السلام عليكم كيفكم ياحلوات باخذ من وقتكم شويه عشان اعلمكم سالفتي وابي ا لفزعه ههههه :wink_smile: طبعا انا عروس من الشرقيه بالسعوديه وزوجي من حفر الباطن بجنبكم يعني وزواجي راح يكون هناك والكويت معروفين بان مكياجهم روعه وذوق قلت فرصه اجي الكويت اتجهز لزواجي يعني للحفل طبعا ماعرف احد مرره هناك ولااعرف المشاغل ولا شي انا ابي اجي الكويت قبل عرسي بيوم عشان اريح وثاني يوم اتمكيج وارجع قريت بمنتديات عن مشغل ساس وناس قالو صالون الانتر وطبعا يعجبني مكياج حنان والاء دشتي بس ناس بمنتديات قالو انها تتوصى بس بالفنانات وغيرهم لا فا انتو خوات وحبايبي ابي فزعتكم وتقولون وش افضل مشغل اروح له مابي مكياج يخوف وثقيل حيل احب الناعم وفيه مودل واهم شي الاساس يكون مره صافي وحلو ومشكوووووووووورين
الله يوفقج حبيبتي ويرزقج بالذريه الصالحه يارب شوفي اذا بتحطين مكياج بنفس يوم عرسج انصحج تروحين مناطق قريبه يعني بالمنطقه العاشره لان اذا رحتي داخل الديره يمكن تصادفج زحمه وتتوهقين ويخرب مكياجج انا اقول سكني بفندق روتانا المنشر بفحيحيل وتروحين صالون حنان دشتي في بوحليفه وشذي تكونين قصيتي وقت ومسافه ولج الاختيار
ياهلا باهل الشرقيه وياهلا باللي راح تصير جارتي >>>>> قهوتك عندي يوم الصباحيه هههههههه صالونات الكويت رووووعه بس الخوف من مشاكل الطرق والحدود وخاصه اذا صادفك خراب بكمبيوتر الجوازات او تبديل موظفين يمكن تتعطلين و الجو حاااااار اقول وش رايك نحجز في صالون واحد !!!!! انا زواجي بشهر عشرة اي خدمه من عيوني
هــــــــــــــلااا وغـــــــــــلاااااا بـــــــــــأهل الشـــــــــــرقيـــــــــــة،،، حبيبتـــــــــــــــي بعطيــــــــــــــــــج معلومـــــــــــــة انت عبـــــــــــالج حنــــــــــــان دشتي ولااا الاء دشتى هم يحطون لج مكيــــــــــاج فأنتى غلطـــــــــانة هم مايــــــــحطون مكيـــــــــاج إلااا حق الفنانات واللى يعرفونهم معرفة شخصية،،، ودى أشور عليج برأى شرايج تجين الكويت قبل عرسج 4 أو 5 أيــــام أحســـــــــــن وأفضل الله يسلمج تروحين حق كونتنيلت وحنان دشتى ورشا شيك وشوفي بعينج العرايس الموجودات هناك وشوفى يمكن يعجبج المكياج لأن مومعقول تروحين جذى ولاا حجزة ولاااشىء أساس مايخلصونج بسرعة ومن قال يرضون يستقبلونج اللى بحجز مسبق ،،، حبيبتى وناس أذواق من رأى عليج تجين قبل عرسج بجم يـــــــوم تفترين على الصالونات واللى عاجبج توكلى على الله،،،والله يوفقج يارب واللى تأمرين عليه أنا حاضر،،،، أتمنى افتدج بشىء
حبيبتي مبروك وألف مبروك .. وعسى ربي يتم عايج وبعد سنه بالضبط تيين الكويت تتجهزين لطلعتج من الأربعين حبيبتي شوفي موضوعي اللي يخص الحنا واذا عجبج ما يصير خاطرج الا طيب .. لج خصم خاص وهدية .. (مو بس لج لكل عرايس المنتدى ) http://www.kuwaiteya.com/vb/t121147.html بس راسليني على الخاص اذا بغيتي تيين .. احط لج موعد واوصي البنات عليج توصية خاصة .. وطبعا للعرايس شغل خاص ومميز .. وغرف خاصة للخصوصية .. وانا شخصيا بكون موجوده اذا حبيتي تيين .. حياج الله وبالمبارك ..
