اكمل ولا اطنش

السلام عليكم بنات لوسمحتم انا بحاجة لمساعدتكم ياليت اللي عندها معلومات ماتبخل علي وادعيلكم ان شاء الله في جوف الليل شوفوا بنات انا ربة بيت وخلاص مليت زهقت من قعدة البيت ودي اكمل معاي شهادة ثانوية بس قديمة شنو تنصحوني اسوي اعيد الثانوية منازل ياليت اللي مجربة تقولي وهل هالشي سهل شجعوني تكفون هالفكرة تدور براسي من سنين واللي لهم تجارب فيدوني

لو سمحتم بنات الموضوع ضروري ويهمني اشوف نصايح مفيدة والله ماعندي احد يساعدني انا تقريبا وحيدة الله يرحم امي وابوي ادعوا لهم تكفون

صراحة صابني احباط معقولة طول اليوم مافي ولا رد شنو الظاهر اني قاعد اكلم روحي احس فيني بجية

بنات تكفون ردوا ترا تعبت انام واقوم والموضوع واقف محد رد انزين ليش صراحة هذا اول موضوع لي في المنتدى مادري شنو نظامكم صخة حيل

امري حبيبتي

بس كل بنت وحسب ظروفهاا ,, المووضوع لازم ياخذ وقت علشان الكل يقراااه ,,

حبيبتي انا انصحج تكملين لانه الشهادة تنفع اماا بخصوص الشهاادة القديمه ماعندي اي فكره وان شاء الله البناات يفيدوونج

تقبلي مروري ..


والله يوفقج ..

شكرا يا نوارة ياقمر مرورج اسعدني واتمنى كل من عنده تجربة يشارك والله يسلمكم

ان شالله يساعدونج البنات ياقلبي
واكيد ما بيقصرون
عندي لج نصيحة
حطي رابط هالموضوع في توقيعج
واكتبي الرجاء الدخول عشان
الكل يشوفه
ويفيدونج البنات

اذا عندج طموح كملي ..

انا وحده من الناس دشيت ثانويه عامه مسائي مرتين ومنازل بعد والله ماكتب لي انجح

لاني بأختصار مو طموووحه وبسرعه امل وصارت عندي عقده

بس كانو معااي حريم كبااااااااااار اعمارهم بالثلاثينات ونجحو وجابو نسب حلوووه

نصيحتي لج اذا بتدرسين دشي مسائي مو منازل لانه يعتبر نفس نفس التقويه

والله يوفقج ان شاء الله باللي ناويه تسوينه ..

بصراحة انصحج اتكملين مافي شي ينفع الانسان قد الشهادة اسئل مجرب

ابصرا نسحة انصحج اتكملين روحي الجامعة العربية اذا تقدرين تدفعين لان الجامعة العربية تقبل نسب فوق ال60 اوشهادة قديمة نسبتها تحت ال60 واللة يفقج انشاء الله خليج طموح وعادي انا خالتي مشاء الله عليها ادخلتها وهي كبيرة لان كان عنده ضروف

اااااسفه كلامي كله بدليات عليميه شنسوي

الدراسه

أدري الموضوع قديم وانا داشه عرض وتوني أشوفه بس حبيت أفيدج
أنصحج تكملين واذا نسبتج ثمانين وفوق يقبلونها حتى لوكانت قديمه
واذا اقل عيدي مسائي وانشالله بتنجحين صدقيني الواحد اذا كان عنده طموح يوصل للي يبيه بكل بسهوله
وانا كملت دراستي بعد ماجيت عيالي وقدرت انجح واكمل لين توظفت
بس شنو كانت شهادتي قديمه بس فوق الثمانين بالميه
واللله يوفقج انشالله:wink_smile:

بالتوفيق حبووووبه كملي انا بعد قاعده بالبيت بس انا خريجه وعندي شهاده ومع هذا ماله حاطه في بالي اقدم عالديوان لان راح يبطل بعد كم يوم بس الله يهدي زوجي ويوافق واتوظف وافتك والله الدوام وناسه تغيرين جو تشوفين ناس تعرفين شنو صاير بالدنيا وحتى باجر جدام عيالج الا امهم عندها شهاده كل شي بهالدنيا يروح الاهل العيال الزوج الفلوس الصحه كل شي الا الشهاده تبقى وهي ذخرج بالحياة ووناستج وراحة بالج وكافي يصير عندج معاش ولاتحتاجين م احد شي نصيحه السنين تركض بسرعه والايام والسنه تمر كنها شهر ادرسي وخلصي واظن التطبيقي يقبل شهادات قديمه بس على حسب نسبتج راجعي التطبيقي اللي بالعديليه ومراح يقصرون معاج ومووووفقه امانه ادعيلي ان الله يحطني بالمكان والوظيفه اللي في بالي وموفقه يااااارب

انا كنت نفسج نسبتي 59 مادخلني شي قعدت 6 سنوات لين طقت كبدي دخلت معهد الموسيقى والحمدلله ماشي الحال بس هواية انا اعرف اعزف وتصيرين مدرسة اي نسبة يقبلونها