سلاام بنااات عيد ميلاد ريلى قرب او لحد الحين مانى عارفة شنو اسويله عطونى من افكاركم الحلوة وكل وحده تقولى شنو سوت حق عيد ميلاد ريلها :rose:
هلا وغلا اختي .. انا عن نفسي مره من المراات سويت الغرفه احمر باحمر من ديباج وشمعدانات وناموسيه وحتى تغليف الهديه كان احمر ولبسي انا احمر والغرفه ترستها شمووووع وسويت كيكه على صورته وطبعا المكملات للكيكه من عصاير وخرابيط وشمووع الحلووه .. وفكره ثانيه هم شريت الهديه بس دزيت له مسج ليلتها وقلت له كان ودي اجيب لك هديه س ماقدرت ومن هالعبط عشاان اصدمه يعني وعزمته على مطعم وبعدين قدمت له الهديه .. اتمنى اني فدتج وان شاء الله البنات مايقصرون ويااج .. وتم نقل الموضوع لقسم >> الحياه الزوجيه <<
صباح الخير واجد افكار ؟؟؟؟؟ بس الاهم اختيارج للهديه شوفي شنو ناقصه واهديه الاهم لعيد ميلاد زوجج اهيا الهديه موالاجواء عزميه على مطعم وتكونين متفقه مع المطعم يجهز لج الكيكه واهم شي انتي قبلها تشوفين شكل الكيكه وعطيه الهديه بالمطعم احلى حركه هذي تونس الزوج
والله انا ريلي كان ناسي انه يوم ميلاده اشتريت كيكه وشريتله ساعه كان بخاطره وترست البيت تفافيخ وكل تفاخيه عليها كلمه يعني انت روحي واحبك من الي خبري خبرج وحطيتله عند باب البيت باقه ورد وشريطه عشان يغمض عيونه ومافتحتله الا لما غمض عيونه ويوم دش انصدم وبس
لاتنسين الزينه والشموع مع تغير بسيط لديكور الغرفه لاتنسين نفسج من لبس وكشخه واذا على الهديه شوفي شنو ناقصه اذا حابه اسويلج طقم فوط عليه اسمه وتاريخ ميلاده دش بعد البارتي مع الهديه ميه ميه الله يوفقكم حق بعض
انا انصحج بحجز فندق ليله وحده او جهزي ملابسج او ملابسه او حطيهم بسياره من قبل او بعدين قوليله انا عازمتك على مطعم بالفندق او لما تخلصون عشى قوليله يلى اروح فوق انشاء الله تعجبج الفكره
مرحبا حبيبتي في بالمجلات الاعلانيه واحد يسويلج الغرفه من الا حق عيد ميلاد شي موطبيعي ومايكلف..... مع هديتج والاغاني للعيد ميلاد وخشي الهديه وخليه يدور عليها ...
عزمية على العشاء وطرشى خواتك يعلقون الزينة والشموع والكفر الجديد والزينة و يتتبون الكيكة والعصير وفكرة انا مجربتها
حتى انا عيد ميلاد زوجي قرب 2/5 ومتوهقه شنو اسوي او اجيب غير الكيكه اللي عليها صورته احس قديمه سويتها كذا مره
روحي سوق دبي حق الخام واشتري خام 10 امتار لون احمر ومري الخياط حليه يسويلج اياه مثل الشرشف وتور احمر ابو زري قصصيه وحطية بالممر لين الفراش مع شموع وبالونات وعمليلج فكرة جديدة يعني البسي واحد من قمصان النوم التنكرية مثلا لبس الشرطية ترى حدة يونس ويضحك والتوفيق يارب
حبيبتي محل بربريز موجود بالمارينا اتمنى صاحبة الرد بزمات بربريز تسامحني لاني رديت بدالها مو لقافه مني بس للافاده وشكرا
