مساكم الله بالخير يالغاليات عندي مشكله وابي اشاوركم فيها بنتي عمرها 3 سنوات ومن فتره صارت تقعد تبكي بالليل بدون سبب لين الصبح ونحفاااانه مره ماتاكل مدري ليه؟ والله احترت فيها ساعدوني الله يجراكم خير
مساء النور الاحسن خذويها لعند دكتور يمكن تعاني من شي وسنها صغير لاتستطيع ان تعبر... وربي يشفيهالك ويحفظها....
وارقيها الرقيه الشرعيه ترى الناس والله ماتعطي خيير .. في شريط تلقينه عند المكاتب الاسلاميه عن كل مايخص الرقيه .. والا اهني بالنت اقري عليها لمدة ثلاث ايااام واقري على ماي وسبحيها فيه بس مو بالحمام تكرمين لأ بالصااله وثلاث اياام بس ورا بعض وشوفي بنتج شلون ترد حالتهااا .. والله هالطريقه سويتها ويا ولدي لما كان عمره ثلاث سنوات اسم الله عليه كان لسانه حلوو وراعي سوالف فجأه ماصار تيكلم وبس يتأتأ .. سويت وياه هالطريقه وكنت ابجي وانا اقرى عليه والحمدلله رد مثل اول واحسن .. وان شاء الله ربي يشاافيها ومايصير فيها الا العاافيه وتفرحين فيها عرووس ..
حبيبتي اذا عندك خادمه شيكي عليها وراقبيها يمكن تاذي بنتج وبتخرعها وبنتج صار فيها خوف منها او شايفه منظر مرعب مخرعها
ما تشوف شر بنيتج ......... الغاليه ارقى بنيتج بالليل ووديها لشيخ يقرا عليها وسبحيها بماى مقرى فيه وفيه مشايخه زينين بالقرايه انا ولدى كان جذيه من الساعه 12 بالليل للصبح ووديته للشيخ ابو سامى 3 أيام ولله الحمد والشكر الحين أحسن...... ونصيحه منى اذا شعر بنتج طويل قصى منه شوى ولاتكشخينها زياده الناس ما تعطى خير ......... وما تشوفون شر
لاحول ولاقوة الابالله اي راغبي الخدامه اعرف بنت صغيره صار فيه سكري من كثر ما تخوفها الله يستر عليها والقران والاذكار تريح النفس وبعد شوفي دكتوره ا سوين اشعه وتحليل وانشاء الله مافيه الا كل خير بس دلع امين يااارب
