سويت عملية تحويل مسار

تفضلى حبيبتى انا حاضره وراح اجاوبج على كل اسالتج

اهو دكتور واااااااااااااااااايد ممتاز
وحاليا يشتغل بمستشفى شركه النفط بالاحمدى

حياتى الله يسلمج مشكوره على مشاركتج معاى

بالعكس الحين وفى وقتنا هذا
العمليه وااااااااااايد زينه حق اللى عندهم سمنه
والحين الدكاتره صار عندهم خبره ومتمرسين من العمليه
صحيح انا عايشه على الفتامينات بس الحمد الله آكل كل شى
واهم شى الرشاقه والبس كل اللى خاطرى فيه
السمنه تترتب عليها امراض وايد يكفينا الشر

طبعا تقدرين تسوين العمليه
بس بعد سنه من العمليه تحملين عادى
علشان اول سنه جسمج يحتاج الاكل لج بروحج
لين تصيرين تمام بعد سنه وتقدرين تحملين

بنات انا الحين باقى لى شهر وكمل سنه من عمليتى
ووصل وزنى 70 كيلو خلاص بودع السبعينات ودش الستينات
حدى مستانسه
احس صرت اصغر من اول والناس بس تخزنى بالحفلات
الحمدالله على كل حال
ومثل ما وعدتكم اى استفسار انا حاضره​

قوة حبيبتي ميخالف ادق عليج واعرف الاجراءات واذا اوكي رقمي بالتوقيع


بخصوص ردج على الاخت انها تدفع 850 هذا اظن سعر الحلقة عدل ؟؟:75_75:


لأن بتحويل المسار ماكو ادوات ^^

850 دينار معدات تحويل مسار انا دفعتهم لما سويت العمليه
ما عرف اشلون اطلع رقمج بس ممكن ادزينه على الخاص وانا ادق عليج

السلام عليكم

اول شيء ماشاء الله ماشاء الله ما شاء الله على اللي انتي فيه صج نعمه انج وصلتي للي انتي فيه الف الحمدالله والشكر وصج بالعافيه عليج
بصراحه انا وايد قاعدة افكر بالموضوع مع ان الكل يقولي ان ما يبيلج وايد و ما يسوى انج تسوين ليش ان وزني 95 بس طويله شوي 170 ف وزني متزوع على جسمي بس انا مليت حلم حياتي البس قياس 12

قرقت عليج شوي
المهم سؤالي بالنسبه للشعر يعني تحسين ان وايد طايح ؟؟ و بالنسبه للترهلات يعني حيل مبينه انزين ما فكرت الشد بالليزر
السؤال الخير انا مشكلتي مو بالاكل مشكلتي الله يسلمج بالكاكاو يعني شلون العملية من هالباب
و مشكوووره على تجربتج وناطرة الرد

دمتي بود

اول شى مشكوووووووووووره على كلامج الحلو
انتى ممكن تزورين دكتور مجرد استشاره لانه عندهم طريقه يشوف وزنج وطولج وكتلة الجسم
اهم لهم حسابات خاصه للعمليات وهو يحدد العمليه اللى تناسبج
وبعدين انا كان غرامى الحلويات وعمليتى ممتازه لمثل حالتى
لانى ما اقدر اكثر حلو جسمى يعرق واتعب شويه فمن جذيه آكل شويه من الكاكاو بس اعطى نفسى بريك
اما من ناحيه الشعر بكون صريحه وياج اول شهور العمليه طاح شعرى ومن الشهر الثامن بدا يوقف التساقط والحين شعرى الحمد الله رب العالمين رد طبيعى
اما جسمى انا زرت وايد دكاتره علشان بنحت جسمى لانه صار عندى ترهلات وخاصه الزند
وهذى غلطتى لانه الدكتور عيز من كثر ما ينصحنى على النادى او المشى وانا بصراحه ما سمعت الكلام
وانشاء الله بس اسوى عمليتى الشد والشفط راح افتح موضوع جديد بتجربتى
بس الله وكيلج حسيت صغرت وااااااااااااااايد عن قبل صايره بنوته كيوت لووووووووووووول
قبل بالسمنه شكلى كان يخرع صايره عيوز الله لا يعيد الايام لما اروح السوق واندقر ماكو مقاسى
الحمد الله على كل حال​

الحمدلله على السلامه

الف الحمد لله عالسلامه .... وماشالله تبارك الله...

ومشكوووووورة على كتابة تجربتج... حبيبتي

وانشاء الله توصلين للوزن اللي تبينه.... واناااا بعد<<<<ههههههه
عندي جم سؤال حبيبتي لو ماعليج امر....
بغيت اعرف جم كان وزنج وطولج...؟؟؟
لان انا ودي اسويها لاني تعبت نفسيتي ابي احمل مع اني عندي بنوته عمرها 8 سنوات و3مرات اجهضت الحمدلله>>>>> يقولون هو سبب تاخر الحمل عندي والاجهااااض المتكرر
انا وزني مابين (115-105) متغير على طول بينهم لا اكثر ولا اقل... بس طويلة الحمدلله 169 - 170 تقربا وهذا اللي مساعدني وجسمي متناسق حيل الحمدلله
>>>>وصراااحة زوجي مايبي جسمي يتغير ....لوووووووووووووووول
وبغيت اعرف حبيبتي وجهج ماضعف عقب العملية ...؟ لان وجهي مدور مابي يتغير..كلش....
وهل صحيح يترهل جسمج ...؟
وبعد جم من العملية قالج الدكتور تسوين رياضة...؟ عشان الترهل ....؟
وجم صار وزنج الحين يالغلا ....ادري طولت عليج سووووووري
تحياااتي ​

​

الحين وزنى 70 وقبل العمليه 127 وتونى كملت سنه من العمليه

حبيبتي حياة زوجي وين هالغيبه ناطرينج بخصوص سوالي عفيه حبوبه عطينا التفاصيل شنو الاجراءات اللي قمتي فيها وهل دفعتي فلوس وجم دفعتي وبخصوص المواعيد كانت سهله ولا لويه عفيه ناطرتج وحمدالله على سلامتج ومبروك على الوزن اليديد

مشكووووورة حبيبتي

وتسلمين على ردج....

بس ماقلتيلي جم طولج ....؟؟؟

وما وقف وزنج انه ينزل و متى يوقف ....؟؟

والله يوفقج ان شاء الله ....

السلام عليكم
انا جديده حبيت اعرف الموضوع قديم واذا قديم وين القا جديد تكفون محتاجه استفسار ضروري

الله يوفقك يا الغالية وحمد الله على سلامتك والله يوفقك........

الحمد لله عالسلامه

الله يتتم عليك صحتك

ها حياة زوجي شلونج الحين ؟؟

وكم صار وزنج ؟؟ وبتسوين شد ؟؟

الله يوفقج ياااااااااااااارب