شلونكم يا حوامل ابي منكم مساعده ضروري ....انا ولدت ولادتين طبيعي والثالث قيصريه بعد معاناه 12 ساعه وطلق صناعي في الاخير قل نبض الجنين فاضطر الدكتور الى عمليه عاجله والحين حامل ودكتورتي تقول اسهل لك قيصريه لان ولاداتي كلها متعسره ,,,, نجي للمهم : انا عندي المنطقه من تحت وسيعه وابي اضيق المنطقه اكثر من دكتورقال شد خلفي للمنطقه مع تضويق .... بس دكتورة مهجه البدر تقول مو لازم شد خلفي بس تحتاجين تجميلي مع العلم ان كلامها قبل ابنتي الثالثه .... ماادري احس وسيعه مع صوت ....وابي اطلع من النفاس يكون المنطقه صغيره وناشفه :wink_smile:...هل فيه احد منكم سمع او جرب اسوي قيصريه وبعدها شد للمنطقه في النفاس؟؟ منو احسن دكتور؟؟؟ لان فيه وحده اعرفها سوت الطريقه ...ابي اقتنع اكثر .... ادري قرقت على روسكم بس ابي رايكم وتجاربكم ((ولكل من رد علي دعوة بظهر الغيب))
ليش ماتسوينهااا يمدحون مستشفى السلام انا والده هناك وردوني احسن من كنت ينت وريلي مستانس بس اذا ولدتي الله لايقول قيصريه لازم تريحين نفسج 3شهور عقب سويها بس انصحج تولدين طبيعي حتى لو تعسرت الولاده كله عوار وباجره ان شالله
اشكر مرورج .... والله ودي اولد طبيعي بس انا من ولادتي الاولى فيني فوبيا الطلق حتى بولادتي الاخيره جاني بالشهر الاخير اخر اسبوع منه نوبات هلع قعدت يومين كل ماغفت عيني قمت اصيح لدرجه اني رحت لمستشفى النفسي بالصباح واخذت حبوب ان شاء الله ييسر الله امري من غير ما احاتي انا افكر اروح للمستشفى قبل لايجيني طلق مع انه يجيني عوار خفيف ويستمر لساعات يضطرون يركبون طلق صناعي في الاخير بعد 12 ساعه يالله يفتح معاي .. والله في ولاداتي الثلاث نفس الشي بس في الاخير بعد المعاناه صعد الجنين ونقص معاه النبض فاضطرو للعمليه ... والله خايفه من الولاده الطبيعيه ...وهم ابي اسوي تضييق .... عاد توني ادري لازم بعد 3 شهور يعني دخول مستشفى وتنويم وهذا اللي اخاف منه مااحب التنويم حتى لو مرافقه مع عيالي بالمستشفى اذا تعديت 3 ايام يحوشني شي الله لايوريكم حزن وكآبه وخوف وغمته على صدري الظاهر اهي حاله نفسيه من ولادتي الاولى .... انا قلبتها مناحه وقعدت اشكي همومي ....
بنات شاركوني معاناتي... والله ودي افضفض حسسوني انكم متعاطفات معاي وانكم اخوات لي الله يرزق اللي ترد ولو بكلمه .. والله محتاره ونفسيتي تعبانه ....سمعتو عن احد نفسي ...كل ولاداتي متعسره والدكاترة يقولون بطانه الرحم متينه .... وانا بعد ما احب لحظة الولاده والطلق يرعبني ....ما ادري ليش من اول شي ما طلبت عمليه دام انا اتعذب جذي ؟؟ هل غباء فيني ؟؟ انا مشكلتي ما تجيني الحلول الا اذا سمعت احد مجربها ... فهمتو قصدي ...يعني ولامره فكرت اتخلص من الخوف والالم واطلب عمليه ...كل ولاداتي بالغصب يطلع الجاهل فاطلع من النفس وسيعه ورطبه ...اكيد بتقولون ليش مو مهتمه بالاكل ؟؟ والله لا اكل ولا ادويه ولا بخور مالي نفس اسوي اي شي من التعب نفسيا وجسديا واحس نفسي ضايعه مو انا ولا هذولا عيالي ولا احس باي مشاعر تجاه الطفل واذا جا الليل تقولون ميت لي ميت احس ودي اصيح ماااااااقدر انام احاول اقرا ادعيه او اسمع قرآن بس ما اقدر يالله ياكريم يامن خلقت الخلق من العدم يامن انجيت ابراهيم من حر النار ويامن عافيت ايوب من بلاءه العظيم اسألك ان تشافيني من بلاءي يارب شيء لا يطاق والله عيالي ما احمل ورا كل واحد الا بعد فترة طويله خوفا من الولاده واكون طول فترة الحمل احاتي لحظة الولاده ؟؟؟الا حملي هذا قريب من اللي قبله ...تدرون ليش ؟؟ لاني فكرت انه راح يكون قيصريه ماراح امر في معاناة الطلق ... بس المشكله الكبرى هي دخولي المستشفى ليييييش يجيني رعب من التنويم ؟؟؟؟ ليش يحوشني شي والله ما اقدر اوصف ,,اكتآب ؟؟ الاكتآب اهون ؟؟ خوف ؟هلع ؟ رعب ؟ عين ؟ مس؟ حزن احس اني مسكينه..ماادري شنو اقول ....ماأدري شنو خنقه فضيعه .... والله تجيني ثالث يوم من الولاده .... ادري سويت معلقه عن مشكلتي بس والله التفكير ذابحني... ردو علي واسوني .. عطوني حل .. تعرفون احد نفس حالتي ؟؟؟ تعرفون دكتور نفسي يعالج من هالحالات ...لا تقولون اكتآب ما بعد الولاده... والله شي ماينوصف ولا اقدر اتحمله ..حتى مره سويت عمليه زايده ثالث يوم جاتني الحاله وبس ابي اطلع مع ان الدكتور قال على مسؤوليتك لان الجرح التهب.. الله يعين ..ادعولي
حبيبة قلبي أختي نفسج بس اهي من الشهر الثامن ترووح مستشفى الطب النفسي وتقولهم عن حالتها ويعطونها حبوب ضد الإكتئاب تاكلها من الثامن لغاية بعد النفس وأحيانا اذا مرة بضغوط نفسيه وبيني وبينج العلاج هذا يخليها خوووش وحده ونفسيتها زينه وانت لا تهملين برروووحج طيران على المستشفى اذا مو مستشفى عياده خاصه بس نصيحتي من غير مايدري زووجج علشان لا يعيرج فيها
حبيبتي انا اعرف وحده مسوين تجميل تضييق للي تحت بعد الولاده الطبيعيه عند احمد الشاذلي وهو استشاري كان بالسلام والحين مادري راح مستشفى او عياده برى بس ماعرف مكانه
حبيبتي بريق ألماس عادي هذا الشي يصير عند بعض الوالدات لا تروحين طبيب نفسي ولا شي أقري أذكار الصباح والمساء وسورة البقره أذا ما قدرتي تقرين شغليها ودفي نفسج وحاولي قد ما تقدرين تمسكبن نفسج جدام عيالج ولا يشفون عصبيتج ويمكن أنج ما تحافضين على نفسج من الهواء لأن أذا دخل جسم الي توها والده مايلعب إلا بالراس والله يشافيج
الله يقومج بالسلامه عيل اولدي قيصريه افضل انا اقصد تريحين بعد الولاده 3شهور عشان العمليه يكون جرحها برى ولماتسوين تظيق ماتنامين هناك مجرد انهم يسونها وتطلعين بعدها بجم ساعه بس مو تنامين هناك وعاد 40يوم ويبرى الجرح مال التظييج ودكتور احمد الشاذلي اهو ولدني بالسلام بس حاليا طلع من المستشفى يمدحون دكتور عبدالسلام وايد زين
بعد عمري كلنا خواتج واي استفسار انا حاضر ياعمري الظاهر عليج عين اونفس روح لاي شيخ دين معروف خل يقرا عليج ياقلبي واقري سورة البقره وحافظي على صلاتج وترى لازم فترة الاربعين تتنفسين عدل تشربين ادويه وتحافظين على نفسج ولا خلاص راح تخربين من تحت والله لايقول ريلج ماراح يرتاح بالفراش معاج لازم تتشجعين وحطي عيالج وزوجج بين عيونج انهم محتاجيلج حيييييييييييييل ويحبونج ولازم تتغلبين على مشاكلج النفسيه وعسى ربي يحميج من كل شر ومن كل عين وحسد وسحر انتي وزوجج وعيالج ويارب تقومين بالسلامه واذا انتي ماتقدرين تولدين طبيعي اولدي قيصريه افضلج وعقبها بجم شهر سوي تظييق المهبل بس حافظي على نفسج من تحت بفترة النفاس ادويه واكل مفيدعشان نفسج وصحتج واي شي تبين من عيوني اي سؤال او اي استفسار
الله يعطيج العافيه طمنتيني فيه احد نفسي ..... ماتدرين شنو شخصوا مرضها ..انا دايم اخذ علاج من الطوارئ ..منو احسن دكتور يهتم ويعطي وجه؟؟؟؟ مشكوررررررررة حبيبتي على الرد ومشاركتج معاي ...الظاهر راح اروح للمستشفى واخذ علاج من الحين
هلا حبيبتي اشكر مرورج ...... كل اللي قلتيه اخطط اسويه قبل كل ولاده ... واحفظ التعليمات واكتبها ... بس والله يمكن ماتصدقيني او تقولين مو صاحيه ... بس بعد الولاده مااحس ان هذي اهي انا احس بوهن فضيع ...جسدي ونفسي ... احس اني اشيل كل حزن الكون ...وكل اللي احفظ نفسي انساه او ما اقدر اطبقه ........احس بضعععععععفففف غريييب ....احس اني مسكينه ......يا الله ارحم ضعفي وقلة حيلتي وانتشلني من همومي وضعفي
اشكر تفاعلج معاي اختي العزيزة اهات الليل ايه والله انا يمكن احتاج قراءة عند شيخ بس ماادري ليش كل ما انوي استمر على القراءه عند شيخ اقرا يوم او يومين وبعدين مااستمر.... حتى الحين ودي اقرا البقرة مع اني مو مشغوله اخذت اجازه من الدوام ... ويومياتي رتيبه ماكو التزامات بس ما ادري ليييش ما اقراها سبحان الله تصير علي ثقيله ...وادري لازم اكون اقوى علشان زوجي وعيالي بس ما ادري .... لا تظنين اني ما حاولت لا والله .. في ولدي الاخير قبل لا اولد عطيت نفسي تعليمات وافكار ,, وعلى قولتهم رسائل ايجابيه بس كلها ( ذهبت ادراج الرياح ) والله مثل ما قلت لك 3 يوم ولدت رجعت الحاله.. انا لو اقولج شلون احس فيها الحاله اول ماتجيني ... اقعد قبلها بيوم حديث نفس يكون بيني وبين نفسي ... اقول بتجيني الحاله بتجيني ... واقعد اواسي نفسي واقول لالالا ماراح تجي واحس الاحساس بالحاله يدخل على قلبي شوي شوي ....... يمكن مليتي من كثر الهذلرة لكن جد مو عارفه افتك منها .... الله يعين الله يكون بعونج ياقلبي صدقيني دامج ماتكملين مع القراي ومتحسين مالج خلق تقرين قران يمكن مسويلج شي ولا عين او نفس وحسد طيعيني روحي قبل الولاده وادري راح تضغطين على نفسج حييييييييييل بس بالنتيجه راح ترتاحين باذن الله انا مره رحت لقراي بالخفجي يمدحونه ماقدرت اكمل معاه يودوني غصب ومن عقبها ارتاحت نفسيتي حيييل ومع الماي المقري والعسل المقري تحسنت من العين
الله يعينج انااا عن نفسي تجيني ضيقه بحمالي وبجي ماله دااعي والحاله حاااله رحت لشيخ قرااا علي وقالي سورة المعارج قبل النوم يومياااا مع الكرسي والمعوذااات سبحان الله اول يوم انا انا ماتغيرت ولا الثاني ولا ثالث وبعدهاا تحسنت شوي شوي لين رجعت لطبيعتي ولله الحمدالله انصحج فيهم قبل النوم والله يعينج ياارب تصدقي وقت الصدقه الدعاء مقبول باذن الله ادعي واستغفري والله معااج يارب
الله يعينج حبيبتي والله هذا من الشيطان لأنج وايد توسوسين ...ذكري ربج واقري قران والله يطمن قلبج(الا بذكر الله تطمئن القلوب) حبيبتي ان شالله تولدين طبيعي ..الحين يسوون التجميلي مع الولادة بس اذا قيصرية والله ما ادري متى يسوونها وموفقة ........................
آآآآآآآآآميييييين ... الله يسمع منج ..الله يهون علي .... اما من ناحيه الوسوسه والله ما اوسوس ... بالعكس كاني اذا انا بصحه اقدر اقاوم الافكار والحزن والهم وابعد تفكيري واتحرك .... لكن مجرد ما امرض او اتنوم لاي سبب او للولاده تكون مشاعر الهم اقوى في الولاده .... وكل ما انام بالمستشفى لاي سبب اطلع على مسؤوليتي ... انحاش من الحكرة ... لان الافكار والهم يستغل ضعفي ... او العكس يكون الاحاسيس هذي موجوده من الاصل بس مافيني القدره على محاربتها..... الله يجزاكم خير ادعولي
