السلام عليكم ورحمة الله وبركاته موضوع اعجبني فنقلته لكم الأسبوع الماضي فجاءة جاتني حاله برد شديدة (بدايه أنفلونزا ) كنت لابسه بجامه ثقيله ,, رحت لبست فوقها جلابيه ,, وفوق الجلابيه جاكيت وشرابين العايله, وقبعه وفوقها شال وفوقهم بشت,, وقفازات (خلاقين )وبرضوا لازلت بردانه وأعاطس,, دخل زوجي ماعجبه شكلي ,, عطاني خيزرانه قال: عشان يكمل الطقم ياقلبي عشانك صايرة اليوم ((( راعي غنم ))) طبعا ضحكت ومازعلت هههههههههه وماتفاجأة أسلوب زوجي كذا - وأنا نفس الشي معه .. .(( صراحة مزح برزح )).. ------------------------------------------------------------------------- صديقتي تقول ماأنام مع زوجي بالغرفه لما يتعشى شاورما ... والسبب ريحة الثوم ... وأصارحة ومايزعل تعود لما ياكل يروح غرفة ثانية ,, وإذا تهاوشوا ياكل أربعه شورما عناد ... (( صراحة باتفاق ))... ------------------------------------------------------------------ ثانيه تقول : زوجي مايحب أسوي شعري مجعد (( أندومي )) ويهاوش ويعصب ويقلب البيت علي ... صرت أسويه بس عند صديقاتي وأستاذنه قبل .... (( صراحة إجبار )).. ------------------------------------------------------------------- وحدة ثانيه : زوجها ذوقه باللبس رايح فيها خصوصا بالشتاء .مرة. ثوب أحمر ,,, مرة ثوب سماوي وداخل بجامه بنيه .....الخ ... يطينها أحيانا ويلبس بلوزة كاروهات أو رياضيه على ثوب أبيض .. تنجن وتقول يفشلي مرة ... خصوصا عند أهلها أو بالسوق .. تقول : أترجاه وألعب عليه ياحبيبي والله الثوب الاسود أحلى عليك والله الثوب البيج مع الجزمة البنيه روعه وهو عرف وش تقصد ... وصار معها يسوي الي تبي..بس لما تترجى (( صراحة برجاء )).. --------------------------------------------------------- وش رايكم بالصراحة بين الزوجين ,, هل هي مهمه ,, مهما أختلفت أنواعها ؟؟؟ ولا تنجنبها ونصبر على الاشياء الي ماتعجبنا أفضل وحقنا للدماء هههههههه ؟؟؟ الموضوع للنقاش ,,, أترك المايك للي بعدي ......
يعطيج العافيه اختي شريهان وبالنسبة لموضوعج.... الصراحه راحه بس على حسب في بعض الامور الصراحه تسبب فيها احراج وزعل.... بس انا صريحه جدا وما عندي مشكله اللي اعرفهم وبيني وبينهم ميانه بس باسلوب جميل وهادي بدون خناق. وشكرا..
شفي حبيبتي الصراحه حلوه بس مو بكل الامور عشان لا تجرحين مشاعر غيرج يعني ممكن انج توصلين له المعلومه بطريقه انج ما تجرحينه ومشكوره على الموضوع الحلو يا حلو
طبعا الصراحه مطلوبه بس ماهي في كل شي في امور تستحي تصارحي زوجك فيها وفيه امور لازم تلفي ودوري لتفهميه الي تبين
صباح الخير هههههههههههههههههههههههه والله ضحكتيني على الشورما وياكل اربعه عناد اي حبيبتي الصراحه راحه واحسن شي يكون بين الزوج وزوجته صراحه يعني ماكو حواجز واذا ماعجبج في زوجج تصرف او طبع قولي له عندي صديقتي هههههههههههههههه زوجها مايفرش اسنانه؟؟؟؟قبل النوم قالت له بطريقه حلوه ولا فهم حسسته ولاحس طبعا طوفه بعض الرجال بعدين قالت انا مخنوقه ماقدر انام احس برجع شوفي لي حل قلت لها خلاص لبسي ماسك حق طبيب الاسنان ونامي بالسرير وشوفي ردت فعله هههههههههههههههههههههههههههههههههه دقت علي قالت من يوم شافني ولا ينام الا ويفرش اسنانه مواضيعج عجيبه
والله مو في كل الاوقات وعلى حسب المناسبه و ساعات تكون صراحه دفشه تزعل الطرفين والله يعطيج العافيه حبيبتي
الصراحه حلوه ولازم خصوصا بين الزوجين عشان محد يحط بقلبه بس تكون باسلوب وكل واحد وطريقة تقبله للصراحه مشكووره
يسلمووو ع الموضوع قلبي... بنظري الصراحه حلوه وهم محرجه بعض الشيئ لكن في ازواج صارحتي او جبتيها بطريقه ثانيه اذا مو مشتهي ما يلقي لج بال ابدااااا...
الصرااااااااااحه راحه بس مو كل رياااااااال يتقبل افكر الف مره اشلون اتصرف علشان ما يزعل مني او اشتري كل شي بعدين اقوله جربه انا جربته ويجرب وانا الربحانه لووووووول
