عندها ابي رقمها وعنوانها ما عليج امر واتمنى انج ما تطولين علي حبيبتي ؟


وللعلم مرتين حذيت ابر تفجير وما نفع معاي مايدي شنو السبب


ومشكوره حبيبتي تسلمين وماقصرتي على الموضوع الحلو

موضوع حلووو وفكرة احلي والف شكر لج يالغاليه موفقين

سوري تأخرت عليكم بالرد سألت الدكتورة وقالت لي انه يبين من الشهر الرابع ومرات من الثالث بعد
وبخصوص سؤال مس زوغه
هذا عنوان الدكتورة رويال كلينك بنهاية الدائري الرابع مقابل مطافي السالمية
رقم التلفون 25611060
واخذي معاج كل التحاليل والادويه واذا في تحاليل حق زوجج وديهم معاج بعد دقي عليهم واخذي موعد ترى هي ممتازه
وامانه من تروحين لها كتبي لنا شنو صار معاج واشلونها الدكتورة والله يرزقج ان شاء الله

تسلمين على الموضوووووع وبميزان حسناتج

الله يسلمج من الشر ومشكورة

ماقصرتي حبيبتي على الفكره
انا عندي سؤال انا عندي رحمين وكلى وحده وانا الحين حامل بالشهر الرابع وقالتلي الدكتوره احتمال كبير اولد بالشهر السابع لان الي عندهم رحمين مايكملون التاسع
فهل الدكتوره مر عليها نفس حالتي والي مروا عليها اولدوا بالسابع والا في بعضهم اولدوا بالتاسع وهل الولاده تكون بعمليه والا طبيعي؟
ومشكوووووووووووووووورة حبيبتي ماقصرتي

حبيبتي ام صبا ان شاء الله راح اسألج الدكتورة وأرد لج خبر بإذن الله والله يسهل عليج

كلمة حق ما سمحتلى الفرصه اني اشكرج دكتوره بس هذا واجب علي <<<<<<<<<<مشكووووره ما قصرتي اختي امانه سلميلي على دكتورتنا خيريه واااااااااااااااايد والنعم والله فيها ااااااااااا انا دكتوري اللي اتعالج عنده برويال كلينك ابصراحه فظيع واهوه بصراحه اللي نصحني اروح اعرف شالمشكله علشان جذي سويت عندها سونار وكنت خايفه وااااااايد كنت بالشهر 8 والماي زايد على الجنين ومسويلي مشاكل وااايد وطمنتني وقالتي اشياء ماكان دكتوري الحكومه طبعا بيقولها جنه ؟؟؟؟؟ والله نصيحه واااااااااايد حبوبه وخبررررررررره بصراحه سلمي عليها وقوليلها الحين صار عمر ولدي 10 شهور وسميته علااااااااوي والله يجزيها الخير لانها نبهتني عن زيادة الماي للجنين لانه فيني سكري حمل والشكر لله العلي العظيم اولا ولج يادكتوره خيريه جان الحين ماكووو علاوي اسم الله عليه الله يحميه وسلام عليكم

مشكورة اختي تاج النور آنا مجرد حلقة وصل وراح اوصل سلامج للدكتورة والله يحفظ لج علااااوي ويخليه لج ويرزقج بالذرية الصالحه... وآنا بس حبيت افيد الخوات وأوصل أسئلتهم للدكتورة خيرية
والله يوفق الجميع يارب

اختي ام صبا الاحتمال وارد انج تولدين مبجر وهذا يعتمد على نوع العيب الخلقي الموجود حتى الرحمين يكون في اشكال مختلفة
وفي وسائل ممكن تساعد على تأخير الولاده والله يتمم عليج وتقومين بالسلامه وهذا كان رد الدكتورة

أدعي ان الله يرزقكم بالذرية الصالحه

مشكوره عسى ربي يسعدج وينولج كل مبتغاج امين يارب العالمين مشكوره على هالخدمه الانسانيه انا عندي سؤال
هل قرحة الرحم ترجع مره ثانيه ولا لاااااااا