انا بنت متزوجة واحب زوجي حيل بس مشكلتي ان زوجة اخوي قالت لي ان زوجي بعلاقة مع بنت وان زوجها هو الذي قال لها بان في الوقت الذي يكون زوجي بالبيت هي تتصل باخوة وتسال عنة علما ان اخوة تزوج على زوجتة بدون علمها وعرسة بعد اشهر وهي دائما تقول لي انها تتصل على زوجها وامامها وتسال عن زوجي واعطتني رقم البنت وانا قلت لزوجي وهو يقول انة لا يخونني وقد مسك المصحف وحلف علما بانة لايطلع الا معي ولا يطلع الا لبيت اهلة ولا احتاج شي فهو الذي يوفرلي كل شي ويغار على غيرة عمياء اذ لا يتركني اخرج بدونة ولا اكلم احد ولكن انا اعرف ان لدية حبيبة قديمة وتزوجت من خمس سنين وزوجي يقول ان هذي البنت هي زوجة اخوة الجديدة فياليت تنصحوني هل اتصل على البنت وما اقول اخاف ان اخرب بيتة مع زوجتة الجديدة والذي معقدني ان زوجتة القديمة تحبني مثل اختي لدرجة انها تذهب الى السوق وتشتري لي ولاطفالي فماذا افعل ساعدوني
دامه زوجج زين وياج لا تفتحين على نفسج باب ما يتصكر و دامه حلف على المصحف خليه بذمته و الايام راح تبين لج الحقائق لا تخربين على نفسج و ثقي فيه
انا مافهمت بعد بس الايام بتبين خليه والشك اهوا الوسواااس اللي يذبح البني أدم دام ريلج اوكي لاتشكين لان خراب البيوت اللي يطقون عليج ويقولون لج جذي وجذي وجذي انتي تبخصين ريلج خلي ثقتج فيه والايام تبين
الموضووع مخلبط شوي .. زوجة اخوج والا زوجه اخووه اللي قالت لج .. ونصيحتي لج لاتسمعين لأي احد الا لما تشوفين بعينج اذا زوجج مو مقصر ويااج وانتي ماشفتي منه شي الخيانه واضحه مثل عين الشمس لابد بيوم من الايااام تظهر لج احتمال من الاحتمالات ان اللي قالت لج هي زوجها يخونهاا ولما واجهته قالها زوجج انتي قصده يطلع نفسه من المشكله ... لاتخربين حيااتج ومدامه حلف لج بالمصحف والقسم شي كبييييييير وانتي ماشفتي عليه شي لاتضيعين زوجج وحاولي انج تحتوينه وتفهمين منه الموضووع وحاولي انج تصادقينه ..
[بسم الله اللي عينه ما تنام وتحفظج يارب انتي وزوجج منكل شر .. أولا الكلام المكتوب مو واضح... بس اللي مبين انج تشكين وبنفس الوقت تقولين اهوا في الغالب معاج فإنتي صدقي اللي تشوفينه لا تصدقين اللي تسمعينه ... الله يلعنه الشيطان لا تعطينه مجال يخرب بيتج دام ولد الحلال زين معاج وما شفتي عليه شي فهذا كافي ... وأرجع وأقول الله يحفظكم من كل شر ويبعد عنكم الحساد والشر ...[/color][/size]
انا يمكن ماعرفت اوضح قصدي زوجة اخوة اهي اللي قالتلي انة في وحدة تدق على زوجها تسال عن زوجي لانها ماتقدر تدق على زوجي وهو بالبيت وابي اوضح ان زوجها متزوج عليها وهي ماتدري بس ابيكم تفيدوني هل ادق على البنت ولا اطنش اخاف تطلع زوجة الرجال لان هو عرسة بعد جم شهر واخاف اسكت يضيع زوجي من ايدي مع انة ولد الحلال مو مقصر معاي كلش من دلال واهتمام وانا احبة حيل لان ماعندي غيرة بالدنيا وهو الانسان الوحيد اللي يفهمني ويراعيني احترت واللة
[عزيزتي أمسيج بالخير ... ليش تعورين راسج نصيحتي عيشي حياتج براحه ولا تدخلين بمتاهات انتي في غنى عنها وربي يوفقج .... ويوفق كل الناس ...[/]
الهيئه اخو زوجك بيعرف بنت ووقت اتصلت عليه بوجود مرتو تورط وحكالها هالبنت مو معرفتي معرفة اخي اوثقي بزوجك ولاتتصلي بحدا ...
اول شي مدامج ما شفتي شي من ريلج خلاج تشكيين ليش تصدقين كلام فلانه وعلانه وتخلينها تزرع الشك ببالج غللط المفروض تشوفين بعيينج او تتاكدين بدليل والريال حلف بالقران معقوله ماتصدقينه ... وشكله اخووه توهق لانه على قولتج متزوج ومرته ماتدري فرقع وحط السالفه على ريلج عشان يطلع نفسه واهيا الظاهر على نياتها تبي تنبهج وانتي ما صدقتي .. حبيبتي شيلي الشك من بالج وريحي عمرج دام الريال دايم معاج وحلف لج خلاص تعوذي من ابليس وصفي النيه واذا في شي الايام بتبين بس لاتنبشين وايد .. الله يوفقج انشالله
الله يحفضج من كل شر وحاسد لاتخلين الشك يلعب فيج وبالنهايه يطلع الحق مع زوجج وتطلعين خسرانه تعوذي من الشيطان
والله الرجاجيل مو ثقه وينخاف منهم وممثلين درجه اولى بس اذا حماج متزوج عليها وبالسر توقعين ماعنده هالسوالف ؟بس خلي عينج مبطله وخليج مع ربج والي مع الله مايضيع صدقيني عن تجربه اذا عنده شي والله ماتطولين وتكتشفينه والله يهدي سركم
ياربي ليش الانسان يدور قلة الراحه؟؟؟؟؟ خلاص يا بنت الحلال تقولين زوجج وايد زين وحلف على المصحف بعد اشتبين؟ بس عيشي حياتج وريحي الريال ولاتفتحين على روحج باب
أختي الشك قاتل وإذا تركتيه يتغلغل بحياتكم بيقتلها باي ان حماج يبي يحل مشكلته وقطها على اخوه اللي اهوه زوجج سؤال ما سألتيه (( ليش ادق على اخوه واهوه متزوج إذا كانت فعلا تبي زوجج ؟؟)) الجواب الأكيد لأنها تعرف حماج مو زوجج ولاحظي ان حماج متزوج يعني تقدر ادق على حماج واهوه قاعد عند زوجته بس ماتقدر ادق على زوجج اي مبرر اتخذه حماج هذا والله المسكينة زوجة حماج قص عليها ................
شكلها مرت حماج تحاول تستغلج يمكن شاكه بزوجها وتبى انتى تتصلين بدالها لأن بصراحه تقول وحده تتصل بزوجها تسأل عن اخوه ما تدش المخ ؟ يمكن انها طاحت على زوجها يكلمها وقص عليها بسالفة اخوه لان الخيانه ما تحتاج واسطه شكو تدق على اخوه
