السلام عليكم ورحمة الله وبركاته شحالكم حبايبي ؟؟ عساكم بخير انا طالبة بالجامعة سنة اولى وعمري 19 سنه مشكلتي اني احب معلمتي من 4 سنين اللي درستني ف الصف الثالث اعدادي ( معلمتي مب كبيره عمرهاا في بدايه الثلاثين ) احبها لانها راقية بتعاملها احسها اهيه الوحيده اللي تفهمني حتى لو ماتكلمت ( ع فكره انا انسانه مب اجتماعيه ) ارتاااحلهااا وااااااايد طبعااا صرت اتواصل وياهااا عن طريق المسجات واحيانا اتصل فيهاا وجذه ف البدايه كانت دوم اطرشلي مسجات لكن الحينه صااارت اطرش مره في الشهر صااارت وااايد اطنش يعني اذا طرشتلهااا عشر مسجات ارتد علي بمسج واحد وانا وااايد متعلقه فيهاا احبهااا واااااااااااااااايد يوم اطنشني اضاااااااايج وااايد واعصب حتى اني اهمل دروسي واذا وصلي مسج منهاا افرح لدرجه مب معقوله صارت اهيه من تتحكم بمشاعري حاوت انساهاا بس ماقدرت احبهااااااااا واااااااااااايد واااااااااايد وماقدر انساهااا
هلا أختي . . . علاقتج في معلمتج لازم تكون في حدود المعقول يعني اعتبريها صديقة لج تاخذين منها النصح إن كانت إنسانة عاقلة وذات خلق ودين . . . أما غير جذي فسمحيلي انتي قاعدة تتطفلين عليها كثير . . . واذكر كثير من طالباتي سووا معاي هالشي بالاول كنت اجاملهم وبعدها ضغطوني باتصالاتج غير الترزز عند باب غرفتي في الدوام !! فيا أختي . . . المعلمة لها بيتها وحياتها وخصوصيتها ومو معقولة ما عندها شغل الا انتي ترسل لج مسجات كرد على مسجاتج ال 10 يوميا !! انتي ضغطتي معلمتج لين ملت من هالطريقة وحست انها تتعامل ويامراهقة تبي وحدة من سنها تجاريها . . . اكتب لج هالحجي لاني فعلا مريت بنفس الظروف لدرجة اني غيرت رقمي وحتى تلفون البيت قلت لأهلي ما ابي ارد على اي مكالمة لي لان بعضهم اذاني على تلفون البيت . . . أنتي الان جامعية حاولي تجتهدين وتكوين صداقات مع بنات على خلق ودين واجتهاد . . . معلمتج خلاص فترة وانتهت اذكريها بالخير وبرسالة بين وقت وثاني . . . وماتدرين يمكن تمر الايام وتصيرين زميلة لمعلمتج وذيج الساعة بتقولين انا شلون كنت اسوي جذي ويا معلمتي !!
الغااالية انا ويااااااج المعلمة وكل انسانه لهااا خصوصياتهاا وانااا مادخلت ف خصوصياااتهااا ابد والمعلمة لهاا احتراامهااا واعاااملهاا شرات اختي العوده و معلمتي وحتى يوم اكلمهااا مااا اتكلم الا عن الدراسة او عن اشيه عاااامه حتى عمري ماااقتلهاا اني احبهااا بس اناااا واااااااااااايد احبهااااااا وللاسف محد بيفهمني ويعرف كم انا اعزهااا تعبت من التفكير اعااااهد نفسي ع نسيانهااا وصرت للعهد نسيااااااان ( كم بعااااتب نفسي ) والله تعبت
مسالورد حبيبتي انا فاهمتج عدل ادري متعلقة فيها حيل بس حبيبتي حاولي تخلين هالشي في حدود المعقول مثل ماقالت ام عبدالله ادري صعب بس حاولي اندمجي مع البنات وصدقيني بتلاقين اللي احسن منها والله يوفقج يالغلا
