انا وحده متزوجه من9 سنوات عندي 3اولاد و3بنات في البدايه كان زوجي وايد اوكي بس من سنتين وايد اتغير علي حتي انه ما يتكلم معا بصراحه مثل اي زوجين واذا كلمته كله يرد علي بعصبيه وما يطيج اي كلمه مني او انه يقول راسه يعوره واذا طلع من البيت مايسأل ولا يرد علي مكالماتي بسهوله وما يباني اسأله وين رايح او من وين جاي واذا طلع ما يرجع الا بعد الوحده في الليل بس لاحظت انه لو كلم اي حد غيري يكون عادي ويتكلم ويضحك من خاطره حاولت اني اكون غير لكن كله يصدني انا ما عارفه ليش اذا دخل البيت كله يزاعج ويعصب علي وعلي اعياله حتي انه اعياله ما يحبوه ويكرهوه انا شو اسوي ارجوكم عطوني الحل ما اعرف شو اسوي وطبعا انا عندي علم انه عنده علاقات بالهاتف وشفت كارقام بنات وواجهته لكن كله يطلعني اني كذابه ومريضه نفسينا ويشك فيني وايد
يا قلبي لا جا تالي الليل امسكي السجاده و ادعي اللي ما تنام عينه و لا تيإسين كل الرياييل يمرون بفتره تأزم و تصير حبال التفاهم مع زوجاتهم شبه مقطوعه .. بينج و بين نفسج شوفي شنو اخطائج .. ادري يمكن ما يكون فيه خطأ منج بس بعض الرياييل يبون حريمهم دايما في أوج نشاطهم و من يخفت هالنشاط و الاهتمام يفقد اهتمامه فيها و هذا واحد من الاسباب .. الحل .. امسكيه و صارحيه بإللي بخاطرج و لا تقومين من المكان إلا و انتي حاطه النقط على الحروف .. قوليله آنا أبي زوجي يرجع لي أبي منك تفهمني تحبني تحترمني تسمعني مثل ما كنت أنا زوجتك و قوليله قولي شتبي مني و أنا مستعده اغير من حالي عشانك لانك تسوى الدنيا عندي .. يا قلبي لا تيأسين و حاولي
صاجة اختي :مويتية كلاس" وأتمنى تاخذين بنصيحتها ويمكن انتي فيج عيوب حاولي تخفينها بينيلة انج مهتمة مثلا سمينة ضعفي نفسج وتكشخي عشان يرجع يشوفج حلوة وحاولي تكونين رقيقة لأن الريايل يحبون جذي واخذي بنصيحتنا اختي العزيزة وعسى الله يهدي كل الريايل الى الصراط المستقيم وشكرا
حاولت والله حاولت لكن احس انه ما يحبنين حتي اكل ما ياكل ويا اعياله اونه اكلي فيه ريحه خايسه ولا يقعد وياهم واذا قعد في البيت كله معصب بسبب او بدون سبب احس انه انه غير عن كل الريايل حتي اذا طلعت وياه كله ساكت وما يتكلم ما اعرف ليش عطوني الحل ارجوكم وهو مع الناس عادي يتكلم ويضحك واذا علي قولتش اجلس معاه واتكلم عشان اسأله عن المشكله ما يسمع لي كله يرد علي راسي يعورني ابي انام او يخلي نفسه ما يسمعني والله مليت شو الحل
طيب انتي حاولتي تكلمينه وتتقربين منه بس هو معطيج طاف وانتي حاسة انه السالفة وراها بنات/شوفي حبي أولآ غيري ستايلج شعرج قصيه واصبغيه غيري نظام غرفة نومج "اقصد مكان السرير والديباج" وحطي بالبيت دوم سورة البقرة...وانتي عطيه طاف لاتسئلينه شفيك أبد بس حاولي تجذبين انتباه بحركاتج وعطرك ولبسك"ولاتنسين لاقعد بالبيت اقعدي يمه واقري سورة الكوثر3مرات/واقريها بعد لاركبتي السيارة.....وعسى الله يهدي زوجك ويسخره لج ولعياله ويجمعكم على البر والتقوى
هلا أختي . . . الأخوات ما قصروا واكد على كلامهم عطيه طاف + اهتمي بنفسج ووفري له جو هادئ يعني ابعدي عيالج عنه لما يكون بالبيت او قاعد عند التلفزيون . . . وربي يهديه ويصلحه
كلميه انتي زوجته وام عياله مايصير يعاملج جذي بعدين الشغله طولة يعني مو يوم ولااسبوع ولاشهر يعني لازم تعرفين شنو الي شاغله واذا انتي مقصره بشي وانتي ماتدرين لازم يقولج يعني لازم تقعدين معاه وتصارحون بعض والله يهدي ويوفقج ..........................
حبيبتي الله يسخر لتس زوجتس كلنا عادي نفس الحاله الله يسخرهم لنا يارب بس انصحتس تقرين مقالات ناعمه الهاشمي عجييييبه والرجال لايصير كل اهتماتتس طنشيه لايصير محور حياتتس تراهم ماينعطون وجهه اقرى مقالات ناعمه الهاشمي وبتلقين الحل باذن الله
اتمنى تاخذين بنصيحتي ونصيحة الخوات قبل هالمرة واجهتيه ولاأكو فايدة يتحجج بعوار الراس والاشغال/بس هالمرة طنشيه بس اجذبي انتباهه...واعتقد ارسلتلك عالخاص كيفية التعامل مع زوجك
كلام البنات صح ويمكن اللي مضايقة إنج جايبة عيالج ورى بعض ماشاء اللة تبارك الرحمن عطي نفسج راحة واهتمي انج تعطين زوجج راحة بالبيت لان اللي مضايقة اكيد العيال وزعاجهم وانا زوجي مايحب الازعاج وخاصة الجهال ولما اعرف حزة متى يجي انوم اعيالي واوفر له جو هادي وانا متزوجة من8 سنين وعندي 3 اولاد اللة يخليهم لي مزعجين وعطيت نفسي راحة الحين اصغرهم عمره 3 سنين واللة يهديهم كلهم انشاللة
