مساء الخير يا كويتيات ببدي بالمشكلة على طول طبعا العنوان مبين من عنوانة انا مليت من زوجي كلة يقعد على الفيس بوك ووايد متغير على من كم شهر لقيت للابتوبة مبطل على الفيس بوك ولقيت كل بنات وصورهم ويكلمهم ويواعدهم بصراحة انا انصدمت منة وصار معاي صدمة قلبية وتشنج لان هو يحبني ويموت فيني وانا اموت فية بس مدري شالسالفة انا كلمتة بالموضوع قعد يحلف وحالتة حالةان البنات بس كتابة يعني ما يكلمهم بالتلفون واليوم هم شفتالفيس بوك مرة ثانية وهم بنات معاة انتم برايكم شنو الحل معاةانا تعبت وزهقت منة بالعلو انة توة من كم اسبوع ياي من مصر رايح موديني شهر عسل يديد ارجو كم ابي حل معاة يا الخبيرات وشكرا
صباح الخير ام دانه حبيبتي واذا بس كتابه يقولوج نفس التلفون شنو الفرق وصدقيني كلميه مره ثانيه بس بهدوء وناقشيه بالموضوع قولي له شنو تستفيد لما تكلموهم حتى لوتبي تتسلى هالشي بدايته شراره واخرته نار بيناوبحياتنا الزوجيه وذكريه انه الشيطان اعوذ بالله منه مامات ومهما كان منتبه هذا الفيس بووووك بلاوي والله وقولي اذا تبي تخرب حياتنا وحبنا استمر بهالشي وصدقني قبل لاتتعود عليه اتركه وادخل اي شي ثاني بالنت ياكثر المواقع المفيده قولي ترضى الله ياخذ روحك وانت على ذنب او ياخذ روحك على طاعه الله يطول بعمره بس ذكريه ونصيحه مني لج انا مثل اختج ولاتزعلين كلش لاتتساهلين بهالموضوع بس نفس الطريقه الي قلت لج لانه الرجال مايحب الاوامر والصراخ لا الهدوء والتفاهم يجيب نتيجهولاتنسين طمنين رساله بالخاص شنو سويتي
كلام اختي اصيله عين العقل هالموضوع مايتهااون فيه وهم مايبيله صرااخ هذي بحد ذاته خياانه واهو اكيد يحبج لاتخلين حبج يقل بقله ويدشه احد غيرج اهو تبدي بالكتابه بوعدها شي يجر شي قبل تكبر الساالفه حاولي تلملمينها والله يهديه لج ويعطيج الصبر والقووه وتواجهين هالموضووع بهدوووء .
اممم حبيبتي .. انا احترم كلام أصيله وعسوله .. بس لي وجهة نظر ثانيه غير عنهم.. قبل ما اقول لج رايي .. باقول لج الموضوع يخصج انتي وانتي اكثر وحده تعرفين زوجج شنو يفيد معاه.. يعني ميخالف .. لا تسمعين من اي وحده منا وتطبقين الا اذا كان الاسلوب اللي قاعدين ننصحج فيه اهو الاسلوب المناسب لشخصية زوجج واللي ممكن يفيد معاه.. لان احنا عموما اذا صار عندنا مشكله ممكن الحل يكون جدامنا بس من كثر حرتنا ولويتنا وتوترنا ما نشوفه .. حبيبتي .. من رايي انج بالبدايه تتقربين منه على ان الموضوع خلاص اقتنعتي انه مجرد تسليه.. بعد شوي تطرحين عليه بشكل يقول له انج حابه الموقع .. انا بعد ابيك تسويلي بروفايل.. واكون صديقتك جدام الناس بعد وضروري تلزمين على هالشي.. دام انه يا زوجي يا حبيبي ما فيه شي انا بعد ابي .. وابي اضيف (بس بنات) وفعلا تفتحين بروفايل.. وتخلين كل رفيجاتج طبعا بنات.. وتعلمي عليه يالغاليه.. ترى الزوج مثل الياهل.. لازم تسايرينه وتتعلمين اللي يحبه.. نفس عيالنا لازم نتعلم العابهم ونلعب معاهم عشان نحافظ عليهم من اضرار اللعبه نفسها اذا فيها اضرار.. وضيفيه كصديق وهني تبدين اللعبه صح.. دشي على بروفايله وتميلحي عنده.. وكتبي له غزل على ال wall (يعني كل البنات راح يشوفونه) وكتبي له الله يخليك لي يا بوعيالي ومن هالكلام.. هني صدقيني راح تحسين بقمة السعاده أولا بكونج هزمتيهم وحافظتي على ريلج وزوجج اذا يحبج صدقيني راح يستانس.. وغير هذا البنات اللي معاه راح يعملون لج ألف ألف حساب.. وما يمنع طبعا انج تتعرفين عليهم بالنهايه باقول لج وللكل وبكل فخر صراحه انا ما استحي من هالشي .. هذا كان اسلوبي انا مع زوجي وللحين انا معاه الاثنين عندنا بروفايلات وصديقاته صديقاتي .. ولليوم اقول للبنات .. دام انكم خوات زوجي وصديقاته .. انتوا بعد صديقاتي انا.. واللي تعز زوجي وتكون مثل اخته هذي اكيد صديقه مو عدوه وابشرج انا وياه كل واحد فينا عنده ال pass word للثاني .. يعني انا واهو الحين كتاب مفتــــــــــــوح للثاني ان شاء الله اكون أفدتج وطمنيني شيصير معاج وهم اذا بغيتي أعلمج على أي شي فيه لا تترددين.. وتذكري ان الريال اذا منعتيه عن شي .. ممكن جدا يسويه من وراج!! واذا سوا شي واحد من وراج راح يكون سهل يسوي أشيــــــــــــاء .. ويصير الوضع عادي بالتوفيق وناطره ردج
تعلمي منة الطريقة الدخول والخروج اي كيفيت الاستعمال وبعد ثلاث ايام اخلي علية مثل البنات الثانيات علة يفيق الى زشدة واللة معك
هلا أختي . . . الله يهديه يارب اغلب هالشباب المتزوجين اول ما يعرفون النت مايعرفون الا الشات والفيس بوك !! ان شاء الله فترة وتعدي . . حاولي تصحين فيه الوازع الديني صلاة واستغفار . . . لان اللي يخاف من ربه بيخاف يقترب من اي شي فيه شبهة حرام . . . ولا تواجهينه ترى المواجهة المستمرة والعنيفة تخليهم يتجرأ ع الجذب والانكار والتحايل مستقبلا . . . ونصيحة لاتتركين الاستغفار ابدااااااااااااااا وربي يصلحه ويهديه يارب
ماتشوفين شر حبيبتي و خلج انتي الكبيره وغضي النظر مرده لج و حاولي اتفاهمين معاه بهدوء والله يعينج ان شاء الله
وممكن تعملي بروفايل بالفايس بوك من وراه .. وضيفيه وقت تكوني ببيت اهلك افتحي البروفايل وشوفي كيف بيحكي معك .. متل مابيحكي معك بكون بيحكي مع غيرك .. هيك بتعرفي طبيعه علاقاته مع البنات بالفايس بوك .. وبعدا واجهيه
نصيحة مختلفة يمكن تفيدك لما تشوفين زوجك جالس علي الفيس بوك ألبسي لبس أغراء وتحركشي في زوجك وأقتربي منه وركزي على مناطق أثارة الرجل ربي يسرأمورك
قطيعه فيس بوك !!!!!!!!!! ما فيه الا الهول والجياكر وكلهم صورهم جذب وسحوت البنات قوليله لا تنزل مستواك بهالاشكال وافتك منهم ما وراهم الا البلاوي 3 ارباعهم جنوس وقوليله ليش تحبني وتسوي جذي
