قووه حبيباتي شلونكم.. انا مشكلتي مع زوجي ... زوجي يحب يقعد بالبيت وما يحب الطلعه والحمدالله بس عمري ما طلعت معاه الا 5مرات من تزوجنا والحين انا تزوجت شهر 10 الي طاف انا حامل بالشهر الرابع ونفسيتي تععبت كل ما اقوله طلعني خل نتمشى تكفه زهقت عمك اصمخ ولا جنه اكلمه اذا اهو زهقان يطلع ويونس عمره وانا لا كلمته قلت شوف لي حل ترى مليت يقولي انشالله الحين انا مشغول وراح يسافر الاسبوع الجاي وانا ساكته بس اليوم دقت على امي وقالت لي انا مابي اخرب بيتج كلمي قوليله طلعني وجذي واذا ما كو فايذه تعالي عندنا ما صارت وانتي جذي لا طلعه ولاشي نفسيتج راح تتعب خرعيه قوليله اذا تبي تظل جذي بروح عند اهلي بس ما ادري .. تكفوون قولولي شسوي والله تعبت كاره عمري ونفسيتي تعبت حييييييييييييل.. الله يسعدكم يارب انطر ردودكم...
يا قلبي انتي الحين بفترة الحمل النفسيه تضرب حيل و لا رحتي عند اهلج بتتعبين نفسيا اكثر و اكثر .. اخذي ريلج بالهداوه و صارحيه و حطيه بالامر الواقع وليله آنا مره لي احتياجتي حالي من حالك ابي اطلع اشم هوى مثل الناس ابي احس انك زوجي ابي اتونس معاك ,, ما فاد فيه مو مشكله طلعي مع اهلج و خواتج .. بس روحتج عند اهلج مراح تفيدج بشي راح تزيد الامور تعقيد و يمكن توصل لامور ما تبينها انا مجربه مع الوقت بيصير وجودج من عدمه واحد خليج جدام ريلج و قوليله انا محتاجه اطلع عشاني و عشان إللي فبطني ..
افيدج حبيبتي من الامور المهمه اللي لازم اتعرفها الزوجة فى بداية الزواج ان الرجل مو متعود يمشي زوجته ابدااا وبعضهم يتحرج لانه مو مآخذ على هالوضع وهذي بس في بدايات الزواج وصدقيني بالكلمة الطيبة والحلوه وبعدين قولي له بس نبي نقعد على البحر في يوم عادي وفي اي مكان انت تختاره وحتي لو بالليل او بداية الليل قولي ليــش ؟؟؟ لانهم في البداية تصيبهم كأبــه واحراج امام الناس وهذي نوعية من الرجال وايد فيمكن ريلج منهم فخذيــه بالهداوه والمسايس الخفيف وحبه حبه لين يكسر هالحاجز ويصير عادي مثل كل الازواج صدقيني ,,,, لاتعكرين على نفسج ولاتحاولين اتدخلين احد في حياتج حتي لو امج لان الموضوع هذا بسيط جداااا مو قوي جدا علشان تروحين اتقولين لأمج ,,,, ونصيحه قولي لامج لاتفتح هالموضوع قدامه صدقيني لو يدري !! وانج انتي قلتي لها !! يالهوتيييييي هالنوعيـــه ممكن يطلق بسرعه فخليـــج معاه بالهداوه هي فقط مرحلة نفسية واتعدي صدقيني وانا شفت من هالنوعيات وايد في اللي حولي من قريباتي وبنات عمي والحمدلله انحلت وصاروا جدااا ممتازيـــن ,, وربي يوفقج ياعمري
يا حبي هونيها وتهون وان شاءالله مساله وقت وتمر انتي بس يمكن تطلعين مع اهلج بس موو وااااجد فهمتي ولا يحس فيج عشان مثل ماقلت الاخت اللي قبلي وجودج مثل عدمه عرفتي والله يسرها بس تعذري قولي معزومه عند اهلي بالمطعم وجي كلام بعد لا تمشكلين نفسج يقول تطلع مع اهلها بدون علمي
