انا بولادة ولدي توني كان وقت طلعت الراس حسيت خلاص بولد جان اناديهم ببرود انا طبعي جذي هاديه ولما ناديتهم قلت بولد مايو جان اتذكر الافلام لما يولدون نفسهم ولا اقول بالطقاق ولا ارفع ايدي على السرير واتعصر هههههههههه جان ايون السسترات والدكتور لانه بين عندهم بولد بالكمبيوتر ويو والحمد الله بس والله ضحكت ضحك عقب ماولدته
اي والله اهم شي الكمام يخليج تهلوسين عدل انا بولادتي بولدي من حلات الكمام لمن قربت الولاده يسحبونه مني واسحب شكلي تقول امي كان صج يضحك
واي موتوني من الضحك يحليلكم انا بولادتي الاولى نزل علي ماي اخضر واحسب فيني اسهال قمت ابجي قدت ريلي من النوم ولما رحت المستشفى طلع ماي الولاده وبثاني كنت قاعده الف ملفوف وفجاه ياني الطلق وقمت اصارخ من قمت راسي ولما ريلي ركبني السياره مسكين كل ما يمسك ايدي يهديني ادزها واصارخ عليه ولما دخلت المستشفى كل الدكاتره واقفه على راسي يقولولي وينج من الصبح البيبي بينزل باي لحظه ما يدرون ان الطلق يايني توه واحلف لهم ان توه يايني الطلق مو مصدقين من كثر ما اهما خايفين اولد باي لحظه خافو يحطوني بكرفايه ولدوني بالممر على النقاله تخيلو
امببييييه مواقف مضحكه بس انا موقفي بولادتي الثانيه بولدي صارت ولادتي فجاه بعد خرعتي على بنتي البجر طاحت وانشق راسها وكان عمرها سنه و3شهور ومن خرعتي عليها رجعت من المستشفى ونمنا انا وبنتي وقعدت على صلاة الفجر ولا الماي اللي نزل علي كله وماعندي احد واتصل على زوجي و10 دقايق ويكون عندي طلع من دوامه وطيران عالاعدام اقصد العدان من الفجر لين المغرب وانا اتولد ومن العوار والموت اللي شفته بعيني وحسيته ظهري كان بينقص من العوار واطلب ابره الظهر اللي خدعوني فيها المستشفى لاني اعاني منها من 5 سنين المهم ويوم صارت الصجيه ولا يعينه عينهم كل دكاتره العدان الاستشاريين عندي يالله بش اهم قالوا بش وانا سويتلهم حفله من نوع ثاني حاشتني حاله من الاسهال عزكم الله وقت خروج البيبي ومن فشلتي من الدكاتره تمنيت الارض تبلعني من اللي سويته بوجههم بس الحمد لله عدت وخلصت وانا منحرجه حدي وبولادتي الاللي بعدها مامر علي اي دكتور و ولدتني السستر اتوقع عرفوني او كانو مسجلين ملاحظه بملفي عشان ما يتكرر اللي صار بس طبعا انا لو بفكر احمل مستحيل اولد عندهم كرهتهم حدي مايفهمون بالطب باي تخصص
اتذكر يوم كنت قاعده سهرانه انا وريلي الصبح ريلي قالي ماودي اروح الدوام قلتله لاروح دوامك والحمدالله انه ماراح الدوام وانا قاعده اسولف معاه كان يوم 7 رمضان وكنا نطالع فضه قلبها ابيض وفجاه حسيت بضربه في بطي وينفجر الماي عندي جان اقوم وافتح ريولي وتنزل مني نافوره من الماي واصرخ وقول حق ريلي بموت خلاص بموت وقاعده اصرخ واقوله ابي امي خلاص انا راح اولد في البيت واصرخ حييييل جان ريلي يلبس عبايتي عباله لابس دشداشته السوده وانا رايحه المستشفى عبالي باي لحظه راح يطلع الياهل ولما وصلت فحصتني مبطله سنتي واحد بس تخيلو يابنات من الصبح رايحه المستشفى وانا ولدت يوم ثاني وكل شوي اقولهم ابي ابرة الظهر وابجي كانه اول ولاده لي مع انه هذي الولاده الثالثه وبولادتي الاولى رحت مستشفى دار الشفاء وقصو علي قالولي ان الكمام يخدر ماتحتاجين ابرة الظهر وبعدين عطوني الكمام وماسوالي شي قمت اقولهم مابي كمام جان اختي تحطه لي قصب وتمسك ايدي وبعدين صرت سكرانه وقمت اطق الدكتور وهو قاعد يخيطني مسكت ايده ومسكت الابره بيدي وقمت اهلوس طبعا انا مادري عن نفسي بعدين اختي قالتلي القصه لوووووووووووووووووووووووووووووووووووووووووووووووووول
ههههههههههههههههههههههههههه الله يتمم على الكل يارب ,, ويسهل للي على وشك ولاده ,, انا نفسه الحين ,, صارلي موقف وانا متخدره من الكمام اسمعهم يقولون عشره سانتي الحين ولاده وانا اقول حق الدكتور لا الله يخليك زوجي للحين ماوصل من السفر اصبر شوي بعدين ولدني يقولي يالله شدي الراس بيطلع انا اقووول مابي اولد خلاص جان يخدرني بابره من تحت وقعدت الا انا والده بعدها قالي الدكتور انتي شجاعه بس تهلوسين وايد و زوجج كان واقف وسالني عنج كان خايف ( زوجي كان موجود مو مسافر بس لانه دخلت شهري وسافر اسبوع عنده امتحانات ورد وكنت احاتي اولد واهو مو موجود ) قلت له شنو صار قالي استريها منتي قلتي بلاوي واذكر اول مادخلت علي خالتي ان زوجي وامي يصحوني قالو مبروك البنت حلوه .. طالعت بطني مو مصدقه اني ولدت قلت لهم انا ولدت وقعدت ابجي ابي بنتي بشوفها
انا بولادتي هاذي توني بعدني ما طلعة من الاربعين اللحين لي 27 يوم يوم كنت اولد من كثر ما تعبت من الالم من الولاده وخلاص وصلت حدي نزلت ريلي وقلت حق الدكتوره خلاص خليني اقومما ابي اولد والدكتوره تضحك وتلرد ريلي .
هههههههههههههههههههههههههههههههههههههه من جد وربي هالمواقف المضحكه جت بوقتها <حدي متضايقه بس ونستوني الله يسعدكم ويخلي لكم عيالكم يارب بس بسال وش سالفة الكمام هذا انا سمعت عن الابره بس الكمام !! حسيت وانتم تتكلمون عنه ان الولاده فلللله
