سلام عليكم شلونج ومشكورة على الموضوع وماقصرتي انا صارلي متزوجه سنتين واول من زواجي قعدت شهر وحملت ولدت طبيعي الحمدالله بس جا الشهر التاسع وتوفى ولدي ماكتبة الله لي الحمدالله المهم بلانفاس قعدت عشرين يوم شفت ميت جدام عيوني وخفت وقالولي الحريم ماراح تحملين الا بعد سبع سنوات وانا صارلي سنو واربع شهور ماحملت هل كلامهم صج وبعدين رحت سويت فحوصات سليمة الغدة بس طلع عندي هرمون الحليب مرتف كلت حبوب ثلاث شهور والحمدالله صار زين وسويت سونار داخلي طلع فيني ضعف مبايض وكليت اربع كراتين كلوميد وخذيت ثلاث ابر قبل ابرة التفجير ورحت سويت سونار داخلي طلع هذا مبيايضي ماارتفع شربت مرمية وكليت عسل ماكو فايده شنو اسوي وربي تعبت بس ترى دورتي منتظمة والحمدالله مافيني لا تكيس ولا شي بس ضعف المبايض ساعديني ومشكور حبيبتي طولت عليج
الله يرضى عليج ريحينى انا نفاس لى 32 يوم بس ينزل على افراز لزج لونه اصفر والله انى ميته من الخوف احس انى مو مظبووووووووووووطه اكيد انج فاهمتنى
حبيبتي ياريت تفصلين أكثر ، يعني هل أولا إنتي قاعد تاخذين أدوية نفاس ولا لأ؟ وإذا عارفتهم أو انتي مسويتهم يا ريت تذكرينهم عشان أقولج كافي ولا لأ .وبعدين الإفراز كميته وايد ولا شوي؟ وهل معاه حكة أو ريحة أعزج الله.
الله يسلمج اول شى الافراز وسط واهو ماى مع لزوجه وماله ريحه و لونه وسط وانا اخذ ادويه عاديه مثل الحلبه و السويده و اشرب قشر قهوه مع دوا القهوه المعروف مثل مره و محلب و عنزروت و كنت اشرب طبيخه س قالتلى امى اذا اكلج وسط يعنى ما تشبعين عدل لا تشربينها ونسيت اقولج كنت اشرب حليب بحلبه وشمر و ما اكلت الرشاد الا عقب العشرين و الحين اكله مع التمره بس انا خايفه ما انشف لان تكرمين الماى الى ينزل يبلل الاندر ويل ويطله منى ساعاتت هوا من الرحم امانه لا تخلينى الفزعه
حبيبتي أولا لازم الوحده تتنفس نفاس كامل مو تلعب يعني مرة تاخذ طبيخة ومرة حلبة وإذا في وقت تلهم وإذا لاعت جبدها مولازم أنا ما أقولج في حريم ما يسوون شي وعايشين وماعليهم إلا العافية بس هذيلي قليلات وتكون أصلا مناعتهم قوية وأرحامهم ماشاء الله تقدر ترجع عافيتها تلقائيا لكن الغالبية العظمى إن ما تنفسوا عدل يتشكون بالنهاية مثل ما انتي الحين . حبيبتي اللي قاعد تشتكين منه علامات خراب واضحة وإن كانت مو قوية وتقدرين اتسوين قوقلينج عن هالموضوع وياحياتي أقل شي يبيلج تحاميل طبية وشعبية ( بس مو السود لأ ) وغسول سواء شعبي أو طبي هذا كلة علاج موضعي غير عن طريق الفم يبيلج لهوم مظبوط وعصيدة بدواها وإذا تبين الأوكي شاي الأعشاب وطبعا كبو اللي هو بخور النفاس إذا نظفتي وأنا أنصحج بما أنج ما تنفستي بأربعينج فعليج بأخت الأربعين ودورتين على الأقل وراها.
الله يرضى عليج و ان شاء الله تعدل امورى وبطبق الى قلتيه مع العلم انا استخدم الحين تحاميل البوثيل و غسول بيتا دين
السلام عليكم اختي العشابه انا دورتي اول ثلاث الايام الاولي ماتنزل بس بالمسح يبين اشوي وبعدها تنزل طبيعيه ابي اعرف ليش ؟ تقريبا من سنه ماكانت جذي وللعلم دورتي منتظمه وصار لي 3 اسنين ماحملت ادعيلي عسا ربي يرزقني وبنات المسلمين والله يرزقج الجنه يارب
حبيبتي شنو قصدج مسح؟ اعتقد انتي اللي قاعد تشوفينه اول شي هذا مثل الافراز البني الثقيل وعقب تنزل الدورة ؟ ولا ينزل دم واضح لأنه في فرق،الأولى طبيعي وتصير حق البنات والمتزوجات أما الثانية لأ.
مسح اقصد امسح بالكلنكس يبين معاي وما البس الفوطه الصحيه اول 3 ايام و اي اختي افراز بني غامج ومرات مسحة دم بس شويه وعلما فيني انسداد
حبيبتي طيب دورتج جم يوم بمعنى: الأيام ال3 محسوبين من الدورة ولا لا،وطبعا مالج شغل من كنتي بنت لا،من ورا الزواج. منو قالج معاج سدد ، سويتي أشعة صبغية ولا من الأعراض؟ وياريت تقوليلي اذا مسوية تحاليل وشلون المبايض وبطانة الرحم سماكتها اشلونها؟
حبوبه بارك الله فيج ونفع فيج يارب ... انا نزلت حملي من جي شهر وحبيت استفسر عن حالة حملي والله اول مره اشوف نفسها ومستغربه ونفس الوقت خايفه وقلقانه من التجارب للحمل الاخرى ودي اطمنيني عنها اكيد سامعه بالكيس بدون نبض او جنين مادري هو تكون او مات العلم عند الله انا بالحمل رحت سويت كل التحاليل كل شي سليم والحمد لله ولا اشكي من اي شي يعوق عملية الحمل ولله الحمد لكن مو عارفه السبب اللي سوى نفس جي واستمر الحمل 10 اسابيع ثم سقط عن طريق الدكتور هو اللي سقطه وسوى تناظيف وانا بكريه وحملي جا بعد 5 شهور من الزواج وصراحه مريت بنفسيه متعبه ومشاكل صراحه كبيره وسوى الدكتور تحليل عن سبب السقوط من تحليل الكيس وظهر مافي اسباب تمنعه الا انه كيس مافيه نبض ولفظه الرحم سبحان الله وانا مادري كيف اتجنب مثل هذه المشكله مره ثانيه وهل هناك خطر بتكرار الحمل من دون نبض مره اخرى ارجوك عجلي بالاجابه استناج والف شكر لج الله يجزاك خير
الايام الاولي انا مااحسبها من الدوره لان ماينزل شي سويت اشعة الصبغه بس كنت حيل خايفه واذيتهم معاي يعني يطيح مرتين ويردونه الهوز داخل يعني مادري صح اللي سوه او لا وقالو سدد بانبوب اليمين ومااقدر اسويها مره ثانيه لاني تالمت وايد وانا فيني خوف موطبيعي وسماكة الرحم زينه والتبويض عندي ضعيف
اختي جزاج الله الف خير عندي استفسار اني سليمه ما اعاني من شي ولله الحمد وانجبت ولد وبنت بس الحين من ست سنين موقفه وقررت احمل ونفسي انجب توئم باذن الله بسالك عن خلطه قالو الي عنها خلطة عسل سدر طبيعي مخلوط بحبوب القاح وغداء ملكات النحل وجنسنج ويش رايش فيه لو اخدت منه يحصل حمل بتوئم ولا وكل شي بايد رب العالمين ادعو الي بنتظارج اختي
مرحبا حبيبتي اتمنى انج تفيديني حيييييل محتاجه للنصيحه واحد يرد علي المهم انا بشهري التاسع واخرته فحصت وقالي اني مفتوحه اصبع واحد بس وصارلي اسبوع مو راضي يفتح اكثر مع العلم اني امشي واشرب دارسين وبعد تراني والده من قبل عمليه وشرط الدكتور انه يجيني طلق طبيعي حتى اولد طبيعي وكل اللي قدرت عليه سويته لكن ما فتح الا اصبع واحد والحين قدامي يويمين بس ما ادري شسوي
اختي رايه عن تجربه ملعقة عسل وزيت زيتون اشربيهم واشربي وراه سفن او شاي عشان الطعم وبأذن الله يحمي الطلق عندج انا سويتها يومين وجاني طلق طبيعي و ادعيلي
