بسم الله الرحمن الرحيم بنات ممكن تساعدوني في مشكلتي انا متزوجه صارلي ثلاث سنين جبت بنت بقيصريه لان حوضي صغير والحمدلله الله ماخسرني المهم الحين بنات انا صارلي سنتين ماحملت ولاعت جبدي وتعبت نفسيتي من الاطباء قالولي تأخر الحمل يجي من ثلاث اسباب اولا : البويضات يكون حجمها صغير ثانيا: الهرمونات ثالثا: الانابيب يمكن مسكره عندج والله يابنات تعبت رحت سويت تحاليل شامله عند الدكتور عبد الناصر العثمان وماطلع فيني شي ورحت سويت الاشعه الزيتيه للانابيب وماطلع فيني شي وكل شهر اسوي عن حجم البويضات وهم ماطلع فيني شي يقولون حجمهم زين حيل والحين صارلي ثلاث شهور اكل كلوميد تعبت نفسيا وزوجي مثلي سوا كل شي هم ماكو شي بنات افيدوني والله تعبت نفسيا واهل زوجي كل مانزلت قطو هالنغزات جني هذا شي بيدي استغفرالله اذوني ابي منكم شسوي وتنصحوني اخذ ابر وعند اي دكتور منو الدكتور اللي شاطر بهالسوالف تكون ساعدوني والله احس جبل فوق ظهري مت
الله يرزقج بالذريه الصالحه عاجلا غير اجلاااا .. مدام مافيج شي نصيحه مني لاتلعبين بنفسج اصبري وانسي مسأله الحمل انا نفسج بعد بنتي ثاني طفل بعد عمليه قيصريه اكلت حبوب منع الحمل لمدة ست شهور وبعدها ست شهور مناعه طبيعيه ولما فكرت اني احمل قعدت سنه ماحملت ورحت سويت تحاليل وتطمنت على بطانة الرحم وطلع كل شي اوكي وهم ببجري نفس السالفه قعدت سنتين وكلت امري لله لأن لا انا ولا زوجي فينا شي وصدقيني ماهمني كلام الناس اكيد يتكلمون بس انا وزوجي متفاهمين بيننا وقولي له خيره لان القيصريه مو زين الحمل على طول فيهاا ومن هالحجي .. والله يرزقج بالذريه الصااالحه عاجلا غير اجلااا ..
اختي مناره بنت خالتي اكبر مني وكانت ماتجيب ضلت حد 5 سنين بعد عرسها ما حملت وبعدها الله رزقها في بنت طبيعي والحين اهيه حامل و شهرها معاي ما اضن انج عانيتي اكثر منها واهيه كبيره بلسن والي عالجها الدكتور جمال الدين الافغاني وانصحج فيه واهوا بمستشفى المواساة الجديد
حبيبتي انا جبت ولدي البجر قيصريه واخذت عقبه سنتين ماحملت ماخليت طب وطبيب كل شي سويته اخر شي رحت للدكتور محسن طلبه وعالجت عنده والحين اناحمل بالرابع وبولد عنده ان شالله
[/ceاختي روحي مستشفى دار الشفاء عن الدكتور مصطفى توماس الدور الاول مشالله شاطر الله يرزقجادعيلي الشهر احمل انا ويجnter]
الله يرزقني انا وياج بيوم واحد ان شاء الله يارب ولاتفرح علينا عدو قول امين ومشكورين حبايبي على تفاعلكم