السلااام عليكم ورحمه الله وبركاااااته سبحان الله الحمدلله الله اكبر شلونكم كروووشات ؟؟ :teeth_smile: يا رب بصحه وعافيه بتكلم عن نفسي بالاول ))) :angel_smile: هذا اول حمل لي وتوني بالثاني نفس ما يبين بالتوقيع ... وخبركم ضايعه بالطوووشه مو عارفه وين الله قاطني ههههههه :75_75: ... سويت هذا التجمع عشان نفيد ونستفيد ونتابع تطورات حمل بعض ... ونبارك لبعض ونتشارك بالمواضيع اللي تخص حملنا .... امس رحت عياده الدكتوره يسرا عبدالسلام وسويت سونار اول مره وسمعت نبض البيبي وااااااااااي :emoticon_U: بغيت ابجي مو مصدقه في بيبي داخلي الله يحفظه ويتمم حملي وحملكم ادري طولتهاااا يلاااااانبدي نتعرف علي بعض :wink_smile:
نسيت اقولكم اني للحين ما فتحت ملف عند اي مكان ومادري وين ابدي اراجع عند اي دكتور اشراااايكم انتو؟؟؟؟؟؟
مبروك الحمل والله يتمم عليج وديري بالج لا تلبسين كعب ولا تصعدين وتنزلين وعن الحركات السريعه هذا اول شيئ وبعدين في دكتورات وايد شطار مثل ماجد كميخ في رويال حياة وهدى الزكري بس غاليه شوي وبعد في دكتوره مصريه ممتازه اسمها ناهد في الفروانيه عند عيادة دكتوره كويتيه بس ما اعرف اسمها وبعد يمدحون دكتوره امل عبد العزيز والسهالات من الله بس كوني حذره من الالتهابات اذا حسيتي فيج التهاب بالبول او بالارحام قولى حق الدكتوره تسويلج تحليل لان الالتهابات تفتح الرحم والله يتمم عليج وتولدين بالسلامه
الله يبارك فيج ام داود ومشكوووووره يا الغاليه علي النصايح الحلوه وان شاء الله بحط بالي على نفسي والله يسهل علي وعلى كل حامل وبعد فتره بشوف وين اراجع وماقصرتي فدتيني وايد باسامي الدكاتره بقولج ان شاء الله وين قررت ووييين باجي الحوامل ؟؟؟ احنا بانتظاركم ... بنتعرف عليكم ونتشارك وييييينكم نبي حضور
ليش مافي مشاركات؟؟؟ معقوله مافي حوامل بالاشهر الاولي؟؟؟ نبي مشاركات يلاااااااا قولولي شلون عرفتو بحملكم ومنو بشرتو اول شي؟؟
هلا قلبي الله يتمم علينا انا اخر موعد ولاده لي تاريخ30(10والله يستر لان يالي مغص قوي لمدة 3ايام وخايفه عقبها لاماحس بنسات ولاتعب ولابطيخ ولاحتى بطني مشدوده مايندرى رحت الفروانيه قالو دام مانزل عليج دم ولا ماي نطري لي الشهر الثالث وسوي سونار والله كريم توني داشه الثالث بنطر اسبوع وبسوي سونار عشان ارتاح وطبعا هذا 3حمال لي عندي بنوتين فديتهم والله يرزقني بالولد الصالح ان شالله ويرزق كل محرومه ان شالله
هلا حبوبات أنا موعد ولادتى 8\11 وطونى عارفه إمبارح إنى حامل بس لأنى كان عندى إضطرابات بالدوره وفكرت تأخيرها حاله نفسيه ودا تالت بيبى إن شاء الله ربى يرزقنى وإياكم بالولد الصالح والذريه الصالحه إن شاء الله.
لله يسهل عليكم يارب وتولدون بالسلامه وتشوفون البيبي يارب بصحه وعافيه مو مهم شنو يكون بنيه او ولد المهم بصحه وعافيه حياتي ولله ذكرتوني لمن كنت حامل انا ولدت تاريخ 3-11-2009 بس احلى يوم عندي لاني يبت هشووم في هاليوم ولحد يخوفكم على الولاده ترى الولاده سهله وحلوه بس انتي وشطارتج اذا تساعدين الدكتوره او انج تدلعين . المهم حبيباتي ادري طولت عليكم بس بغيت اقولكم اني كنت اراجع بالصباح عند دكتور اسمه عاصم البياع وولادتي صارت عند دكتوره مريم بيبي في مستشفى السلام وبس حياتي سلامتكم .واي استفسار انا جاهزه .
نسيت اقولكم اني مفتره دكاترة الكويت كلها لاني كنت مجهضه 7 مرات فما بقى دكتور بالديره مامريت تحت ايده .
اشلونكم بنات بغيت اسألج ديزرت روز انتي يعني باي اسبوع الحين والسونار اللي سويتيه داخلي والا خارجي علشان بين معاج النبض
الله يسهل عليج حبيبتي تصدقين اني من جم يوم بعد ما احس بنسات ولا شي ومرات انسى اني حامل وباجر ادش الثالث بس طمنوني ان هالشي عادي دام مافي دم غامج مراجعتي قربت وبقولج شنو يصير معاي
الف الف مبروووووك الحمل حبيبتي والله يسهل عليج ويحفظه لج انا سمعت ان اذا الدوره اتلخبطت عليج معناتها حمل قريب والله يسهل علينا اجمعين ... تسعدني مشاركتج
واااااااي نفسي انا بعد ودي اعرف شنو البيبي مالي لاحقين بنعرف ان شاء الله بس سمعت عن طريقه في برنامج كلام نواعم اني اعلق خاتم ذهب بخيط واخليه جدامي اذا تحرك عرض معناتها بنت واذا بالطول يعني ولد ..... انا طلع معاي بالطول يعني ولد وطبعا ما اصدق الا لما اتاكد .... جربيها وقوليلنا
انا باجر ادش الثالث حبيبتي والنبض بين معاي من الاسبوع السابع لان حملي صار مبجر وبالسونار الخارجي وترا قبلها خرعوووني ان مافي شي باين بالسونار بس نطرت وعدت السونار والحمدلله بين حتى النبض انا سمعت ان السونار الداخلي مو زين ... حاولي تبعدين عنه احسن ولما تسمعين نبض البيبي مالج فرحييييينا ...... موفقه ياقلبي
اي اهات الليل انا سمعته بالسونار الخارجي .... امي قالت لي لاتسوين داخلي لان مو زين وما انصحج فيه والله اعلم
اهات طمنينا عليج لما تروحين المراجعه .... لاني نفس حالتج وقف معاي النسات ومادري شنو السبب الله يحفظ اجنتنا ويتمم علينا بس قريت ان في وايد حوامل لما يقربون من الثالث توقف النسات عندهم او تخف .. قوليلي شنو يصير معااااج تخيلو انا مرات انسى اني حامل والله ... وحتى بطني كان متيبس والحين عادي انام عليه بدون الم ولا اتضايق ياااااربي خايفه بس الله يكتب اللي فيه الخير وينكم بنات ؟؟؟ بنعرف اخر اخبار حملكم (( استودعك الله الذي لا تضيع ودائعه يا جنيني))
يارب احفظ مافي ارحامنا... بحفظك ورعايتك .. اللهم انا استودعنك مافي أرحمنا يامن لا تضيع وداائعه... فحفظهم لنا ياااارب ...
