صبـــــ مســــــــــاءـــــاح الخيــــــــــــــــــــــــــــــــــر كل وحده علي حسب الوقت الي تقرا فيه الموضوع انا ابي كل وحده سبق لها الحمل تقول باي شهر بالضبط او باي اسبوع بان جنس الجنين معاها والي اختلفة اقوال اخصائين السونار تقول بعد باي شهر قالو مثلآ والد وباي شهر قالو بنت عشان نعرف الشهر المضبوط يعني الشهر 4 قالو ولد والشهر 6 قالو بنت وبعد الولاده جت بنوته قمر وانا اول وحه اببداء انا بحملي الاول سويت سونار بااول الرابع وقالي بنت وسويت بال6 وقالولي احتمال 88% ولد وبالنهايه جت بنوتي الحلوه......... وه بحملي هذا توني داخل الثالث وماسويت سونار انطر شهر بعد ياله ابي مشاركاتكم عشان الكل يستفيد؟؟؟؟
حبوبة انا بحملي الاول من الشهر الرابع كان مبين معاهم انه ولد والحمدلله ولا مرة قالو انه احتمال يكون ولد لا كان باين>> خلاص فهمت البنت الحين حامل توني داشة الشهر الثالث وبانتظار الشهر الرابع عشان اراجع واشوف ولو انه احساسي يقول ولد بس اللهم اسالك الصحة والعافية
مرحبا حبيباتي انا بالاسبوع الخامس عشر قالولي احتمال بنت مو اكيد ويمكن سويت 4 مرات سونار من حملت كله مو باين البيبي صغير وانا ميته اعرف الجنس وكله بيد الله سبحانه وتعالى
انا بحمالي الاول لي الشهر السادس قالولي ولد وعقب سويت سونار ثلاثي الابعاد وعرفت انها بنوته وبحمالي الثاني بالخامس سويته بالهادي صج يعرفون قالي بنوته وصج يبت بنوته سونار الهادي ماكو مثله المهم انا الحين حامل وبدش الرابع باخر السادس بسوي سونار لان حاليا انا ضعيييييفه حيل ماراح يبين شي الله يرزقني بالولد الصالح واذا بنوته الف الحمدالله اهم شي الصحه والعافيه
انا اول حمل لي وباجر باذن الله بدخل السابع وقالوا لي في باخر الثالث والرابع قالوا مايبين واخر الخامس قالولي بنت بس مومتاكد لانه مقفل الجنين ريولة والله يسهل على كل حامل ويرزقها بذرية الصالحة يارب ويقومنا بسلامه
اي اختي اخر موعد الدكتور اكدلي انها بنوتة وراني وشفت بنفسي يحياتي ابي اولد بس ابي اشوفها حدي مشتاقة واي فديتها انا باقيلي 5 ايام واطلع وادخل الثامن
انا بحملي قالولي ولد وانا بالشهر السادس وجهزت حق الولد وجت رناد وحملت وقلولي بالرابع بنوته وانصدمت كان يجيني حمودي فديت عيالي
هلا اختي . . . تدرين رغم تطور هالعلم والاجهزة يبقى تأكيد جنس الجنين علنه عند رب العالمين وحده . . . يعني يقولون لج ولد وبعدها بنت لانهم شافوا الحبل السري مكان الجهاز التناسلي . . . عموما صارت وياي بحملي الثاني قالي الدكتور 80 ولد وطلعت بنت ربي يحفظهم لي . . .
انا بنص الخامس والجنين للحين مصكر رجوله وزوجي يقول بنت والدليل مستحيه وصكرت رجولها الله كريم يارب ويهون علينا
انا صرت اعرف اذا ولد يقولون ولد واذا بنت قالو مو مبين او البيبي مسكر رجولة وعموما انا دايم اسوي بالخامس بس ابنتي الاخيرة من الرابع لين التاسع اسوي سونار ويقولون مو مبين
جدتي تقول قبل اذا بان شكل الجنين وكان مكتمل مثل راسه وعظامة يكون ولد وهذا يبان في اخر الثالث والبنت يقولون ما يبين لانها سبحان الله متبان تكون قطعت لحمه مو متشكله وانا دايمن في اخر الشهر الثالث اسوي سونار اذا ولد يبان علي طول وعندي 3 والبنات 2 اللة يخليهم للي
حبيبتي اول بناتي قالولي بنت في الشهر السادس وبنتي الثانيه قالولي بنت يوم جاء الشهر الثامن قالولي والد واكدولي في الشهر التاسع انه والد ولمى جبته طلعت بنوتي الله يحفظها لي هي واختها يارب ويرزقني بالولد اللهم امين انا وكل بنات المنتدى يارب
