زوجي طلب مني اشتريله سيارة سعرها 18الف وبيدفع نص القسط لان معاشه مايشيل القسط ويبي السياره باسمه بالمرور شسوي انا خايفه وانتوا تعرفون الرياجيل مالهم امان
هذي يديدة بعد ؟ يبيج تشترين له سياارة صلي صلاة استخارة وانتي ادرى بريلج يستاهل الا 18 الف مد ريولك ع قد لحافك ! بس السموحة طلبة غريب الي متعودين علية انة اهوة يشتري لج سيارة او يساهم يعطيج فلوس لسيارتج يطلب منج تساهمين بالبيت او لليهال من باب الراحة ممكن << بس مو اجباري غصب انشالله مايصير لج الا كل خير وطمنينة شصار معاج
خوش فكره اصلي استخاره وهو بعد يصلي احسن وهو مو مقصر معاي بس حارمني من السوق والعروس والسوق بس اروح معاه ويحن علي يقول خلصي اقوله ليش جذي يقول اغار عليج حيل وملبسني بوشيه ودسوس
الحين معاشه مو مكفي حق القسط وبياخذ سياره دبلات معاشه خوش والله فكري عدل قوليله مايصير انا وانت معاشاتنا منتفه او على الاقل خل ياخذ سياره بحدود الخمس الاف بس ليش هالمهايط على ظهرج واهو مو قادر؟؟؟؟؟
هلا أختي . . . شغل الفشخرة والتكشخ والراتب ما يساعد ترى فيه ظلم لنفسه ولاسرته ولج . . . حبيبتي نصيحة قوليله خل نشتري سيارة بحدود امكانياتك الكشخة ماراح تنفعنا بشي واهو رب اسرة أهو من تقوليله هالحجي بيغسل إيده منج لانه راح يفهم انج عاجل وفاهمه ان امور الكماليات وضغط النفس بقسط قوي بيأثر ع اسرتكم من شنو يشكي المستعمل أو أبو 6 آلاف ؟!!
انا معاها يبي سيلره ياخذ على قده ليش كل هذا اعترضي قولي انت ابو عيالي والخساره بالعمر مو بالفلوس وانا مو مستكثرتها عليك بس شوف اي سيارة رخيصه بس 5الاف طبيعي يزيد السعر بس مو فووووق 10 الاف عرفتي واكيد هو يستاهل مو كل يوم مشكلج وقاطج على اهلج وقولي له مايندرى بكرة شيصير الواحد يعيش لحاظرة وبكرة ربك العالم منو يلحق وديري باااااااااااالج مو بسرعه توافقين اياااااج غثيه شوي ترى يمكن يختبرج بيقول اي خايفه لااطلقها ترى في نوعيه رياجيل نذاله وانشاءالله ماكو الا الخير
يا أختي لا تفكري وتشتتي أفكارك ، صحيح الأخوات جزاهم الله خيرا عطوكي احتمالات ، وصح ممكن صحيحة لكن ممكن تكون خاطئة ، لأن لو قلتيله أي كلمة وانتي مشتتة وتشوفي كل الآراء لا قدر الله ممكن تندمي وتخسريه، ما عليكي غير تصلي استخارة، وصدقيني اللي فيه الخير إن شاءالله راح يكون والله بإذن الله يمنع عنك كل شر أو شيء تندمي عليه بعدين.
اله يجزاكم خير ويكتبلكم ربي التوفيق للي ردوا علي صج راحت عن بالي صلاة الاستخاره اشكركم واشكر مروركم العطر
نصيييييخه يا اختي لا لا انا اعرف وحده طلب منها تشتريله سياره ب10 الاف وشرت له اهو كان زين معاها واخرتها تغيروقطها اهي وعيالها بعدين 18 الف شدعوووه مايكفي معاشه لايكشخ ع حساب غيره وبالاخيرر الراي لج استخيري يااختي
حبيبتي قعدي وكلميه بعقل مثل ما طلب منج قوليله ماله داعي اذا مانقدر عليها واذا اصر كلش كلش على الاقل يتوثق بمكتب محاماة عشان كل واحد يضمن حقه وكذلك يسجلها باسمج
