أختي آهات الليل أنا مستغربة من شي وهو إنج ساكته عن نفسج !!! ليش ما تراجعين قسم التغذية وترا هالأنيميا إللي مستهينه فيها ممكن تكون مشابه لتكسر الدم والعياذ بالله أنا ما بي أخرعج لكن ألزم ما على الإنسان صحته. حبيبتي لازم تلتزمين بالحبوب مثل ما قلتلج وبلييييز قولي إذا إنتي قاعد تاخذين من هالحبوب ولا لأ وبعدين راجعي ما تدرين شنو السالفة، ترا مو لي هالدرجة الإهمال بالنفس والصحة والله قهرتيني .
عزيزتي عويشة لدي نظام قد اتبعته بنفسي والفضل والمنة لله وحده فقد أتى بنتيجة ولكن يطول شرحهه فإذا أردتي سأرسل لك رقم هاتفي واتصلي علي في وقت شئت أفيدك بإذن الله تعالى بما أعرف . واعذريني
هلا ياقلبي بس انا فيني انيميا مو تكسر الحمدالله شاريه حبوب من الصيدليه حق فقر الدم وقعد اكل منهم حاليا وقعد اكل فولك اسد صارلي جم يوم وان شالله راح اشتري الحبوب اللي قلتيلي عليهم والتزم فيهم وربج كريييم:teeth_smile:
انا اجهضت بدون عملية تنظيف للرحم في 4مارس كان عندي شهرين ونص وبعد 20يوم تقريبا راح علي الدم.رجعت للطبيب قال لي/ مازال فيي قليل من ليكونوا ملتصقين مع الجنين اعطاني دواء قطرات عشان يسقط وقال لي عدي 40يوم وقت مايروح عليك الدم وتجيك الدورة راح يسقط معاها الشي لبقى/بس انا لما شربت الدواء جاتنى الدورة بس ماسقط شيء وراحت الدورة وما سقط شي.وانا محتارة الان وخايفة.ارجوك ساعديني.
السلام عليكم اشلونج شخبارج يالعشابه اول شي يعطيج العافيه بغيت اسالج انا لي 11 شهر والده وما تنفست عدل بصراحه احس بطني منتفخ واااااااايد مع اني سويت الحسو واللهوم بس ماترددت اخااااااااف مو واثقه باحد صراااااااحه بالذات اللي بالجرايد والله ما اامن اسلم روحي لهم والحين فيني عوار بارحامي والدوره ملخبطه من شهر عشره اللي طاف كانت تيني واحد بالشهر يعني اوله وراها يتني ب21 الشهر واخر دوره كانت 21 -3 وشهر اربعه هذا نزل علي شي بني بعدين دم من يوم 12 -13-14رحت الطبيب كالعاده مافكيش حاجه عطاني تحاميل تنظيف وبس 3 ايام بس خلصتهم نزل دم ومعاهم بعد كان ينزل دم شنو هذا انا سويت تحليل حمل قالولي موووو حامل طمنيني الله يخليج الرد ارجوج بسرعه وللعلم مانزلت الدوره للحين ومشكووره يالغاليه انا عندي 5 يهاااااال متزوجه من 20 سنه وعمري 37
حبيبتي أعتقد إنج ما أخذتي أدوية نفاس في إجهاضج وهذا أكبر خطأ.وثانيا لما أجهضتي كانوا أكيد مسووين لج سونار داخلي ومتأكدين إنه رحمج نزل كل تبعات البيبي الله يعوضج فيه ولا ما يطلعونج من المستشفى إلا إنج أجهضتي في البيت وما رحتي الطبيب!!!!! على العموم لج حلين إما أنج تروحين حق عيادة النساء والولاده في المستوصف وتطلبين تحويل على العيادة الخارجية يسوون لج سونار داخلي ويتأكدون من نظافة رحمج وإذا فيه شي أهمه راح يسوون لج اللازم . وإما أنج يا طويلة العمر تنطرين الدورة اليايه وتاخذين عشبة المدينه أو القشعة مطحونه بمقدار ملعقة صغيرة مالت الشاي صبح وليل وعقب أكل مع حليب أو عصير لي خامس يوم وهي إن شاء الله بتنزلج اللي في رحمج بس لازم تلاحظين إنها لا سمح الله إقطعت الدم وقفيها على طول أما إذا نزلت وبغزارة فلا تخافين يعني جسمج إستجاب لها وناسبها بس طبعا لازم تنطرين الدورة هي بروحها تنزل لأن سبحان الله تكونين حامل .مع إنه في وجود بقايا ما أعتقد بتحملين والله يشفيج يا رب.
حبيبتي إنتي قلتيها ما تنفستي عدل ، يبيلج إهتمام مثل النفاس وأكثر وقت الدورة. يعني على القليل يبيلج سمسم طول أيام الطهارة أو قسط هندي عشان يوازنون هرموناتج وتنتظم عندج الدورة على الأقل أربعين يوم أما وقت الدورة فلازمج على الأقل لهوم وطبخة غوري ودوا عصيده طول أيام النفاس عشان رحمج ينظف ويرد مكانه وينزل كل اللي فيه وينشد وتقوى أربطته.هذا على الأقل من دورتين إلى ثلاث دورات وهذا الكلام إللي نعيده إذا ما اهتميتي بالأربعين راح تشكين من عقبها وبدال الأربعين تقعدين جم دورة ودورة وانتي تعانين بس الله يهداج أنتي بعد مو صغيرة اسم الله عليج وأم عيال بعد!!
اختي انا حاما في اول السادس لاكن اعاني دائما من التهاب البول والحرقان واستخدمت مضاض حيوي لاكن دون جدوى افيديني اذا عندك الحل ومشككككوره اختي الغاليه
حبيبتي أولا ارفعي مناعتج بالعسل الطبيعي لأنج حامل ومناعتج نازلة حيل وهذا شي طبيعي وبعدين لازم تاخذين تحاميل من الطبيب أنا ذاكرتهم في الموضوع وماتضر وخفيفة بس لا اتدخلينهم حيل مثل ما قلت مع المضاد الحيوي مع إني ما أشجع المضاد لأن الطفل يصير عنده مناعه ضد المضاد إذا أخذته الأم أثناء حملها فيه . وخذي من الصيدلية أي غسول مناسب للمرأة الحامل بالبابنج ولازم إتغسلين داخلي كل مرة وإذا ماتعرفين شنو الغسول الداخلي إسئلي لا تترددين الله يتمم عليج . ولاتنسين اتجهزين حق نفاسج مبجر .
السلام اختي انا صار لي اسبوعين طالعه من الاربعين بس ما جاتني اخت النفاس متى تجي و اشلون انزلها لاني تعبانه احس بالم الدوره بس ماكو شي علما باني رضعت الجاهل بس عشرين يوم الرجاااااااااااااااء الرد جزاج الله خيررررر
والده طبيعي يا الغالية ولا قيصرية وإذا طبيعي فالمشيمة طلعت بروحها،يعني في تنظيفات في الموضوع ولا طبيعي؟
اختي انا رحت الدكتورة لاني ابي احمل وما حملت بنتي صار عمرها 3ونص وقلت بحمل -وقالت لي فيج قرحه بالرحم وسويت كوي وقالت لي الحمدلله كل شي اوكي بس قالت لي ان رحمج مقلوب وماردته وما اعرف الطريقه اللي يردونها فيه وهل هذا هم يسبب لي تاخير بالحمل والله يعطيج العافيه
السلام عليكم مشكورة يا العشابة على استضافتج لنا وساعت صدرج ما شالله عليج انا مشكلتي اني متزوجة من سنتين وما حملت للحين ورحت عند دكتور وشاف تحاليلي وتحاليل زوجي وقال ان زوجي حيواناته المنوية بعضها مو طبيعي وان قذفه يصعد شوية وبعدين ينزل وان في شوية التهابات مع ان مايحس باأي حرقة أو حكه وقال لي الدكتور أن احتمال نسوي أطفال أنابيب أو تلقيح صناعي واحنا بصراحة ودنا بحمل طبيعي عن طريق وصفة علاجية أو حبوب أو أبر لأن متخوفه من عملية أطفال أنابيب وقالو لي دهني عند دهانة بس أنا سليمة والحمد الله بس مايخالف أسوي ما عندي مشكلة وعمري على فكرة 34 سنة وعمري ما أنجبت وأتمنى تردين بسرعة وآسفة لأني طولت بس حبيت أقول تفاصيل أحسن
حبيبتي ابيج أسألج انا اخر دوره لي 1-1-2010 يعني أول يوم نزلت علي الدوره ارجو منج يا قلبي انج تحسبيلي كل شهر بالضبط جم ادخل ومتى الولاده بأذن الله وسؤال ثاني متى احس بالضبط بحركة الجنين اي اسبوع بالضبط علما بأن أن انا حااامل بالاسبوع الثامن عشر يعني بالخامس انشالله
سلام عليكم اختي ابي منج خدمة جزاج الله خير انا ولادة صارلي 15 يوم وخيوطي للحين في عندي غرزتين موراضين يطيحون وفية عوار مااقدر اقعد واقوم على راحتي حتى نومة علي حسرة وبقولج شي بعد بخياطي في نفس الجرح نفس الجلد المشلوع ماادري معقولا يكون خيلطي ملتهب واذا اي ابي اعرف شلون اخلي الالتهاب يلروح وشلون اطيح اخيوطي مليت منهم ومشكورة
حبيبتي إذا الضعف من الريال فما فيه فايده من علاج الحرمة لازم في بادئ الأمر ياخذ زوجج علاج من الالتهاب وبعدين ياخذ علاج يقويه ، أنا ما أعرف علاج حق الرياييل ولا أسويه ولكن أعرف عن العسل وطلع النخيل ووصفه ثانية وهي الجزء الأخضر من الجزر وأوراقه في الخلاط ،ويشرب قلاص منه.أنا في عشبة موصية عليها من مصر لكن بعد ماردولي خبر . بس بالعموم لا تسوين أنابيب على طول لأن إذا طبيبج خاص فهم على طول ركظه على الأنابيب عشان المردود المادي فشوفي الطبيب الحكومة أول وتحملي أرف مواعيدهم والنطرة بس إخذي أكثر من راي أكثر أحسن . الله يوفقج
ياحياتي أنا أستغر ب من اللي يسئلون متى أدش شهري بالظبط لأنهم عبالهم عنق الرحم مثل اللي له مدة إنتهاء في يوم محدد يتبطل وتولدين على تسع أشهر بالظبط هذا جسم ودم وهرمونات وحالة نفسية ومافي شي إسمه بالظبط وحتى حركة الطفل تختلف من طفل لآخر وهي تبدا عادة من الشهر الرابع ولكن في حريم مايحسون فيها وقد يكون الطفل ظعيف فيتأخر في الحركة ولا يقولولج بنت وولد ويقصون عليج أنا بناتي كانوا بطون ظلوعي من المرافس فماله قاعده وأنا أقولج جذي عشان تريحين بالج وبكل بساطة إذا أكلتي عقب ساعة تقريبا انسدحي على ظهرج واسترخي وإن شا الله بتحسين بالحركة وبخصوص شهرج بكل بساطه كل 31 يوم تدخلين شهر يديد .
