المرق الشبزي والعيش الاخضر

السلام عليكم بنات ابي اعرف طريقة عمل المرق الشبزي والعيش الاخضر
مشهورين فيه بايران
اللي تعرف طريقته بالضبط تقوووولي
الله يعطيكم العافية :biggrin:

حبيبتي التوليبه انا بعطيج طريقة الشبزي مختصرة ان شاء الله
المقادير:
خضرة شبزي - لوبيا او فاصوليا بيضاء حسب الرغبة - بصل -ثوم -فلفل اخضر بارد وحار لومي اسود
لحم غنم قطع متوسطة - بهارات مرق|+كركم - صباره (تمر هندي) طماطه ثلاث - معجون طماط

الطريقة/



1- تروحين للشبرة وتقولين له اي خضرة شبزي بس على شرط لا يحط لج كرفس لانه يخلي امرورة للمرق
2- اخذي الخضرة واغسليها وبعدين حطيها بالمشخال ليما تنشف قصصي الخضرة ناعم
3- قصي البصل جسب الرغبة واحمسيه حتى يشقر ثم حطي اللحم والبهارات وقصري على الشوله لين يجف ماء اللحم تقريبا ثم حطي الطماط الطازج وكلاسين ماي وقلبيه ديري بالج كل الشغل على نار هادية حتى ينضج اللحم تقريبا نص استواء يبيله صبر واتكونين واقفه عالشوله لما يذوب الطماط
بعدين حطي الخضره والله يعينج على التقليب بعدين حطي عليها تقريبا ثلاث كلاسات ماء واللوبياء تكونين طابختها من قبل اهي او الفاصولياء البيضاء حسب الرغبة بعد فترة راح تثقل المرقة صكريها
4- اخذي الثوم واحمسيه لين تطلع ريحته بعدين حطي ربع كيس التمر الهندي وواحد معجون طماط واشوية كمون احمسيهم شوي وبعدين افتحي الجدر وحطي الحمسة عليه راح تطلع الريحة تجنن ولبمرقة تهبل حامضة شهويتيني الله يسامحج وبالعافية


ملاحظه /////////////الشبزي ما يبي بهارات واجد

مشكورة اختي (( كلونيا ريفدور))
والله الصراحة مو بس انتي اللي اشتهيتي
انا من طريقتج احس اني بقوم اطبخه الحين واقضي عليه
تسلم الايادي

وعليكم السلام ورحمة الله وبركاته

انا بعطيج طريقة العيش الاخضر

انا اسويه بأكثر من طريقه

بس افضل الطريقه هده وانشاء الله تعجبج

مقدار كاسين من رز بسمتى طويل الحبه تغسلينه وتنقعينه بماء وافر لمده 30 دق
تغلين ماء مع مكعبين ماجى الرز الابيض مع اضافه قليل من الملح حسب الرغبه
تكونين مقشره الفول الاخضر بمقدار كوب او كوب ونص حسب رغبتكم .......اذا كان مثلج نقعيه بماء ساخن وقشريه واذا طازج قشريه وبعدها خليه بشوى ماء ساخن
وتكونين محضره 4 ربطات شبنت او مايعادل كوبين +نص كوب شبنت ناشف منقوع لمده 20دق ومصفى

الحين بعد ماطبختى الرز نصف سوا وتصفينه .......تحطين فى القدر نص قالب زبده وتحمسين فيها الشبنت الناشف والطرى لغايه ماتطلع ريحته وثم تضيفين الفول الاخضرواخيراالرز ويقلب جيدا .(.ممكن اضافه قليل من اللون الاخضر مع الشبنت فى الحمسه) ثم يضاف على الوجه قليلا من الزعفران المنقوع .....ويترك ليتسكر لمدة نص ساعه
يفضل عمل الرز بماء سلق الدجاج او اللحم لاضفاء النكهه....يزين بالرمان الناشف (الزرشك)واللوز المقلى

يعطيج الف عافية اختي (( المهاااا))
وتسلم الايادي ع الوصف الحلو

استفدت ياجماعه واشتهيت المرق والعيش الله يخس ابليسكم

والله يا خواتى شهتونه وعاشة ايدكم

بارك الله فيك وجزاج العافيه

تسلم ايدكم

حبيباتى بس حبيت افيدكم بمعلوووومه صادقه ترى مرق الشبزى المضبوط ما ينحط له بصل ولا بهارات واللى تبى طريقة الشبزى الاصلى المضبوط تراسلنى علخااااص وهنى وعافيه

مشكووووووووووووورة

مشكووووووووووووره علي الطريقه

شهيتوني بلشبزي احس ريحته طلعت عندي ووصلت للرياض

$جزاااااااااج اللة خير$

ياريت احد يقولنا ايش هية الخضار اللى تنحط مع السبزى

تسلم ايدك يالغاليه

تسلموووووووون علي الوصفة باجر بسويها لان ريلي يمووووووووووووووت علي مرق شبزي وجم مرة يقولي تعلمي اشلون يسون المرق الشبزي

مشكورة يالغلا سعدت بتواجدي هنا

واي شهويتوني وانا حامل حرام عليكم

صعبة والله انا بطئة