السلام عليكم:: قمر الامارات ياحياتي حيل شدني موضوعج وانفغلت معاج الله يصبر قلبج انشاء الله: خليج معاي شوي واسمحيلي!!!! من كلامج عن زوجج اكتشفت انه انتي مقصره بحقه والدليل انج اهملتيه وعطيتيه الوقت الكافي عشان يلعب... حتى لو كلامي راح يكون صريح وجارح بس تاكدي اني ابي اساعدج ... لازم نعترف بالخطا عشان نعرف نصلح غلطاتنا؟؟؟ بكل صراحه زوجج عندج بالبيت ويسهر على النت وانتي ساكته!!! وين حيل الحريم وشقاوتهم وين شطارتج ياقمر؟؟ اللي فات مات وانا ببدا معج من البدايه///// اولا---- ماراح تستفدين اي شيء ادا واجهتيه بل بالعكس بتخسرينه// فشتسوين... صيري ادكى منه لما يقعد على النت لبسي احلى ماعندج وكوني اجمل مايكون فرغي نفسج له لوحده بس انتبهي فالبدايه راح يتجاهلج ويرفض // قاومي وكوني شجاعه/// لاتخلينه يغلبج... داعبه.. غازليه.. تحرشي فيه... بوسيه مثلا... بالفصيح حسسيه بوجودج معاه وبقربج منه.... وتاكدي الموضوع معاه بطول ولكن اعتبريه مراهق وانتي بتجدبينه بحيلتك وسوي الاشياء اللي هو يحبها""""" ويوم بعد يوم راح يلقى عندك!!1 الكلام الحلو المعسول اللي ياخد قلبه // والوجه الجميل اللي يتغزل فيه // والشكل المغري اللي ملكه//والقعده الحلوه اللي كان فاقدها/// اللي كلامي جارح بس ابي مصلحتك والل يوفقك وين ما رحتي و يهديلك زوجج يارب
سمعي ياقلبي اول شي ريلج لو بكلم من اليوم لين باجر لو بتفكرين فيها اللي يسويه مجرد نزوة وبتعدي وبنفس الوقت على قولتج اهي مو وحدة ولا ثنتين هم واجد وانا ابيج تسويين شغلة والله والله والله انج راح تستغربين منها وراح تقولين اختي اللي بالمنتدى صاجة .. شوفي كثري الاستغفار بنية ان ربي يهدي زوجج يعني ورا كل صلاة وانتي قاعدة بروحج وانتي بالمطبخ تشتغلين .. كثري الاستغفار واذا خلصتي ادعيله بالهداية والصدة من هالوسخات ,, وهو بالاخير ياقلبي ماله الا انتي لأن مثل ما قلتلج ريلج ما يحب وحدة هو مجرد لعب وضياع وقت فثقي بنفسج..وعندي لج نصايح حلوة ولصالحج وشي بغير حياتج باذن الله بس ابيج اذا كنتي موجودة تدخلين وتكلميني .. واطلب من الله انه يصلحة ويقربة لج ولايشوف احد غيرج يارب .
الله يعينج ياغلاااا اولا شي انتي لا تعطين زوجج خبر انج عارفة سوالفه لان هشي راح يخليه يتمادي راح يقول اهي خاربه خل اخربها وثاني شي انتي مرة عندج عيال ومسمية ومصليه خليه يسوي اللي يبي مارده يعقل ويوقف السوالف الصبيانية وبعدين هذا مو معناته انج ناقصة بل العكس اسم الله عليج بس انتي لا تحسسينه انج ناقصة بالعكس وبعدين مهما راح مارده يرد وينام عندج وبعدين تحملي الله يكون بعونج ياغلااا"" ما لك الا خشمك ولو كان اعوج""" الله يفرجها عليج ويفتحها بوجهج ياقلبي
بعد عمري والله لاتحرين قلبج حبيبتي خلا يولي قلعته طنشي فيه همليه ولبسي وكشخي لما يرد يشوفج طنشي فيه خلي يحس على نفسه
الصراااحه انا محتره من زوجج ومن اللي تنصحج بالتطنيش اشلون تطنش ويقعد يكلم ويقابل ع راحته عسى ماشر بصراحه هذي سلبيه وضعف شخصيه انا اقول وقفيه عند حده وواجهيه ودامه صار له فتره اجل انشالله تدخلين اهلج بعد لانه بصراحه حركاته فيها قل احترام لج لعايلج ولبيتج انا اقول خرعيه بيني انج مو ضعيفه ولا ترضين احد يستغفلج وسوي موقف قوي عشان يعرف ان الله حق وانتي عقلج براسج تعرفين خلاصج
الله يكون بعونج ولله حاسه فيج بس شوفي نفسج يمكن فيج شي موعاجبه اقصد غيري من نوع الملابس الي اهو تحسين يلفت انضره وغيري لون وقصه شعرج وتكشخي حطي عدسات ومكياج يعني اهتمي بنفسج وطتشيه لان الرجال اذا حس بتطنيش يتغير واذا سهر حبيبتي لاتنامين الصقي عنده وديري بالج يقعد بروحه وسوي جو حاولي تلهينه عن النت ولله يكون بعونج صراحه يبط الجبد
حبيبتي زوجج مايحب غبرج لو يحب غيرج جان حب وحدة بس مو مجموعة بنات بس هو يمكن يحب يكسر الروتين لو يبي يخونج يروح يسوي برة مو بالنت وهو مسوي رقم سري عشان مايزعلج وانتي كيفج كلمي وشوفي اذا مارد عليج بنفس ردي
الله يكون بعونج ويصبر قلبج بس مووووووووووووووووكووووووووووووووووووو فايده كلهم جذي بس يحبون اللي برا واللي ما يخاف ربه لا تترجين منه خييييييييييييييييييييييييييييييير
الله يهدية انشالله ريلج فية حالة نفسية تعود لازم يطالع ويشوف وكلم بنات الخ بس كشخي واهتمي بنفسج وطنشية مردة لج
اختى لا تحرين جبدج على واحد ما يسوى حتى لو كان ابو عيالج ريحى بالج وعطيه جميع حقوقه اللى الله اوجبها عليج واحفظى بيتج وعيالج وحقج منه راح ياخذه الله بس انتى ارتاحى وانسى ووكلى امرك للخالق وصدقينى مرده راجع وهو ندمان
الله يعينج _ بس واجههيه قوليله انج تعرفين باللي يسوويه _ وخلج دايما مشغوله عنه _ لا تنشغلين فيه ولا تسويين له الاشياء اللي كنتي تسوينها له ___ يعنى حسسيه انج ابتعدتي _ اطلعي كل يوم سيري وقولي بتسيرين المول اى مكان المهم قصي عليه ,,, لو حتى تسيرين بيت اهلج وتقولين له انج سايرة مكان ثاني _ خليه قلبه يحترق نفس ما حرق قلبج ___ جي يوم تحقرينهم يردوون لج
اكثري استغفار ودعاء في الثلث الاخير من الليل وصدقات هذا ابتلاء احنا يااختي في زمن الفتن وزوجج مبين ضعيف ايمان والشيطان قاص عليه وكله لعب في لعب طايش مو جاد في علاقاته نزوات راح يعقل ويمل مع الوقت عن تجربه بس المهم خليج قويه ونصيحه لاتواجهينه الا بدليل من عندج لانه راح ينكر ويقول مو انا هذا رفيجي لازم يكون عندج دليل قاطع عشان تواجهينه فيه اما على شوفج ماينفع وراح تنقلب السالفه كلها عليج ويتهمج بالتجسس وراح يكون حذر منج اكثر راقبيه بدون مايحس وانصحيه وذكريه بالله دوم
