السلام عليكم بصراحه اول مره اشارك بمنتدى وتكفون بنات ساعدوني لاني حدي متضايقه واحس نفسي بدوامه وانا بغربه وعلاج ونفسيتي تعبانه حييييييييييييييل ابي حل لمشكلتي انا بصراحه كنت احب واحد حييييييييل لدرجة الجنون وكان مكلم امه عى اساس يخطبني وكان دايم يقول امي تقول قاعد تسال عني بس فجاه تعبت امس وسافرت معاها علاج وكنت اكلمه يومي وماحسست اني بعيده عنه وبيوم من الايام جاني شعور غريب احس قلبي عورني حييل وتضايقت ودقيت عليه وحلفته قلت له انت مسوي شي من وراي كان يحلف وانا كنت واثقه فيه حيييييل وبعدين قعد يضحك وقال انه ملج وبلحظتك صابتني ردت فعل قعدت اضحك حيل وكان يقول عمي غصبني لان ابوه متوفي وحاول يقنعني وقعد يبجي وانا ابجي وحاولت اتاقلم عالصدمه بس بيوم من الايام رحت دقيت ع امه من رقم خارجي وحطيتي حرتي فيها ولاتشوفون شنو صار ثاني يوم يدز مسجات ويسب ودق هاوشني وطبعاانا نكرت وقعدت احلف جذب لاني احبه ومابيه يهدني وشسوي والله تندمت كثير اني دقيت بس بوقتها ماكنت بوعيي كنت ابجي والحين صار لي شهرين عنه وطرشلي مسج انا لقيت اللي احسن منج والمسج الثاني خساره اني عرفتج وصدقوني احبه حيل وانا بغربه وتعبانه نفسيا ساعدوني ابيه شنو الحل ابيه احبه مالي حياه بعده
شوفي حبيبتي اللي نساك انساه مايستاهل ظفرك ثقي تماما لو كان شاريكي ماحد يجبره علىغيرك استغفري ربك وشكريه لان اكيد بيجيكي الاحسن ولاتقولي مالي حياة بعده في اكتر واصعب من قصتك واتزوجو ويقولون الحمد الله رزقتني خيرا منه اتركيه وادعي وقولي ربي ازرقني خيرا منه الحياة قصيرة تحياتي تقبلي مروري
هلا حبيبتي مشكوره عالرد بس ودي اعرف اطري في باله او لا وشلون ينساني واهو متحلف فيني يقول ناطرج والله ماخليج الا ندمج عاللي سويتيها
لا حياتي ينساكي هذا مجرد تخويف غيري رقمج امحي كلشي ابدي حياة غير وان قدر وصلج لا تقصرين قولي فارقني ما اعرفك ودايما للاحتياط خل واحد من معارفك او حد يساعدك ان كبرها وانتي لا اول ولا اخر وحدة يصير معها مثل هالشي طنشيه
صباح الخير حبيبتي ليش خايفه منه شنو بيسوي يعني بيقص راسج مثلا ماياخذ الروح غير الله وهذا واحد ولايسوى وجذاب المفروض تحمدين ربج انه طلع على حقيقته وكان يلعب معاج حبيبتي انا فاهمه شعورج صعبه تنسينه لكن الي انتي فيه انج تعودتي عليه اول شي لاتكلمين غيره ولابتتعبين اكثر اهتمي باي شي ثاني وقبل هذا كله سمعي محاضرات الشيخ الثويني وشوفي شلون يتكلم عن تغير الحياة والتفكير واشياء تفيدج وتنسينه ولاتدزين له مسج طنشيه وصدقيني ماوقفت الدنيا على رجل او حب فقديته المهم رضى ربج وانتي بغربه يعني حفظي نفسج واهتمي بنفسج بس غيره طنشي
حبيبتي لو كان يحبج صدق وهو ريال في الاخر مو بنت راح يتحدي عمه وكل هله لانه مو بنت وتخاف من اهلها يعني هو كذاب وحاب بس يتسلا فيج واخر شي راح الي غيرج وما فكر بشعورج ولا فيج خلي عنج التفكير لانه اصلن ما يستاهل انج اتفكري ولا ثانيه فيه وهذا النوع حرام انه الوحده تفكر فيه او تذكر شي فيه لانه خسيس ونذل وحرام اللي يسويه ببنات الناس اهم شي انك ولله الحمد كشفتيه علي حقيقته 0000
هلا أختي . . . رب ضارة نافعة . . . سفرتج خلتج تعرفين انه ملج وانه مو مال زواج . . . وما سألتي نفسج ليش خذت امه وقت طوول واهي تسأل عنج !!! لانه يا حبيبتي ما قال لج الصج ولا كلم امه ولا امه درت عنج ولا سألت عنج . . . تدرين شنو يخلي البنت تستمر ويا شاب ؟ إنه يوعدها بالزواج ويقعد يلعب ويماطل ويمضي العمر وإذا مل منها قال لها ملجت وإلا اهلي اغصبوني وبتزوج غيرج !! حبيبتي . . . هالاشكال ما تطرين ع بالهم ابداااااااا لكن يمكن يحن ويبي يكلمج علشان يمضي وقته وبس . . . مشكلتنا يالحريم ان حبينا حبينا صج وان انصدمنا قلنا هالدنيا ماتسوى من غير اللي نحبه وانا مسكينات نتوهم امور وسوالف وقصص ماهي صحيحة ان اللي نحبه يكون عذره وياه دائما وان ظروفه أقوى منه !! دائما اقول لاخواتي اللي عندهم مثل مشكلتج معادلة بسيطة : يحبني = يتزوجني واهو ما تزوجج إذن . . . اتمنى ما تضيعين وقتج في التفكير فيه الدنيا فيها امووووووووووور كثيرة تستحق نعيشها ونحسب لها حساب
