السلام عليكم بليز بنات ابي مساعدتكم ابي اغير شخصيتي او اسلوبي مع ريلي بس المشكله كل ما احاول افشل انا مشكلتي عصبيه او ما اعرف اسكت معني احبه واايد بس طريقتي او اسلوبي معاه خايس حده بليز ساعدوني ابي الحل ....
انا اقولج قد ما تقدرين شوفيه مثل الطفل الصغير يعني تقصين عليه بالكلام الحلو عشان يرضى ادري حرقة جبد بس اوكي جربي
شوفي حبيبيتي الرجال مايحب المراة العصبية والمزعجة حاولي انج تتحاشين العصبية وطوري من ذاتج من خلال تمارين او دورات تاخذينها من اختصاصيين وعمدي نفسج على ذلك والله يوفقج وتقبلي مروري
اقولج بصراحه اذا انتي ماتقدرين تغيرين طبعج احنا بنقدر نغير طبعج لو نقعد ننصحج مني لي باجر مارا يتغير شئ اذا انتي ماعندج اراده وهذا طبع مستحيل يتغير لا نقص علي روحنا
حبيبتي انا مثلج تقريبا لكن حمدالله بفضل الدعاء وجلسات الاسترخاء وايد هديت انا يمكن مشكلتي انا بالاصل عصبيه مع اي احد وبعض المرات هااااديه لدرجة الجنون مادري عندي شخصيتين بسم الله خخخ المهم روحي حق دكتوره سميره دهراب عجيبه بعلاج الحالات اللي جذيه جم جلسة استرخاء وتحسين نفسج تغيرتي بس لابد انج تكونين مقتنعه بانج صرتي هاديه وكنتي عصبيه والله يوفقج وقوليلي شيصير معاج وهي عنوانها بالسالميه مع دكتور كاظم ابل وبالتوفيق وهالدكتوره عجيبه وحبابه وايد ولاهو عيب ولا حرام انه نستخدم اساليب وطرق جديده لتحسين علاقتنا مع الناس وبالخصوص ازواجنا
بداية حياتي الزوجيه كانت وايد وايد عصبيه وكنت وايد لأتضارب معاه بس مع مر السنين صرت أهدا عن قبل لكن أنصحج حاولي تظبطين أعصابج لاني وايد ندمت على عصيبتي ..
انا مثلج تقريباااا وصاايره بزيااده بعد من حبووب منع الحمل وصح لازم نتغير لانه غلط هالاسلووب حتى على العياااال يتأثروون وقااعده احااول اغير وربي يهديني ويشرح صدورناااااا ..
وانا بعد وياااكم والله كاسر خاطري مرات ودي أذبحه والله واصرخ بدون سبب ألعلع لووول بس كاسر خاطري اهوة بارد يستفزني شسوي بعد ..
حاولي تاخذين وقت قبل تردين عليه اسكتي واستغفري بقلبج لان هالشي من الشيطان يبي يفرق بينكم انتي لا تعطين الشيطان مجال يفرق بينكم لان الرجال لي متى بيتحمل حاولي تقرين قرآن يحسسج بطمأنينه ويريح نفسيتج وقلبج الله يقربكم من بعض ويريح بالج يالغاليه
انا بعد نفسج اسلوبي مع زوجي اقصد اني عصبيه وزوجي في شوي برود واتنرفز من بروده وتلقيني اسوي سالفه اشكبرها من شي تافه ودايما يقولي زوجي أخري ردة فعلج خمس دقايق او قبل لاتعصبين تعوذي من الشيطان وعدي للعشره حاولت بس مازيد عن يوم وارجع مثل ماكنت الله يهديني ويهدي الجميع
