السلام عليكم حبايبي هذي اول مشاركة لي في هذا المنتدى وحابه انكم تساعدوني لاني حيل مقهورة من رفيجة عمري وصديقتي اللي مستحيل اسوي شي من غير لااخذ رايها واهي بعد كانت نفس الشي بس اللي خلان انقهر منها اني سمعت بموعد عرسها من الناس وانا اول وحده دريت بخطبتها وملجتها ويوم قلتلها السالفه تعذرت وقالت ان موقصدها وانها نستني بالغلط وان رفيجاتنا واجد وان وان وان وان وان........ ياكثر اعذارها والله شي يقهر تتوقعون ليش ماقالتلي ؟؟؟ يعني صج انها نستني ولا تتغلى علي وان شاء الله بعد فتره ملجتي شرايكم اقولها ولا اسوي فيها مثل ماسوت فيني يعني وحده بوحده ... تكفون عطوني رايكم (الصراحه مالقيت احسن من هذا القسم اشارك فيه)
هلا أختي . . . يعتمد ع حسب علاقتج فيها هل هي علاقة قوية وإلا وسط وإلا تحاجون بعض بالشهر مرتين يعني انتي ادرى الناس إن كنتِ قريبة منها أولا . . . وبالنسبة للزواج باجر بتزوج وبتنشغل في حياتها وانتي بعد بتملجين وبتزوجين وبتلهين بحياتج ومبروك مقدما وعامل الناس بما تحب أن يعاملوك
مبررررررررررررروووك مقدما بالتوفيق لج ولها يارب بس ليش تكونين مثلها ليش ماتكونين احسن منها على الاقل فكري بالايام الحلوه بينكم هذا رايي ولج كل الموده
بصراحه أنا أقول لا تظلمينها وبما إنج تقولين إنها رفيجتج وأقرب وحده لج أكيد بتكون غاليه عندج وراح تسامحينها لانج ماتدرين شنو ضروفها وبعدين أنتي طيبه وهي تستاهل لاتخلين هالموضوع يخرب علاقتكم ورايي إنج تعلمينها كوني أحسن منها وخليها تحس بغلطها مع إني متأكده إنها مو قصدها هالشي... ســــــــامـــــحــــيـــهـــا والله ما تعيدها بس هي ماتغيرت وإنشغلت بظروفها مو نفس قبل لما كنتم بالمدرسه بس أكيد غلاج بقلبها ماتغير * لك حق تزعل ثم لك حق نرضيك ما اقوى زعل حبيب قلبي وعيني. ما دام قلبي يا اريش العين مغليك اطلب ولك روحي وما في يديــني*…
شكلج مجربه هالحركة مع رفيجتج علشان جذي تدافعين عن رفيجتي وبعدين رفيجتي غلطانه المفروض تعلمني انا اول وحده
لان كل البنات واقفين معاج ضدها وأنا حبيت أدافع عنها لانكم ماتعرفون ضروفها لاتنسين إنها رفيجتج وأنتي أكثر وحده تعرفينها مو أنا اللي بقولج عنها وبدافع عنها لان المفروض انتي اللي تدافعين عنها وتسامحينها وجل من لايخطئ كلنا بشر ممكن نغلط بس هم أنتي قلبج كبير ساااااامحيهااااا...
انا اقول سوي اللي يريحيج ونصيحه قوليلها اذا تحدد وقت ملجتج بس وقت العرس كله قولي مادري لين تدري من الناس يعني وحده بوحده
المساااامح كريم اختي سامحيها تعرفي البنت تزوجت ويمكن انشغلت التامس لاخيك الف عذر وبعدين انتي عزميها عسب تكوني احسن منها
تسلمون حبايب قلبي شكلي بسامحها لانها رفيجتي الغاليه اللي ما استغني عنها وانشاء الله تحس و ماتنساني مره ثانيه
حبيبتي صدقيها ولاتظليمنها لانه انتي بروحج قلتي انج اول وحده دريتي بخطبتها وملجتها وهذي برايي اهم من العرس لانه الخطبة عادة البنات يغبون عنها اما الزواج خلاص مو ضروري الناس تعرف قبل والا بعد لانه الملجه والخطبه اهم وتدرين ترتيبات الزواج تخلي الوحده تمشي بدون تفكير وانتي ان شاءالله بتلحقينها وبتجربين اللي جربته عذريها والدنيا ماتسوى والحياة سعادة
