والله اكتب الموضوع وانا ابجيييييي

الله يفرج همج ويكثر شعرج

بس اهم شى ويمكن انتى ما فكرتى فية وهو

انج تسوين تحليل للدم ممكن فيج فقر دم

والله انا شعرى يطيح مع انى اعتنى فية ففكرت ممكن فينى نقص حديد فسويت تحليل وطلع فينى فقر دم والحين وصف لى الطبيب حبوب وان شاء الله يتعدل

وسوى تحليل ضرورى وراح يتحسن شعرج

الله يكون بعونج أعرف وحده نفس مشكلتج صارت شبه صلعه بس خل اتأكد منها اشلون تعالجت وراح اعطيج خبر على طول

حبيبتي انا شعري خفيف رحت حق الدكتوره مني الفارس وكتبت لي تحاليل حق الغدد و وعندها ابر الفيتامينات للشعر وايد زينه نبتت شعري صج تعور اشوي بس والله لقيت نتيجه الدكتوره اهيه الي تحددلج كم جلسه والله يشافيج ان شاء الله

السلام عليكم ....
الله يكون بعونج يالزينه والله أنا حاسة معاناتج
أنا سويت رجيم وبنفس الوقت صبغت شعري أشقر وأحترق شعري وتنتف
وحتى صلعتي من جدام تبين وتعبت نفسيتي
بس والله استعملت أنبولات أكرينال واستمريت عليها
نبتت شعري وطولته
وأنا بصراحة أنصحج تستعملينهم وبنفس الوقت هم سوي تحليل يمكن نقص حديد واستمري بعدها مع العلاج وانشالله أكون فدتج يالغالية​

الله يفرج لك همك يارب

صح حتى انا سمعت عن هذا كامينو موتو من وحده تقول يهببببل ,, وبالتوفيق

هلا حبيبتي ,,

والله عـــورتي قلبـــــي :sad_smile:

شوفـــي يا عيــــوني ,, الوصفه هذي استخدميها مرتين بالاسبوع :خذي م حلبه مطحونــــهـ و م حرمل مطحـــون و م قرنفــل (مسمــار) مطحــون ,و 2م آس و 2م حنـــآ و شوية ماي دافي ,, اخلطي المكونـــات و حطيهم على النار لين يصير الخليط دافي و تلاحظين انــه مو سائل وايد ولا قاسي يعني يجي مثل العجينه مال الكيك ,, يعني لما تحطينه على شعرج ماينزل ,, زين و حطيه على شعرج اقل شي 4 ساعـــآت او احسن شي تنامين فيه لي الصبح و غسليه بالشامبو و يستحسن تشوفين شامبو طبي روحي الصيديه اهم يعطونج الشامبو المناسب لنوع الشعر و فروة الراس,,, و بعدين خذي 3 م سدر مطحــون و حطي عليه كلاص ماي حاار و خليه يبرد شوي و دهني فيه شعرج كل يوم قبل النوم و الصبح غسليه بماي دافي مو شرط بالشامبو ,

و لا تنسين الاستغــفآر بنيــة الشفـــاء,حبيبتي ترا والله الاستغفار يصنع المعجزآت باذن الله ,, و اهم شي الصبر لان هذا ابتلاء من ربج ,, حاولي تقنعيــن نفسج بالرضــآ واخضعي لمشيئة الله و ادعــي ريج و اكيد انه كريم راح يفرج هــمج ,

الله يشفيــــج و يعـــآفيـــج حبيبتي ​

ربي يوفق كل من ردت على وانصحتني بلي تعرفه ومشكوريييييييين يا الغواااااااالي وعسى الضيق والهم ما يدل طريجكم ويسهل دربكم وين ما رحتوووووو

السلام عليكم
انا بعد نفس حالتج وماخليت شي ماحطيته خليت نفسي حقل تجارب بس والله وحده تكلمت عن منتجات ارمال عندهم فيتامينات للشعر شريت منهم ثلاث انواع وان شاءالله ابجربهم هم مو غالين حيل وراح اكلهم وماعلم احد لان كل ماجربت شي اقول عنه بس خلاص راح اجرب و مااعلم .

الله يفج همج ياااااااااااااااااااااااااااااااااااااارب واللله انج عورتي قلب حياتي انتي وانشالله البنات يفيدونج
وانا اذا حصلت شي او وصفه بحطها لج

حبيبتي الله يفرج همج والله يوفقج ,.. ويرزقج مرادج ان شاءالله

حبيبتي الله يهون عليج والله انا معاج وقلبي معاج

مشاكل الشعر خاصة عند البنات واكثر اسبابها ضعف الهرمونات في الجسم ومشاكل النفسية ومرات كثيرة بسبب الرجيم ونقص الفيتامينات

وبعد تجربتج مو بعيدة عني انا كنت حبيبتي اعاني نفس المشكلة بس انا كنت اقطع شعري بنفسي من حالة نفسية بعد ما توفى زوجي وضعفت البصيلات في منطقة الراس وسافرت مع خالي الصين وزرت دكتور كتبلي زيت اسمه خيالي كنت استخدمه حسب الوصفة يوم وترك ولمدة ساعتين وطبعا لازم تواصلين لمجة شهر او شهرين وانشالله صدقيني نبت شعري بسرعة والحمدالله اكيد الله راح يكون معاج
رقم المورد هذا الزيت : 67749988

والله يشافيج انشالله وطمنينا عليج

حبيبه قلبي والله

هم روحي لاخصائيين لللشعر

ماسألتي عن زراعه الشعر؟

وان شاءالله تلاقين الحلو فديتج

الله يفرج عنج يارب والله عورتي قلبي
ماعرف شي الخوات يفيدونج انشاء الله
وهم شي نفسيتج لا تتعب لان لها دور كبير والله يوفقج يارب

​

حبيبتي والله عورتي قلبي
انا وحده من حمواتي كانت نفسج وراجعت عيادات أسعد الحمد ( تابع للصباح) خاص بالجلديه وعطوها كورس علاج وفيتامينات ومشالله نبت شعرها شوي
أتمنى أكون أفدتج

مرحبا أختي الزينه اصايل 1 .........أنا انصحج اولا واخيرا بالإستغفار لأنه هو نفسه علاج لكل شي .

وما اعرف خلطات للشعر بس يالغاليه بدعيلج إن الله يشفيج.

حبوبه استخدمي زيت الخروع وحطي سدر بس استمري مو تملين يعني اقل شي 3 شهور

في وحده معروفة بخلطتها لشعر
اسمها أمل ورقمها 97131816

وابي منج دعوه حلوه

الله يوفقج انشالله

مثل ماقالو الاخوات عليكي بالسدر ونشالله تلاقين نتيجة