$$$$$$ علاج تشققات القدم $$$$$$

السلاام عليكم ورحمة الله وبركاته
اشلووونكم بنات بليز بغيت منكم خدمه صغيرووونه ابي اي كريم او علاج للتشققات القدم
ابي شي مضمون حق الوالده من الجمعيه او الصيدليه او خلطت كريمات
بليييز بنات ابي من تجاربكم
وسلااامتكم ,,,​

صباح الخير
تشقق القدم اول شي تحطين عليهم فازلين وزيت زيتون وتلبس دلاغ

لمدة ساعتين بعدين تاخذين مبرد الرجل وتحكينها فيه الرجل من تحت مكان الجفاف

وبعدها تحطين شكر وزيت زيتون وتفركينهم وبعدها تغسلينهم بصابون
والاحسن حطي من الشور جل وغسليهم

وبعدها حطي عليهم زيت لوز وزيت زيتون وتلبس دلاغ

وكرريها مرتين بالاسبوع وبعد ماتتوضى الوالده يحفظها تمسحهم بكريم

واحسن نوع جورجينز عجيب جربته مع امي

وجربي الطريقه وشوفي النتيجه ومابي غير الدعاء بفرج همي

هذه خلطه لا ازاله التشققات
كريم جليسوليد الاحمر صغير 2ملعقه كبيره فازلين
نص ملعقه فكس وشويهماء ورد ونص صابونه الطاوس مبشوره
ونص ليمونه تخلط المقادير مع بعض ويدهن بها الرجل ويوضع كيس بلاستك
ويلبس دلاغ لمده ساعتين وبعدها تغسل الرجل بالصابون الطاوووس
وحطي عليها كريم جليسرين السائل شي رهيب من اول اسبوع

يعطيج العافية

مشكووووووره فديتش ما قصرتي والله يخليلش الوالده ويطول بعمرها ​

مشكووووره وما قصرتي الله لا يقصر بعمرش ​

حياتى احسن شى لتشقق القدم بانثينول من الصيدليه مع شوى فازلين والله يختفى بيومين حطيهم والبسى دلاغ اقل شى ساعتين ممتاز وادعولى الله ييسرلى ولادتى

مشكوووره حبيبتي وما قصرتي
الله يهون عليش ويفرح نظرتج بالمولود المعااافى السليم امين يارب العالمين

حبيبتي البنات ما قصروا .. فعلا أحسن شي حق التشققات الفازلين كل يوم بالليل قبل النوم و شوفي النتيجة روووعة

و لبس الدلاغ شي ضروري و إذا ما تحبين خلج على طول لابسة الـــ sliper مالت البيت عودي نفسج

و لمن تتسبحين استخدمي الصخرة السودة فظيييعة فركيفيها و بعدها دهني ريلج بكريم الجيلوسيد الأحمر و انشاء الله النتائج مبهرة و عن تجربة

مشكوووووه ياقلبي

ابي اضيف معلومه قبل ها تحطين هالخلطات على الاقدام نقعيهم عشر دقايق ما دافي وبعدين نشفيهم وحطي اللي تبين وشوفي النتيجه راح تبين بسرعه وشكرا

هلا حبوبه شوفي عندج كريممن ماركة شول لتشققات القدم فظييييييييييييييع انا أمي و أبوي فيهم سكر فشي طبيعي تتشقق الريل لمريض السكر و صعب انه يتعالج و يروح بس لمن شريتلهم هالكريم وااااااااااااايد ساعدهم خفف التشققات و عالج الجروح بعد
و هالماركه معروفه و مخصوصه بس للأقدام و تحصلينها تقريبا بكل الجمعيات في استاند بروحها مخصص لها و سلامتها