Green Coffee 800

السلام عليكم
أحب التنويه على أن القهوة اللي مسوين عليها ضجة في المسجات والجرايد هي ليست قهوة أم فيصل ، لكن قهوة ثانية تستورد من الإمارات وتنباع في السوق الصيني في دبي ( الدراغون مول )بسعر 3 دنانير وشوي ، وإهيا القهوة اللي حذرت منها وزارة الصحة
وبذمتي وربي فوقي إنها مو قهوة أم فيصل المعروفة عند أغلب زبايني ولا زبونة اشتكت منها ، وألف حمد وشكر صارلي فترة طويلة وآنا أستورد هذي القهوة من الشركة الرئيسية ، وهي منتج أمريكي صناعة الصين ( لأن أغلب مصانع أمريكا في الصين لرخص الأيدي العاملة وأساسا مزارع هذي القهوة موجودة في الصين )
وفي شي ثاني أن الشركة اللي آنا أستورد منها المنتج ما تحط ستيكر ( أوريجنال ) واللي مو ضروري علشان نبين إنها أصلية لأن اللي يستوردونه من الإمارات وفيه المادة اللي تسبب مضاعفات للقلب عليها ستيكر أوريجنال .
وقهوتي تم فحصها اليوم الأربعاء الموافق 24 فبراير في معمل صحي وفي نفس الوقت تم فحص القهوة المستوردة من الإمارات وتم إثبات أن قهوتي سليمة والأخرى من الإمارات هي التي تحتوي على المادة المضرة .
وربي فوقي والله على ما أقول شهيد
وحسبي الله ونعم الوكيل على اللي استورد القهوة الضارة واللي يحاول قطع أرزاق الناس وجعل الكل يصدق إن كل القهوة ضارة .
حسبنا الله لا إله إلا هو عليه توكلت وهو رب العرش العظيم
والله على ما أقول شهيد

يعطيج العافيه حبيبتى بس انا سامعه الاصليه عليها علم امريكا

الله يعافيج
اللي عليها علم أمريكا ماركة ثانية للقهوة واسمها best share
green coffee
واللي عندي ماركة leptine - green coffee 800

أنا شفته ينباع في الموقع الأصلي للمنتج بسعر أقل بوايد والتوصيل مجاني ... أربع علب بس ب 65 دولار يعني أقل من 20 دينار يعني تطلع العلبة الواحدة تقريبا 4 دنانير ولا أكيييد الأصلي لان من الموقع الرسمي للمنتج ... بس كتبوا اسم المنتج بالانقلش في قوقل وراح يطلع الموقع بلغات وايد اختاروا العربي وراح تقدرون تتواصلون